السبت، 12 يناير 2013

Turban

من قبل فترة طويلة كانت العمايم عاجبتني قوة. ما زلت أحب أشوفها، لكن لما جربت ألبسها، اكتشفت إني ما أحب أحط شيء زي كذا على رآسي لأني أحسه يثقل راسي :) ما أعرف شعور ولد صغير لابس شماغ أول مرة. :). الفترة هذي كل مرة أشوف صور من عرض مارك باي مارك جايكوبز لصيف 2013 أحب الربطة اللي لافها على رآس العارضات كأنها عمامة أكثر. و تحمست مرة إني ألبسها (أعتقد إني لازم أسويها بأي مكان). 


من الأشياء اللي أنا طايحة فيها هذي الفترة، هي Etsy جالسة أكتشف فيه أشياء مرة حلوة، صح البحث عندهم تعبان، لكن لأني جالسة أدور على أشياء جديدة أو مختلفة موسعة صدري عليه و جالسة أدور فيه على كل شيء. لما كبرت فكرة الربطة هذي بعيني قررت إني ما أدور على شالات بمحلات أو مواقع عادية، و قلت باشوف إذا ممكن ألقى شيء عند Etsy. و هذا اللي طلعت فيه.


آسفة على الأشياء اللي مو واضحة مرة من الصورلكن تأكدوا إنها حلوة (على الأقل هذا اللي أنا أشوفه). 1. جزيئات الشوكولاته و الكافيين 2. السماء المظلمة 3. زهرة الرودندرون 4. الأمير الصغير 5. وجوه 6. بيكاسو.

وش رايكم بالحركة (الربطة العمامة)؟ فيه شيء أعجبكم من الخيارات اللي حطيتها؟

ليست هناك تعليقات:

إرسال تعليق