الثلاثاء، 31 أغسطس، 2010

Kane Kong

مرة ثانية نرجع ل theoutnet.com أنا أحب هذا الموقع لأنهم يوصلون بسرعة و يحطون لك الأغرض بكيس مرة حلوة ... و أهم شي تلقى فيه أشياء حلوة بأسعار مخفضة مرة اليوم شفت عندهم فستان كريستوفر كين الشهير (أبو غوريلا) من مجموعة الربيع 2009 الي بعدها كل الماركات و بالخصوص الهاي ستريت سوت ملابس عليها طبعات حيوانات ... الثيم الي فكرت فيه اليوم هو فيلم كينق كونق ... و خليت كل اللبس يمشي على هذي الفكرة.
أولا كل الأشياء الي اخترتها مع اللبس من مجموعة خريف هذي السنة ... طبعا يمكن قلت قبل (عجزة أروح اسوي بحث و اتأكد، أنه بالخريف و الشتا هذا فيه رجعة قوية لكل شي بفرو ... تقريبا كل العروض كان فيها فرو ... فكانت الفرصة أنه نحول هذا اللوك لكينق كونق صدقي ... من الرأس لحد الرجلين ... طبعا كل شي حاطة من وين بالصورة نفسها ... بس بغيت اتكلم شوي أنه القبعة هذي مو عاجبني كثير لونها ... يعني بتكون كثيرة الشتاء هذي، بس مو عندنا أكيد p: بس ما لقيت على الأقل بالمواقع الي أعرفها ألوان حلوة ... كان ودي بشي ملون أكثر ... بعد بغيت أقول إني أحب النوع هذي من الشنط ... الي تمسك باليد يعني مالها سلسلة و تكون كبيرة مو كلتش هي كلتش بس كلتش كبيرة يعني مو حقت سهرات.
أما موضوع أنه الفرو كثير هذا الشتاء، و إحنا ما عندنا شتاء يسوى ... إذا كان عاجبك قوة حاولي تآخذين قطعة صغيرة زي جاليه، أو شنطة صغيرة أو إذا ممكن جزمة بس بالعموم أنا ما أظن أنه مستاهلة إني أشتري شي بقيمة مرتفعة مرة عشان ما ألبسه إلا مرة أو مرتين إن كثر.

زي دايم أي شي تبغون رابطه قولوا لي ... أما فستان كين فتلقونه هنا