تعجبني نتالي بورتمان، تمثيلها ... لبسها حق كل يوم (يعجبني إنها تلبس لبس مريح، مو شي معقد) و بعد يعجبني كثير أشياء من لبسها بالحفلات ...
نتالي زي جيسيكا ألبا جاية لمهرجان فنيسياو فيلمها الجديد The Black Swan افتتح المهرجان ... كل لبسها عاجبني وجهها جنة لأي واحد يبغى يسوي مايك آب (عظمها حلوة، و فيه مساحات حلوة بوجهها).
المهم لبسها من جت إلى حد الان حلو و حلو مرة ... من أول لبس طلعت فيه للفوتو كول بالفستان البنفسجي الميو ميو ... لحد البريمير حق الفيلم و هي لابسه الفستان الأحمر من رودارتي ...
قلت لكم أنه كل شي مضبوط ... المايك آب ... شعر (يعجبني شعرها أنه مسرح بس بشكل لطيف كأنه ما سوت فيه شي باللوكين الأول و الثاني الي لابسة فيه أزرق لحفلة كوكتيل سوتها رابطة الصحفيين الأجانب في هوليوود). الفستان الأحمر الرودارتي حكاية ثانية ... ما أعرف مين الي خلى فستان أحمر حلو كذا هم رودارتي و إلا نتالي عجبني كل تفصيل فيه، السيور و الكتوف مع بعض ... الكسرات الصغيرة الي عند الصدر، و أهم شي من تحت طبقات الشيفون. بس الشي الي محيرني وش قصة الشنطة الديور هذي الي عندها منها 3 ألوان ؟!!! و صايرة بذات مع الفستان الأحمر كأنها شنطة مكياج الي دايم لما أطلب من فافافوم هدية إذا شريت منهم شي يعطوني زي هذي الشناط المجانية :)
ما أفهم أكيد فيه سر، خصوصا لما تلبسها مع فستان سهرة حلو كذا :)
ليست هناك تعليقات:
إرسال تعليق