السبت، 28 مارس، 2009

Let's Jump


أظن jumpsuit بتكون من الملابس الي يا تحبها يا تكرهها .. أنا صراحة حابتها، أختي لا .. الشي الشين بالجامب سوت إنها ما تصلح على السمان، أنا ما أحب الواحد يكون سمين، بس بعد ما أحب لما تكون الموضة بس للنحاف، يعني مو من حق كل الناس تكون أشكالهم حلوة ..؟!!

بعض السلبيز بالجامب سوت .. حبيت ديبرا مسينق بالأسود مع الحزام الذهبي، و عجبتني بعد حقت بلايك لايفلي مع أن أختي (نفسها الي ما تحب الجمب سوتز) ما عجبتها. أظن إن بيكي خربت كثير الإيف سان لوغان أحسها مخليتها شي رخيص، أما كايتي ما عجبتني أبد، و هي من تصميمها، أولا لونها يمكن لو كان أسود يكون أحلى مع الدانتيل، الشي الثاني الحركة الي عند الخصر مو حلوة لو كانت ماسكة يمكن أحلى بكثير غير أنه خياطتها مو حلوة .. الي بطرف الصورة وحدة عادية طالبة دنماركية تدرس ببرلين بس دايم يعجبني الي يلبس بشكل مجنون، لابسه جمب سوت حقيقية فينتج و هذي حلاة أنه الواحد يكون يفكر من نفسه و لا يقلد الثانين ..

أنا صراحة ما شفت جمب سوت هنا إلا عند زارا المجموعة الي فاتت و لا كانت حلوة .. ما عندي فكرة إذا في أحد عنده جمب سوت الحين بالهاي ستريت أو وحده من ليبيلز ..

إذا كانوا السلبيرتي بنظري ما عرفوا يختارون جمب سوتز حلوة .. موقع ASOS يبيع بدل مرة حلوة تنفع للطوال و القصار. و لكل المناسبات حتى للزواجات بعضها تصلح، للي يحبون يلبسون بنطلونات بالزواجات هذي بدل الجينز و البدل الخايسة الي بعضهم يلبسونها.