Red Striped = Summer

Sun & Sand by alorwa featuring Calypso

الأحمر المقلم يمكن من أقدم أقمشة الصيف، هذا الي عجبني بلوك شارليز ثيرون، الأشياء الي حبيت أسويها أني أفتح لون البنطلون لأن الرصاصي شوي غامق على الصيف، فاخترت رمادي، و بعد ما حبيت أن البنطلون يكون سبور، فاخترت له هذا القماش الخفيف و واسع. لأن الأحمر المقلم كلاسيكي بغيت ادخل عليه لون كلاسيكي مثل الذهبي، و نظاره كلاسيكية، طبعا اخترت فلات ما اخترت شبشب، مع أنه ممكن يكون انسب للشاطي، بغيته يكون للصيف مو للشاطي بس، يعني ممكن تلبسه بأي مكان بشارع، بحديقه، على البحر ...

ا خترت عقد اسود، عشان يصير كاجول أكثر ما بغيت يكون العقد ذهبي بيعقد اللوك شوي، أما التوت الحمراء من مارك جايكوب، فحسيت أن ما اختيرت للبس صيفي كذا، فماراح تقدرين تلبسينها مع زي شي ثاني

Queen of Airport

إذا تبغى تشوف أحد يفتح نفسك بالمطار، ميرندا كير هذا كل شي، لبسها دايم حلو و يفتح النفس ...

Shirt/T-Shirt Dress

من زمان خاطري أكتب عن الشيرت الدريس، أولا لأني من زمان لما أشوف بالأفلام لما الوحده تلبس قميص رجالي (طبعا من دون بنطلون) يعني قميص زوجها أو صديقها، أدري يمكن تستسخفوني بس
جد ما يعجبونكم؟

الشي الثاني أنها تحتاج الواحد يختار لها أكسسوار بذكاء (الشنطة و الجزمة و المجوهرات) ، و إلا تطلع تافهه، مالها معنى. كان المفروض أكتب عنها لحالها يعني عن الشيرت دريس خصوصا لما شفت كلوي كاردشيان، و كان شكلها بايخ مره، ثم بعد يومين لبسته صوفي بوش، و فكرت أني أسوي لها their look ... my taste، و عجب أختي التجميع، عشان كذا دخلتها مع الموضوع.

بشكل عام أحب الشيرت دريس أكثر من التي دريس، زي الي لابسته جيزيل و تايلور لأنه يحتاج عشان يطلع شكله تلبسين جاكيت معاه ، أو تسوين زي تايلور تلبسين شال معاه، بس من دونه يكون عادي

طبعا ما يحتاج أقول أن إيما واتسون ذوووق و أكيد لما تلبس شيرت دريس بيكون حلو عليها لأنها تعرف تلبس،

Feel Free by alorwa featuring Gucci sunglasses

من وين تجيب الشيرت دريس، تقريبا من كل مكان الحين، من الهاي ستريت، و من الليبيلز، و إذا بتشترينها أونلاين هنا موجوده:

من موقع بوليفور فيه أكثر من محل و ماركة

بأسوس

و ممكن تدخلون على اللوك من الاسم feel free و تعرفون كل قطعه من وين

I Can Tell

كايتي رجعت ل إل أي يوم عشان برايم فيلم Tropic Thunder المهم كانت لابسه لبس كحلي مرة ذووق (زي دايم) صحيح ما عجبني الكعبات و المايك آب بس من جد الي يشوفها يعرف وش معنى الطول عز D: . المهم لبسها ما كان لا من لانفين و لا من إلكسندر ماكوين و لا أرماني و الناس تسأل من وين لابسه كايتي، كايتي صارت مصممة اللبس بنفسها، و ما نعرف إذا ناوية تشتغل بهالمجال (يعني تصميم الأزياء).. رغم أنه كايتي أساسا عارضة أزياء و كانت وجه لكوتش من زمان، بس فكتوريا تعوض نقص الشكل الي فيها و قالبة حالها، حتى يقولون اللوك الجديد أنه من أقتراحات فيكتوريا بيكام :).

هذي كايتي قبل ما يهبل فيها توم و يعجزها.

و هنا كايتي بالبرايمر

هذا الكلام كتبته السنة الي فاتت بتاريخ 14/8/2008 بالضبط، بس ما نزلته نسيت ليه؟ :) ليه رجعت أنشره، لأن كايتي بتنزل أول مجموعه لها هذا الخريف، بس بصراحه ما عجبني تصاميمها مره و شوفوا الجمب سوت هذي بعد هي الي مصممتها، ما أعرف كيف بتكون، بس أعتقد أنها بتكون أميل للكاجول بألوان باهته (كحلي - رمادي - أبيض - أسود)

تتوقعون تسوي كايتي مثل ما سوت فيكي؟

Speed Date

أمس طلعت لندسي لوهان الصباح و هي لابسه تانك أبيض مع جينز أبيض مشقق و فلات فضي، مع شنطة نود، و تشوفون بيدها أي فون، شكله فيه واحد دق عليها و قالها باشوفك بالليل، و لأن لندسي ما عندها وقت، لو كان عندها كان زينت شعرها. طلعت بالليل بتانك أسود، و جاليه جلد أسود، و لا غيرت باقي الأشياء :)

Without Belt

اليوم أخترنا لوك درو باريمور، شفت اللوك أساسا مع حزام، و أنا قايلة لكم من قبل، الحزام أحبه بس يحتاج الواحد يتعامل معاه بحذر (مو خطير) بس بعض المرات يمسخ اللبس، يمكني كرهت كثرته من رانيا العبدالله الي تلبسه مع كل شي.

عجبني بلوك درو هذا أنه مريح مره، مافيه تعب، ما فيه تكلف

without belt by alorwa featuring Bottega Veneta shoes

حبيت أختار له جاكيت بأكمام قصيره، مع كروبد توب عاجبتني (الكروبد توبز) و أحس لازم أختار لها لوك، أخترت كونياك زيها، بس حبيت هذا الشكل لأنه جا ببالي شنطة طهر، بس لقيت هذي بتكون أحلى، لأنها ما راح تغطي شكل الجاكيت ... الصندل بغيته أزرق، و لا بغيته غلاديتر، بيكون مزعج شوي، و بعد ما بغيته صندل بسيور خفيفة، الجلد الأزرق يحتاج يطلع، و لازم نحافظ على البساطة. درو زي ما شفتوا مو لابسه سلسال، جا ببالي سلسال طويل ذهبي، بتعليقة كبيرة بيطلع حلو، و بتسألون وش معنى الأحمر، الأحمر لون روجها، يعني لو يلبق عليك الروج الأحمر حطيه، و إذا لا، حطي درجاته

(ترى مو كل مواضيعي بتكون كذا، بس أعرف فيه أيام ما راح ألقى أحد ممكن أجمع من اللوك حقه، فقلت استغل الفرصة :p)

مواضيع ذات صلة:

Can I Barrow this

?Ask

يمكن تلاحظون أني ما عاد صرت أحط لبس على السليبز، و على الموديل بالكاتووك تصنيف "الفروق العشر طعش" ، لسببين، أولا فيه ناس تسوي هذا الشي، و إذا أنتم تحبون تناظرون الفرق هذي الروابط لها، هنا مجلة people كل بين فترة و ثانية، تشوف راي الناس وش أحلى على السليبرتي، أو على الموديل، و هذي مدونة لسنغفورية أظن يعني المدونة بالإنجليزي، تحطهم مو بشكل منتظم بس تحط الصور.

و الشي الثاني ما أظنه يسوي فرق كبير، لأنه على الأغلب دايم على الموديل يكون أحلى، بس الفكرة لما نقارن بين ناس أجسامها، "شبه" طبيعية، و ناظر كيف ذوقها (المايك أب، الإكسسوارات)

الي فكرت أني أسويه أقارن بين أثنين أو أكثر من السليبز لابسين نفس اللبس، و إذا عجبكم شي على أي أحد و ودكم تعرفون من وين أسألوني و راح أحاول ألقى من وين

Their Look My Taste

عرفت هذا الموقع بوليفور الموقع يخليك تسوي كولاج من ألآف الأشياء الموجوده، و أنت تقدر تضيف، اليوم شفت ميشا، و اللوك حقها "جاز" لي يعني مو مره عجبني بس التنوره الي اخترتها من فترة عاجبتني و فكرت أني أبدأ فيه اللوك حق ميشا، و بعد جا ببالي هالتصنيف الجديد الي كل فترة و فترة ممكن أنزل موضوع فيه

their look ... my taste

أول تجميع و تراه مو رخيص، بس الموضوع كيف مو "تنسخ" اللوك حق المشاهير زي ما تسوي بعض المواقع و البرامج، بس كيف تألف منها لوك يعجب الناس، و أهم شي يعجبك.

autumn at summer by alorwa featuring Diane von Furstenberg

(أضغط على اسم التصميم عشان تشوفه كبير، و تشوف كل قطعه من وين)

Teen Choice '09

منيب مصدقه أنه مر سنة على أول تغطيه لحفل التينز سويتها هنا !!! المرة هذي تمرست و بطلت أحط كل الصور و قررت عشان أخفف عليكم التحميل آخذ الأحسن و الأسوء




عجبني إيد بهذا اللوك بسيط و مرتب، بس الرجال عارف قدر نفسه و أنه ماله كاريزما رايح لابس تي عليه صورة جيميس داين، لا تخاف تكبر شوي ويطلع لك شكل بس بطل تقلد جود لاو :) و لا تكثر تيشيرتات عليها صور ناس مع أن هذا حلو، خصوصا مع الجزمة و لون الجيتز بعد

كريستين بيل للحق أنها من آنق التينز، طبعا هي مو تين بس مسلسلاتها للفئة هذي، جمب سوت عادية سودا أنيقة، مع سلسال ملون و و الشنطة عاطيه شكل للوك، عجبني بعد الصاندل مدخل لوك صيفي



و أنا اكتب نزلت صور شايس كروفرد هذي، و تعيجزت أعيد أدخل صورته مع الي فوق، طبعا أنا شاكرة له من غير تسريحة شعره بداية الصيف، بس لبسه ذوق بجد



هذولا الأسوء و إلا بشكل عام اللبس مهنا زود، و يوم رجعت لصور السنة الي فاتت حسيت أنهم العام كانوا أحسن:
كريستين ستيوارت لو بيدي قتلتها على هاللوك كان قتلتها، شعرها مقرفني، صح تعجبني أنها ساحبة على العام، بس يا شيخه مو تجين بشعر قاصه حلاق نايم، و الصبغه شينه، اللبس كأنه قنفذ، لون و قماشه، و الشوك الي طالع منه فظيع

أماندا بينز شعرها يحتاج له حلاق كريستين عشان تبطل تفكه لي بالشكل البايخ هذا، و تقصره شوي، غير أن البلند مو حلو عليها لو تخليه ديرت بلند يمكن أحلى، فستان من هارفي ليقير، و هي من فترة تحسب أنه ما فيه فساتين بمحلات ثانية، مو حلو لونه خصوصا عليها، مخليها كأنها مهدد

هذي البنت كلمتنا بالمتوسط "فكوني عليها" تصلح معها أبيغيل هذي تجيب لي الصرع، مصدقه نفسها و هي اللهم لك الحمد، لا تمثيل و لا أناقه، لبسها أنا متأكده أن حستيس "لمتيد تو) عندهم أحسن منه، البوت ما أعرف وش قصته، و الشعر يرفع الضغط، غير المايك آب الي تقل أم ٩ عيال مو بنت عمرها 12 ما أدري 13

فيه فساتين نافخ الله بصورته، تتذكرون فستان لوغان موغييه الي ما في أحد ما لبسه ، المره هذي جا الدور على فستان ماركيزا الخايس هذا، هذا الفستان لو شفته قبل 10 سنين يوم زواج خالتي كان صرعني، بس الحين ما أدري وش يبي...

أول مره شفته على مايلي السنة الي فاتت زي ما قلنا قبل ثم لبسته جورجينا (راعية الماركة) بكان مايو الي فات، و أنا أدور على مايلي المرة الأولى اكتشفت أنه هايدي كلوم لابسته بعد

قبل يومين لبسته الي لو تلبس وش ما تلبس ما يزهاها (هيلاري دوف) ما أدري بحفلة أو وهي تصور gossip girl (للي يتابعون المسلسل قولوا لي) ، بس مع الحلقات هذي الرهيبة ذكرتني بمنتزهات الله بالخير الي يسوون بالكفرات كل شي حتى مراجيح حلاقاتها كأنها كفرات

Semi

رجعنا من السفر و قبل ما يخلص الصيف (وهو عندنا ما يخلصD:) حبيت انزل هالموضوع.

عندي أخت تكره كل شي اسمه موضة، أو فيه أي دليل على الأنوثه، ما أظلمها و أقول إنها مبهذلة، أو كأنها ولد مراهق، بس لبسها ما تحب تتعب فيه، و لا تحب أي شي غير، يعني سكيني جينز، و تي أو قميص و الحمد لله.

قلت لها تشتري شورت سباحة رجالي، و تلبسه مع تي شيرت، اللبس صار حلو بس لو أنا الي لابسته ما قدرت ألبسه كذا لحاله :) عندي إيمان أنه ما في لبس بس قطعتين من دون إكسسوار أو أي قطعه زياده، و أحب أنه من دون ما ألبس اللبس يعرف أني اخترته.

زي ما قلت لكم هذي مو أول مره اتكلم عن تدخيل قطعة رجالية مع لبس نسائي، اتكلمت الصيف الي فات عن كايتي لما كانت تلبس بنطلون رجالي.

لو كان الشورت هذا بيلبسه رجل كان قلت له لا تلبس معاه شي، أو تي أبيض ساده، لكن مادام بنت الي لابسته، لازم يدخل عاللوك حس أنثى، أو صارت كأنك بنت مسكينه تحاول تسترجل

* معلومات ممكن تلقين هذا الشورت بالسعودية في Topman و الباقي بـ Top Shop و River Island و H&M أو تقدرين تدورين عليها بالنت إذا أنت تشترين أونلاين