الاثنين، 4 أغسطس 2008

Teen Choice Awards


إذا كانوا يقولون بالإمتحان يكرم المرء أو يهان .. فبهوليوود يقولون بالإحتفال يكرم المرء أو يهان .. :) .. هذا لبس بعض الي جو لحفل توزيع جوائز التينز .. و لبسهم .. لسا ما وصلت أخبار كل واحد من وين لابس بس لحد ما تاصل راح أشرشحهم :)

(تحديث أسماء ماركات بعض الملابس)


ريتشيل بولسين ... حقت مسلسل "The O.C."
صراحة اللبس كأنها مخيطته عند خياط باكستاني .. المقاسات غلط، القصة غلط و الموديل يع .. و حتى الجزم مو لايقة .. اللبس من براين رياز


لا قالوا الشين شين لو دفع كل ماله ... هذي هي صوفيا بوش اللبس ما عليه بس فيه مشكلتين الشي الي ع الخسر مو مرة خصوصا الكرستالات و صوفي بحد ذاتها مشكلة .. حركة تطليع الرجل هذي مالها داعي تنرحم صراحة.

انبسطت إن كيم أخيرا لبست شي يفتح النفس، يوم كبرت الصورة طلع كأنه لبس عروسه، ما علينا اليوم خاطري أمدح فيها خصوصا بعد حفلة ماكدونالد P:.

مايك أبها و تسريحتها حلوه .. صراحة كيم كثري من هالطلعات :)

دايفيد بيكام .. و الله الرجال من زمان وهو يحتاج أنه يحدد وجهته يعني هالحركات ألبق له من لعب الكورة .. بس ما علينا شلة البريطانيين الي شغالين بهوليوود لبسهم ذوووووووق و كأنهم يعرضون أزياء (يمكن يصير لنا جلسة معاهم) D:.

و الله يا لورين من كثر ما أختي تقول أنه البلا فيك ما يزهاك شي رحمتك، بس عاد ما ودي تصدقين قوة نفسك و تكثرين لبس الملابس الي أنت مصممتها، يعني تراك مو مرة ... :) اللبس لو سمحتي لي قرف.

صراحة ذووووووق يا هيايدن (لا تصدقون) هذي مشكلتها متورطة بنفسها قوة مفغوصة .. و لاهيب حاسة أنها مفغوصة غير أنه اللبس اللهم لا شماته يفشل لا ألوان و لا قصة .. إذا أنتم شايفين موديل قولوا لي :).

يعني ما عليه لبسها .. بس قياسا عاللبس الهبال الي يلبسون بـ "Gossip Girl" مو شي .. بعدين هي متورطة بسيقانها قوة .. صراحة سيقانها ما تواجه حتى لو كانت طويلة.

الله يآخذ البزارين .. سيلينا قوميز بلبس أزرق كمان ما عليه بس هي شينة بجد .. و الكعبات حلوة بعد.

فينسا هوجينز بطلة High School Musical لابسه لبس من أحلى الفستاين الي كانت أمس .. أكثر شي عجبني الشنطة بجد واااااو.


جوناز بروذيرز صراحة هذولا بعد من كومة البزارين الي محومين كبدي .. يع لا و عاملين أنهم اللوك تبعهم موود، يا عالم واضح أنكم تعبانيين عشان اللوك هذا .. يعني "ع الطبيعه خلي".


يا ناس علي هانا الحلوة P: إما مايلي هذي لو أحد يعلمها كيف تصرف فلوسها يعني هذا لبس ؟؟؟؟ و إلا البوت جنااااان .. و يعني بلا ما تدفع فلوس لأحد يكوفر شعرها تتركه أحسن لأنها وش ما لبست نفس التسريحة الخايسة هذي. الفستان من موسكينو


يا عالم ع سكارليت الحلوة .. اللبس أبدا مو عند خياط و المجوهرات لابقة بشكل .. اللون خطيييير و ركبها مسكته D:. بس في أخبار تفرح عنها إنها انخطبت الحمد لله يارب أنا كنت على أعصابي لما سمعت العام أنها على علاقة بمدير لوي فيتون .. يعني الوجه الأقشر هذا حرام عليه لوي :). الفستان من ماثيو ويليمسون


آخر وحده و للأسف أنها مو واضحة مرة فرغي، فرغي المزيونة بفستان كأنها شاريته من بازار سعودي :) .. و إلا عاد الجديلة الي مسويتها ذووووق، و لونها البروزاج يااااااااي عاطيها شكل غير P: .أهم شي بالصورة كعبات سكارليت .. يا حياتي ع الي ودها تصير طويلة :). الفستان من إترو


لايتون حق المسلسل الأزمة Gossip Girl لبسها بجد حلو .. بس مرات اتسآل ليه المشاهير ما يقدرون اللبس قدره .. يعني هي مو ملاحظة إن كل الموديل فوق و مغطيته بشعرها، ما عليه فاهمين وش بتغطين ;). الفستان من لانفين