الثلاثاء، 16 نوفمبر، 2010

The new black

بمقابلة لجيمي فالون مع مارك جايكوبز، جايمي يسأل مارك يقوله وشوا الأسود الجديد؟ What is the new black? فيرد عليه مارك: 48 ... طبعا مارك يستهبل، جوابه ماله معنى .. لأن سؤال جايمي بالأساس ماله معنى :) ... أنا أقولكم الحين الأسود الجديد هو الجلد :)!!! أمزح
الأسبوع الي فات كنت لابسه ليقنيق شكله كأنه جلد، هو مو جلد ... قالت لي بنت البنطلون الجلد الي عليك حلو :) انبسطت و لا علمتها أنه مو جلد، و لا قلت لها أنه حق أختي P: سألتني قالت لي الجلد بيرجع صح ... جاوبتها إيه، هو أساسا كان كثير بعروض الخريف اللي الحين بالسوق، بس أظن أنه بيطول (إجابتي كانت بس إيه، الباقي لكم) البنت كانت متضايقة بزعمها أنه البنطلون الجلد ما يصلح لجسمها. الحلو الحين أنه الجلد مو بس بناطيل ... فيه فساتين و هذا يصلح لكثير أجسام، فيه توب جلد، و فيه الشي الي ما قد راح أبد الجاكيت الجلد.



لما شفت هذا الإيديتوريال من فوغ شاينا، قررت إني أكتب عن الجلد ... أنا من فترة حابة الجلد، وحابة مره فساتين كريستوفر كين مجموعة الخريف (غاليه و ما تناسب أي وقت بالسنة) هذا السبب الي يخليني ما أشتري منها ... بس زي ما قلت لكم مع هذا الإيديتوريال أكتشفت أنه الجلد ممكن يكون حلو مره مع الدانتيل (قماشي المفضل). الدانتيل يعطي الجلد نعومة حلوه مره (أكيد راح أجرب إني أخلطهم مع بعض).


أعرف أنه جا العيد، يعني ممكن هذي النصيحة مالها فايدة، بس فيه مناسبات ثانية ... التوب هذا موجود عند H&M أنا صراحة ما شفت منه إلا أسود ... عجبني مره مره مره، و قبل ما أشوف الإيديتوريال حق فوغ شاينا، كنت أشوفه أنسب شي لخلط الأشياء الثانية مع الجلدو يعني الجاكيت ما ينلبس كل وقت، التنورة تضايق كثير من الناس، و مو كل الناس يحبون يلبسون تناننير قصيرة (ما أظن فيه تنورة جلد طويلة و حلوة)، و البنطلون قلنا مشكلته أول. غير موضوع الخلط، التوب أحسه لأنه جلد، بيعطي شكل محدد للجسم، مهما كان فيه عيوب بتخفينها .



إيل يو إس، تعطي فرصة أنك تجمع الملابس الي هم عارضينها بالعدد على بعض، و تسوي اللوك الي تبغاه، أخترت التوب الجلد هذا (مو حق H&M) هذا من كالفن كلاين، بس لأنه أسود يشبه الي قلت لكم إني شفته ب H&M، و سويت منه لوكين واحد بتنورة، وحد بنطلون علشان تشوفون كيف يطلع حلو (آفتحوا الصورة بإطار ثاني علشان تشوفونها أكبر).