New Year

صراحة ما عندي شيء أكتبه اليوم، هو ببالي أشياء كثيرة أكتب عنها، لكن كلها ما بعد أكتملت براسي، فيه ببالي أفكار للسنة الجديدة منها إني راح أسوي أحسن فستان للشهر، و أتمنى أني أكمل هذي السنة (السنة اللي فاتت ما قدرت أكمل لأني نقلت و انحست و حسيت ماله داعي أنط شهور بعدين أرجع).

شفت هذا الفيديو على اليوتيوب (و لأنه تقريبا صايره هذي شغلتي تشغيل فيديوات على اليوتيوب، قررت إني أحطه هنا لأني شفت إن المعلومة اللي فيه ظريفة.

الفيديو فيه ليه البنطلون أو الشورت اللي إلى الركبة أسمه برمودا. صراحة ما قد فكرت بالموضوع و لا قد أشغلت بالي، و لا أعرف كيف عرفت أسمه، بس اللس متأكدة منه إني ما قد فكرت وش علاقته ببرمودا. 

المعلومة تقول أنه بالثلاثينيات ببرمودا منع النساء من لبس الشورت اللي يطلع الفخذ، فطولوا الشورت علشان يلبسونه، و سموه برمودا :) معلومة ظريفة صح؟. 

أعدكم إني ما راح أحط لكم أشياء زي كذامرة ثانية، (طبعا إلا إذا تبغون:)) لكن هذي زي تحية صغيرة على بداية السنة الجديدة. 

Entering the World of Candles

ما أعرف إذا تهمكم هذي المواضيع أو لا، من البداية، إذا ما عجبتكم فكرة إني ممكن أتكلم عن شيء ماله شغل بالفاشن أو المكياج (على الأقل بشكل أساسي) لكن إني جربته و ممكن أقولكم رأيي فيه. 

ندخل للموضوع، ما أتذكر إني قد كنت مهتمة بالشموع، ما أكرهها لكن بالنسبة لي أعرف ممكن يكون سبب تافه أشوف إنها تحترق و تخلص. أما الشموع اللي تطلع ريحة، أتذكر فترة طاحوا فيها الناس، وصلتني أكثر من وحدة، و لا عجبوني أحس أنهم يخنقون. 

قلت لكم إني نقلت. أنا الحين بأمريكا، و لأني أعرف إن شققهم فيها كاشفات دخان، ما جبت معاي بخور: معمول أو عود أي شيء من الأشياء هذي، و بعد تقريبا أقل من شهر اقتنعت إن البيت يحتاج ريحة حلوة :). المهم ما أعرف كثير عن الشموع، لكن لأن أكثر شيء أحبه بالنت إني ألقى رأي الناس بالأشياء، يعني ممكن يوفر علي وقت و فلوس (ما أشتري شيء بايخ) سمعت أكثر من مرة عن Body & Bath Works (أتذكر شفته بالبحرين أكثر من مرة، و أظن فيه بالمملكة). لكن ما قد جربت أدخله للأمانة. بالمكان اللي أنا فيه دخلت بودي آند باث وركز و بعد جولة طويلة طلعت، رحت لمحل أسمه Yankee Candle و شمت بعد وش عنده و طلعت بهذا القرار. 

طبعا لقيت روايح غريبة، ما أعرف أحسها حقت أطفال، يعني كل اللي أبغاه من البيت أنه تكون ريحته نظافة مو مارشميلو و فطيرة تفاح و أشياء مرة ما عجبتني. 

لأنها أول مرة لي (أشتري فيها شموع) أخترت للبيت من يانكي كاندل الشمعة اللي على اليسار ريحتها زي ما هم واصفينها مريمية و حمضيات. لما شمت الريحة مرة أعجبتي و قررت أني أجيب الشمعة اللي حجمها 411 قرام بتقريبا 26 دولار (أعرف مو رخيص) بس قلت راح أجربها و أشوف كم تقعد. 

أخترت للحمام من بودي آند باث شمعة هم مسمينها خيزران طازج، ريحتها كأنك بمنتجع مره منعش. حجمها 113 قرام بتقريبا 10 دولارات. طبعا كلهم مالي إلا يومين تقريبا شاريتهم، يعني ما أعرف متى يخلصون لكن من اليومين هذي أقدر أقول إني ماراح أشتري من يانكي كاندل مرة ثانية، مو لأنه ما عجبتني ريحتها لما احترقت، لكن ريحتها مرة ضعيفة، زيادة على كذا سعرها أغلى من بودي آن باث وركز. 

هذا هو موضوع اللي ما أدري يهمكم أو لا؟ إذا تبغون أتكلم بين فترة و فترة عن أشياء جربتها، و لا لها علاقة "واضحة" بالفاشن قولوا لي :). 

بالمناسبة جالسة أجرب مكياج رخيص هنا، بعضه يآصل السعودية، بعضه ما أعتقد، بس لو مهتمين راح أقولكم عن هذي الأشياء :). 

Celebration

ودي أحتفل معاكم بلحظة مهمة لي و لهذي المدونة. تقريبا من حوالي سنة، و أكثر كلمات البحث اللي تجيني كانت تدور على صور رانيا العبدالله بالمايوه أو البكيني. الحقيقة إني ما شفت الصورة، و لا أعرف إذا هي موجودة أو لا أصلا، و أصلا لا يهمني إني أشوف رانيا العبدالله بمايوه أو بأي شيء ثاني لأنه ما يهمني ستايلها من الأساس. لو كنت راح أختار وحدة من زوجات حكام العرب علشان أتابع ستايلها بتكون موزة المسند، موزة تلبس بشكل جدا جدا جدا أنيق، جدا لائق و الأهم أنه جدا غالي P: و بالمناسبة ترى موزة المسند ما جت لزواج وليم وكايت للي يدورن على صورها، و إن كان قصدكم الصورة اللي يلبسها حمد الجزمة، هذي الصورة كانت بإسبانيا قبل أسبوع من الزواج تقريبا، فيعني لا تدورن على صورها بالزواج. (و ترى رانيا بعد ما جت). 

المهم أقولكم أنه سنة و الناس تدور على صور رانيا بالمايوه، و أقدر أقول إني متأكدة أنهم مالقوا أي شيء له علاقة بالموضوع بهذي المدونة، للحق الموضوع كان يضايقني، تعرفون لما أختك أو أي أحد يجي يسألك مثلا عن تي شيرت وينه عشر مرات، و كل مرة يوضح لهم أنه مو عندك، كذا كنت أحس، خصوصا أنه ما عندي نية، لا أدور على الصورة (إن كانت موجودة)، و أكيد ما راح أحطها عندي. اليوم لما شيكت على كلمات البحث اللي تآصلني، و أخيرا نزل مايوه رانيا العبدالله، و صار مكانه شيء أكثر أهمية و هو الجاكيت الرسمي. 

ما راح أحط لكم هنا جاكيت رسمي علشان نحتفل، لكن راح أحط بيكيني عاجبني مرة :)

ما أعرف ليه البيكيني أو المايوه بأي شكل له، من أكثر الأشياء اللي كنت أدور عليها بالنت من عرفت شيء أسمه شراء من النيت، و مع ذلك إلى الآن ما شريت شيء، كل مرة يتغير رأيي بوشو الشيء اللي أبغاه، أو أأجل الفكرة علشان ببالي شيء ثاني أشوف أنه أهم من بيكيني أو مايوه. 

من فترة مره قريبة عرفت هذي الماركة We Are Handsome شفت أغراضهم على نيت أي بورتيه و حبيت أشيائهم اللي مطبوع عليها، خصوصا مع شكلها هذا تصلح تنلبس مع أي شيء مو لازم للبحر أو للمسبح أو جاكوزي. قبل أسبوع تقريبا ريانا لبست منهم واحد مطبوع عليه صورة بوب مارلي (مصمم خصيصا لها) و قبل بعد ريانا و ديان كروقر لبسوا منهم نفس المايوه أسود و عليه وجه جاقوار. 

وي آر هاندسوم مو بس يسوون ملابس بحر، يسوون تقريبا كل شيء ضيق، ليقنقز، بودي سويت و توبز كلها مطبع عليها، بس نيت أي بورتيه ما يبيع الآن إلا ملابس البحر. 

لو تبغون تهدونها لي علشان أحتفل صدق، ترى ما عندي مانع، و لا تحسبون أنكم ملزومين بس باللي أخترته فوق، أي شيء يجي منكم بيكون حلو P: 

Endless Legs

التدوينة هذي تقريبا مالها دخل بالفاشن، بس شفت هذي الصورة و عجبتني، و الأهم إني من فترة شفت بحث بالمدونة "صور ساشا و ماليا". نفس حكاية كايت ميديلتون، ما يهموني الأوباماز، و لبسهم ما عاد يهمني، يعني أشوف إنهم يلبسون بشكل نظيف، مرات يكون حلو بس مو مميز.

الصورة هذي صورت لهم أمس، و هم يشوفون نهائي كأس العالم للسيدات بين أمريكا و اليابان. قلت لكم ما فيه شيء له علاقة بالفاشن بهذي الصورة، خصوصا و إن لبسهم جدا، جدا عادي، و زي أي ناس عادية جالسين قدام التليفزيون و مفسخين جزمهم. يمكن الشيء الوحيد اللي له علاقة بالفاشن هي سيقان ماليا اللي أظن إني لو وقفت جمبها راح آصل ركبتها :). طبعا وش علاقة السيقان بالفاشن؟ هو أنه بهذي السيقان أظن إن ماليا بسهولة تقدر تصير موديل، طبعا أستبعد لأنه البنت بنت رئيس أمريكا و قبل كذا بنت محامين (أمها و أبوها) فيعني ما أظن إن البنت ماراح تصير دافورة زي أهلها :). 

Defected Couture ?!!

أعرف أنه خاف نشاطي هاليومين، أو الإسبوعين، بس خلاص آخر السنة، و كل العالم عندهم اختبارات ... و غير كذا أساسا ما طلع معاي شيء. 

اليوم كنت بواحد من الأسواق (الله يستر علينا و عليهم). شفت بواحد من محلاته (و بعد ما راح أقول أسمه) P:. هذ الفستان اللي على اليمين.

و الله الهدف مو إني أتمسخر على أحد، بس هذي الفضاوة، يعني بالأساس أنا مو ضد تقليد أفكار ماركات الهاي فاشن، بالعكس، و دائما أحاول أجيب أشياء تشبه لها من الهاي ستريت لسببين، الأول إني بعض المرات أشوف إنه فيه موضات يمكنها لطيفة، بس ما تستاهل أضيع فلوسي عليها. الشيء الثاني من حق كل الناس يلبسون ملابس حلوة، حتى لو ما عندهم فلوس تخليهم يشترون من الهاي فاشن، 

الفستان اللي قدامنا زي ما أنتم شايفين "يقال له" نسخة من الفستان اللي علي اليسار من مجموعة ربيع 2009 الأوت كتو، لكيغيستيان ديور. اللي أشوفه قدامي كارثة، و مثال كيف تحول تحفة، لفستان مسخرة على واجهة محل، يسوي نفسه يبيع فساتين سهرة. الدرس الثاني اللي استفدته من هذي الصورة D: هو أنه لما تجي دور زي ديور، شانيل، أرماني و إيلي و فالنتينو جيفنشي و غيرهم، يسوون فساتين أوت كتو يآصل سعرها لأكثر من 60,000 دولار فأنه معاهم حق، مو مرة، بس الفستان اللي صورته لكم خلاني أقتنع شوي. 

آخر شيء، كبروا الصورة و ناظروا تفاصيل الفستان، طبعا مو اللي على اليمين أكيد، اللي على اليسار، و بتعرفون وش معنى خياطة راقية. 

Weekend Wedding

الويك إيند هذا زواج نيكول رتشي ... أحس إنها راح تسوي شي حلو مره، أو شي بايخ مره، الي عرفته أنها راح تلبس من ماركيزا، أحسه شي خاص فيها مو موجود من الكوليكشين الأخير ... بس لو كنت باختار أنا منه كنت راح أختار هذا الفستان:

الفستان من أول ما شفته عجبني، و على طول فكرت فيه أنه يصلح لزواج، يمكن أكثر شي عجبني فيه أنه يشبه لبس أودري هذا الي ب My Fair Lady و تعرفون أنه أنا زي كل بنات العالم أحب أودري هابيرون.

هذا الموضوع خلاني أجيب طاري موضوع ثاني من زمان بخاطري بس مستحية منكم لأنه بتقولون الحمد لله على النعمة.

المهم الي بقوله ... قبل تقريبا أسبوعين حلمت حلم سخيف، حلمت أنه مجلة أزياء (ما أعرف أي وحده) طلبت مني إنهم يصورون زواجي، قلت لهم إني تزوجت و خلصت، بس إذا ما عندكم مشكلة أسوي زواج ثاني ... المهم قمت من النوم قبل ما أفكر كيف شكل الزواج الكذبي الي راح يصورونه لي المجلة ... و جلست أفكر، ما أبغى أعيد زواجي الأصلي صح مو شين يعني شين، بس مو واااو لدرجة أنه أبغى مجلة تصوره (دايم تصير لما نبغى شي يطلع حلو مستحيل يطلع زي اللي ببالنا) بس هذي المره ما راح أشيل هم لأني راح آخذ فلوس من المجلة ... جلست أفكر وشو ثيم الزواج أول شي فكرت فيه هذا الفستان ، الفستان من مجموعة أليكساندير ماكوين الأخيرة ... على طول حسيت إني أبغى أسوي زواج بالغابة (أعرف أنرحم) حتى تراني سويت بحث عن الكاسات الي بتنحط على الطولات ... أبغى أقدم حلويات ألمانية أحسها تمشي مره مو زي الفرنسية، يعني الألمانية حلو طعمها بس شكلها حوسة، و أكثرها ألوانها غانقة، مو زي الفرنسية ملونة، يعني بتلبق على الغابة، و أكيد أبغى بوكيه الورود فيه برية ...

الي يبي يجي زواجي الثاني الكذبي الله يحييه بس شرط يدفع قطه، و القطة تبدأ بألف ريال P:

تذذكرون لما قلت لكم عن ذيك المدونة الي شرت أختي كتاب لها .. كيف تسوي أشياء؟!! P.S. I made this نصحتكم تابعوها ...

اليوم أرجع و أنصحكم من جديد، لأنه المره مو تسوي أغراض أي كلام ... لا بجد عندها أفكار حلوة مرة.

من عروض الشتاء و أنا أقول لكم عن الأبوات الفرو ... إن كنتوا تتذكرون عرض شانيل الي كان كله جليد. نفس الشي بالصيف تقريبا سويت سيت كان عنوانه Kane Kong عن كريستفور كاين و لوك الغوريلا يعني الفرو الكثير بكل مكان، أخترت معاه جزم من أليكساندير وانق (شيكوا عليها). و زي ما وعدتكم إني أحاول أحط أي شي كتبت عنه بالبوتيك حقي ... حطيت هذي الجزم بالبوتيك بتلقونها هنا.

نرجع للصورة الي قدامنا، زي ما قلت لكم هذي من المدونة الي P.S. I made this عجبتني مره، مره مره، ما أعرف ألقى فرو بمحلات الخياطة أو الأقمشة أو لا ... بس الفكرة تستحق التدوير ... مو لأنه بس توفر فلوس، لا لأنه ما عندنا برد يسوا و الأبوات هذي قصدي (بوت فرو) شتوية قوة، فإن شريتيها ما راح يصير لك فرصة تلبسينها، و يكون شكلك معقول يمكن إلا مره، عجبني الحل هذا ... تقريبا الحين الي ما عنده أنكل بوت، مو صعبه عليه بس يلف لفه بالسوق و بيلقى خيارات كثيرة له، طبعا الشرابات السودا ما يحتاج حنا متخصصين (مو كان ممنوع لبس شرابات ملونة بالمدارس الحكومية؟!!) بس هذا الشي أظن أنه الشرابات ذيك ما راح تنفع له لأنه الفرو بيكون ثقيل عليها و تنزل، غير إنه قليل تلقينها ماسكة على الرجل ...

آخر شي لو سويتوا هذا الشي أو تعرفون مكان يبيع فرو، ممكن تكتبونه علشان أنا و الباقين نعرف ... و إن كنتوا تبغون توروننا صور لشغلكم بنكون مبسوطين.

My Boutique

قوقل افتحت خدمه لها جديدة لها دخل بالفاشن ... محلات تنباع فيها ماركات من كل مكان، المهم أنا سويت بوتيك لي راح أعرض فيه كل الأشياء الي تعجبني لو بغيتوا تشترون ... ماراح ياصلني شي من فلوسها، بتروح لأصحابها أنا بس أجمع الأشياء و أحطها بهذا البوتيك الي أونلاين ... بأحاول أحط فيه كل سيت سويته، أو كل شي تكلمت عنه الحين لسا ببدايته، فما فيه شي كثير، و أكثر الموجود غالي، بس بأحاول أضيف بعد ... اليوم هو موجود هنا، لكن إن شاء الله راح أحط رابط ثابت على جمب قريب.

My Boutique

قبل شهر تقريبا و رتني أختي كتاب اسمه P.S. I made this الكتاب فيه أغراض سوتها صاحبة الكتاب.


شفنا الرفيوز، كان الكلام عنها كويس، و قالوا أنه الكتاب غير المدونة، طلبنا الكتاب، عشان كذا ما بغيت أدخل المدونة لحد ما يجي الكتاب و أشوف وش عندها ... وصل الكتاب اليوم و كانت فيه أشياء حلوه كثير ... قررت إني أدخل المدونة و لقيت هذا الشي:


أعجبني الشغل الي مسويته مره، بالنسبة لي يشبه مره الأصل. التوب أساسا من مجموعة بروينزا سكولير مجموعة الربيع 2010، طبعا المجموعة ما عادت بالأسواق على الأقل الطبيعية، لأني قبل شهر رحت لبعض المحلات هنا، و لقيت يبيعون مجموعات قديمة، و من دون ذكر اسماء هي محلات بالدور الثاني بالمملكة P:.

إذا عجبكم شغلها، و تحبون الكرافتز، تقدرون تشترون الكتاب، أو حتى تزورون موقعها هنا: http://psimadethis.com/

Fashion mini films

قلت لكم قبل عن إعلان صوفيا كابولا حق ديور ... و بعد كلمتكم أنه قاي ريتشي كان يسوي إعلان لديور بعد بس لعطر رجالي ... أمس قريت أنه مارتين سكورسيزي أخرج إعلان لعطر رجالي من شانيل، أنا أحب مارتين بس الإعلان صراحة ما عجبني ... المهم رحت أشوف لي بعض الإعلانات لبعض الماركات، و بغيت أحط لكم إعلانيين عجبوني مرة، هم مو جداد بس أنهم حلوات

DOLLHOUSE

الإعلان قديم عن مجموعة سوتها إيرين فيذيرستون لتارقيت، بس إعلان حلو

Hide and Seek

و هذا من لوي فيتون أخرجته زوي كازافتس

search

فيه شي أحب أسويه مره، و هو إني أعرف وشي كلمات البحث الي سووها الناس عشان ياصلون لـ La Mode، من غيرت الثيم حق المدونة، ما حطيت الكود حق الآنيلايز الي من قوقل ... قبل أمس حطيته، و طبعا أول شي شفته كلمات البحث ... هذي بعضا ..

- عجبتني :"إيما واتسون تلبس جينز" ... أحسها تصلح بتيليفون خربان، الشي الي يقهر، أنه ما قد نزلت تدوينه فيها إيما واتسون تلبس جينز، يعني المدور على شي بهذا الأسم ما لقى عندي شي :) ...

- البحث الي دايم يصير (ألوان الموضة، ملابس على الموضة، مكياج موضة .... ) دايم أقول نفس الكلام الموضة تجيب أشياء بس مو كل شي ناخذه، يعني الي يصير حلو علينا كويس، الي لا، ما يحتاج، أنت مرتاحة بلون معين ألبسيه، مو تنتظرين الموضة ... إذا كنت متحمسة للموضة و أنت تدورين ملابس موضة االألوان الباهتة لملابس السهرات دارجة كثير (أرجع و أقول ألبسي الي تحبينه مو الي يطلع الناس فيه).

- طبعا أكيد لازم فيه بحث عربي هدفة بعيد جدا عن الشي الي تقدمه المدونة، و أكيد لازم الصوره تمر على الرقابة، بس يعني نصيحة للي هاوي هذي الأشياء، كنت أنا وبنت خالتي نتمسخر على الي يسوون بحث بهذي الأشياء، و هي تقولي يا سعدك تطلع لك أشياء أكثر عشانك تعرفين تسوين بحث بالإنجليزي، نصيحتي للي يدورون لا يكتبون بحروف عربية لكلمة إنجليزية، يعني مادامك شاقي شاقي، تعلم كيف تكتبها بالإنجليزي.

- حقت الكرفته، ما أعرف وش تبغي، تبغى تفصل كرافا، أو كيف تعقد الكرافا؟!! تفصل أو مره أسمع، يعني حتى الرجالية تشترى شري، أما إذا قصدها تعقد، فتدور بيوتوب على الشي هذا بالإنجليزي و بتلقى مو بس عقدة وحده عقدات و شرح واضح how to tie a tie ، و ترا العقد للأطفال زي العقد للكبار، مع أنه غالبا كرافات الأطفال تجي معقودة، و فيها مطاط من ورا بس.

- الي ضحكت عليه البحث الأخير الي أنا مسويه عليه هاي لايت ... :) ما أعرف وش معناه "فستان قروي" ؟!!! طيب يوم طلع لك نتيجة وش استفدت؟؟؟ لو هي تقرا الكلام هذا أتمني صدق تعلمني وش تبغى بفستان قروي ... ما أعرف إن كانها لقت شي عندي، يعني الحين ما أتذكر إني قلت عن فستان أنه قروي ... بس يمكني قد سويتها :).

نشوفكم بحلقة جاية من search :)

Cute Thing

ماله شغل الموضوع بس عجبتني صورة أوليف بنت ساشا يراون و إيلا فشير ... كيوت :)

Dior Rocks

قلت لكم قبل أنه عجبني اعلان ديور miss dior cherie .... صوفيا كابولا، سوت فيه شغل يجنن مثل ما تسوي دايم ...

ديور للرجال من زمان مختاره جود لاو وحه لها ... بس فيه إعلان جديد يصور و انبسطت أنه المخرج قاي ريتشي، متحمسه أشوف وش بيسوي ... أعترف إني حبيت الرجل هذا من بعد روك آن رولا ... و شارلوك هولمز، بجد انتظر الإعلان.

High Street Goes Even Higher

دايم أقول إني أحب الهاي ستريت، لأنها تجيب لك ملابس حلوه و تقدر تدفع فلوسها ... اليوم جاني من ASOS رساله عن الفساتين الي عندهم، أنا صراحه شبعانه فساتين، بس لاحظت يا كثر الفساتين الي تشبه فساتين من الليبلز ... و حبيت أحطها هنا، لو ودكم بشي منها (ترا ما عليها تخفيض لسا).

قبل سنة أو أقل طلعت ستيلا ماكارتني مجوعه حلوه، كان فيهم هذا التي دريس الي عجب أختي مره ... و أنا أقلب لقيته بسعر لسا رخيص 44.4 دولار يعني 166 ريال، هنا الفستان

مؤخرا صايره مهبولة بفساتين فيرساتشي ... هذا الفستان من كارين ميلين على طول حسسني أنه فستان من فيرساتشي ... الفستان مو رخيص بس للزواجات يستاهل سعره هو ب 340 دولار يعني ب 1275 ريال، الفستان هنا

الفستان هذا من إليكسندير وانق ما فيه أحد من السليبرتي ما لبسه ... إذا كنت تحبين هذا اللوك الفستان بحوالي 67 دولار يعني 243 ريال الفستان هنا

أول ما شفت الفستان هذا حق نارسيسو رودريقز على سارا جيسيكا باركر بعدد فوق الي عن SATC و الي كتبت عنه قبل سنتين ... حبيت هذا الفستان الي حسيته على طول يصلح أنه يكون من كوليكشين رودريقيز الفستان ب 102 دولار ... يعني ب 384 ريال، هنا الفستان

هذا الفستان من كريستفور كين، لبسته إيما واتسون عند دايفيد ليترمان ... حلو و شعره رخيص .. سعره ب تقريبا 77 دولار يعني ب 288 ريال، الفستان هنا

الفستان هذا من ماكوين، أول ما شفته حبيته، لبسته درو بريمو و استهبلت فيه ... أختي لما شافت هذي النسخة عند أسوس مره انبسطت مو رخيصه بس أكيد أرخص من ماكوين، هو تقريبا ب 145 دولار يعني 544 ريال. هنا الفستان

* الموقع عنده تخفيضات قويه يجي موسم التخفيضات، بس مو على كل حال تبقى الأشياء.

My Sweet Lulu Guinness

مو عادتي أتكلم عن أشيائي ... بس الي خلاني أتكلم غير إني حبيت شنطتي الجديده لولو قانيس (الله يطعمني من خيرها و يكفيني شرها) :p لأني حبيت أشياء كثيره شريتها، و خصوا الي شريتها من النت.
باكتب هذا الموضوع على شان شيين ناس تسألني كيف تشترين من النت ... و ناس تقولي أنهم يدفعون فلوس لوحده و هي تشتري لهم من النت ...
أول شي عشان تشترين من النت:

- عندك visa, master card و مو متأكده american express، إذا ما عندك فيزا و لا واحد من أهلك عنده، في عند البنك الأهلي ما أعرف عن باقي البنوك بطاقة ماستر كارد ما تصير دين زي بطاقات الفيزا، الي تحتاج يكون عندك دخل عشان تطلعينها ... البطاقة هذي تودعين فيها مبلغ متى ما بغيتي و خلاص أشتري

- اتأكدي من المواقع الي تشترين منها، على الأغلب المواقع الي تطلع نتايجها بقوقل shopping مضمونه ... بس لاتحطين معلومات البطاقة بكل مكان ...

- موقع زي eBay أكثر البياعين فيه ما يقبلون إلا paypal ... ليه أحب eBay أول شي ... لأن بهذا الموقع تلقى بجد صفقات ... و تقريبا كل شي باسعار منخفضة ... كثير أوقات تلقون فيه فينتاج من الليبلز بسعر نازل مرررررره .... نرجع للبي بال وشو هذا ... بي بال موقع تحط فيه معلومات الكريديت كارد حقك و خلاص بعدها بس تحط الإيميل الي يطلع لك من الب بال و تشتري من دون ما توزع معلوماتك على مواقع ... الميزه ببي بال أنك تقدر تستقبل فلوس لو أنت بعت أغراضك ... وش الشي الي يعقد بي بال أو ما تحط معلومات البطاقة يعطيك بس 100 دولار بعدها لازم تأكد بطاقتك عند الموقع هم يرسلون لك رقم سري من أربع أرقام ... يا يرسلونه على بريدك العادي أو على حسابك المصرفي على الأنترنت ... يعني لازم تكون محدد بريد لما لعت بطاقتك أو أنك مفعل حسابك المصرفي أونلاين.

أظن هذا كل شي ... أهم شي لا تصير خبل و تعطي أحد 50 أو أكثر ريال على شي يسويه و هو متسدح ... زو أنا أشتري للناس (طبعا بفلوسهم) ما أخذت و لا قرش على شغلي ... لأنه أسهل شي ممكن يسوا ... حتى زسهل من السوق، و للي يعرفني يعرف إني جهزت إلى 60 بالمية من جهازي أنترنت و لا تعبت حالي أدور بالأسواق ....

لو بغيتوا أي سؤال زياده أسألوا ...

فاصل إعلاني

ما في شي بس عجبني هذا الإعلان لوكتش ...الألوان حلوه ... فكره أنه ما في وجيه عجبتني حسيت يشبه إعلان برادا الأخير بس ماله شغل بس احساس

Season without grand finale

أحب كغيستيان لاكوا بشكل مو طبيعي ... انبسطت لما سمعت أنه فيه أحد بيشتري الدار حقته، لأني باشوف ملابسه كل سيرزين ... لما قرب السيسزين يخلص و لا شفت لا أوت كتو .. و لا ملابس جاهزه بديت بجد أقلق ... سويت بحث و حصلت أنه يقولون ما يمكن يرجع إلا بـ 2012 :( باصيح ... و كتبوا بعد من أصل 124 عامل يشتغل معاه ما بقي إلا 12بالنسبة لي هذي أسوء خساره بهذي الأزمة ...
إن طول الله بعمري بانتظر إلى 2012 و نشوف وش بيكون عند لاكوا ...

How did she dare to stole my suggestion?

لا لا يا ديمي ... كيف سويتي فيني كذا؟ ما قد حسيت إني انطعنت قد هذي الطعنه، يعني بس من أسبوع اقترحت على تينا في أنها تلبسه بالأوسكار، و ببساطة تجين تسرقين الفستان مني و من تينا ... يعني عشان عندك فلوس؟ ؟؟؟ طيب على الأقل قولي لي أنه بخاطر ... عطيني تعويض عن أنك فوتي علي فرصة إن اقتراح لي يلقى طريقة بالريد كاربيت لو بنسبة 20% ما أعرف وش أقول أكثر .. بس الفستان عليك يع (وحده مقهوره) و فكرة عقد كبير الي اقترحته لتينا أحسن منك ... حتى لو كانت شنطتك حلوه.

Mama I Wanna That Hair

تأخرت عن الكتابة ... عشان انحرمت من النت أقل من 24 ساعة، و هذاني مره ثانيه مع عروض باريس و خصوصا عرض ديور الي اللبس كان فيه كوم و الشعر كوم ثاني ... خلاني أرجع ما أدري كم سنة نسيت آخر مره من يوم صحت بمحل أبغى أمي أو أبوي يشترون لي شي ... أعرف لا أمي و لا أبوي بيقدرون يجيبون لس هذا الشعر، بس لو يحبوني يحبوني جد P: يجيبون لي كوافيير ديور

Moi Je Joue

قرب الأوسكار زي ما أنتم عارفين، و اشتقت لصوفيا كابولا و أفلامها بشكل، المره هذي كل شي فيها كلاسي ... زاد الحب لما عرفت أنه هذا الإعلان لعطر Miss Dior Cherie أخرجته صوفيا الي حبيته من أول مره شفته على mbc4 و حسيت أنه في لطف باريسي ما قد حسيته تجاه باريس، لأني أنا مو من الناس الي يحلمون بباريس إنها مكان لكل شي حلو، بس بهذي الدعاية كل شي غييييير