صراحة ما عندي شيء أكتبه اليوم، هو ببالي أشياء كثيرة أكتب عنها، لكن كلها ما بعد أكتملت براسي، فيه ببالي أفكار للسنة الجديدة منها إني راح أسوي أحسن فستان للشهر، و أتمنى أني أكمل هذي السنة (السنة اللي فاتت ما قدرت أكمل لأني نقلت و انحست و حسيت ماله داعي أنط شهور بعدين أرجع).
شفت هذا الفيديو على اليوتيوب (و لأنه تقريبا صايره هذي شغلتي تشغيل فيديوات على اليوتيوب، قررت إني أحطه هنا لأني شفت إن المعلومة اللي فيه ظريفة.
الفيديو فيه ليه البنطلون أو الشورت اللي إلى الركبة أسمه برمودا. صراحة ما قد فكرت بالموضوع و لا قد أشغلت بالي، و لا أعرف كيف عرفت أسمه، بس اللس متأكدة منه إني ما قد فكرت وش علاقته ببرمودا.
المعلومة تقول أنه بالثلاثينيات ببرمودا منع النساء من لبس الشورت اللي يطلع الفخذ، فطولوا الشورت علشان يلبسونه، و سموه برمودا :) معلومة ظريفة صح؟.
أعدكم إني ما راح أحط لكم أشياء زي كذامرة ثانية، (طبعا إلا إذا تبغون:)) لكن هذي زي تحية صغيرة على بداية السنة الجديدة.
ليست هناك تعليقات:
إرسال تعليق