مو مسألة إني أتوقع من حفل أسمه "حفل توزيع جوائز إختيارات الأطفال" أنه يكون حفل راقي، يعني أكيد المفروض يكون شيء يوسع الصدر، لكن ما شفت أحد صدق لابس لبس يوسع الصدر مع أنه جته إيما ستون، كريستين ستيوارت ميشيل أوباما و بناتها، و كايتي بيري (مو يعني إني أنتظر منها شيء حلو) و هايدي كلوم. يعني كان فيه ناس كثار، لكن بالنسبة لي كان أحسن من لبس هي:
Isabelle Fuhrman
بالنسبة لي لوك إيزابيل بالبلاي سوت اللي من جايسون وو مو حلو حلو، مو شين، بس ما أصنفه من أحسن الملابس اللي شفتها، لكنه كان أحلى شيء على الموجودين، فيه ألوان، خفيف، و فيه شوي شيء يحسسك أنه حق لعب و وناسة :)، ما أعرف كيف آصف الفكرة، بس يعني لو شفتوا هذا اللبس أكيد ما راح تفكرون فيه لحفلة بالليل، يعني عزيمة أو حفلة صباحية، أو تمشي أو أي شيء ثاني ماله علاقة بالفخامة.
يمكن إكسسوارها ما عجبني مره، خصوصا الكلتش السوداء، و يمكن وقفتها هي اللي خربت علي إني أحب هذا اللوك، بس بشكل عام، كان شكلها مناسب للحفل.
ليست هناك تعليقات:
إرسال تعليق