Let's Jump

أظن jumpsuit بتكون من الملابس الي يا تحبها يا تكرهها .. أنا صراحة حابتها، أختي لا .. الشي الشين بالجامب سوت إنها ما تصلح على السمان، أنا ما أحب الواحد يكون سمين، بس بعد ما أحب لما تكون الموضة بس للنحاف، يعني مو من حق كل الناس تكون أشكالهم حلوة ..؟!!

بعض السلبيز بالجامب سوت .. حبيت ديبرا مسينق بالأسود مع الحزام الذهبي، و عجبتني بعد حقت بلايك لايفلي مع أن أختي (نفسها الي ما تحب الجمب سوتز) ما عجبتها. أظن إن بيكي خربت كثير الإيف سان لوغان أحسها مخليتها شي رخيص، أما كايتي ما عجبتني أبد، و هي من تصميمها، أولا لونها يمكن لو كان أسود يكون أحلى مع الدانتيل، الشي الثاني الحركة الي عند الخصر مو حلوة لو كانت ماسكة يمكن أحلى بكثير غير أنه خياطتها مو حلوة .. الي بطرف الصورة وحدة عادية طالبة دنماركية تدرس ببرلين بس دايم يعجبني الي يلبس بشكل مجنون، لابسه جمب سوت حقيقية فينتج و هذي حلاة أنه الواحد يكون يفكر من نفسه و لا يقلد الثانين ..

أنا صراحة ما شفت جمب سوت هنا إلا عند زارا المجموعة الي فاتت و لا كانت حلوة .. ما عندي فكرة إذا في أحد عنده جمب سوت الحين بالهاي ستريت أو وحده من ليبيلز ..

إذا كانوا السلبيرتي بنظري ما عرفوا يختارون جمب سوتز حلوة .. موقع ASOS يبيع بدل مرة حلوة تنفع للطوال و القصار. و لكل المناسبات حتى للزواجات بعضها تصلح، للي يحبون يلبسون بنطلونات بالزواجات هذي بدل الجينز و البدل الخايسة الي بعضهم يلبسونها.

فاصل إعلاني ..

تذكرني رينيه زيوليقر بالمدرسة يوم مالنا إلا نآكل وجبات كاكو .. رينيه ما تقل تعرف ماركات ثانية، ما تلبس غير لكارولينا إيريرا .. و عندها مشكلة ثانية، في أحد قايلها كتوفك تجنن، كل الفساتين تصير سترابلس و قصيرة، مبسوطة إنها نحفت و دها تطلع سيقانها ..

من عرض كارلولينا إيريرا خريف 2009 على رينيه زويليغر و العارضة ليو ون.

مواضيع ذات صلة:

رينيه بعد بكارولينا إيريرا

Shining Like The Sun

ما أدري ليه اليوم باتكلم عن السباركلينق أوتفيت، أو الملابس الي بترتر كل الأحجام .. يمكن عشاني يوم لبسته عند بنت خالتي قالت لي إنها تقول لصديقتها إني أجيهم بملابس زواجات D: .. أو يمكن علشاني غرت من الشي اللي لابسته وتني بورت لأنه عجبني قوه، و للحق لبس هالبنت دايم يفتح النفس ..

الحلو بالملابس هذي إنها تصلح لكل الأوقات تمشيه عادية جاكيت مع جينز زي وتني .. أو فستان ميني لحفلة صغيرة زي بيكي نيوتن مع جاكيت توكس أو حتى فستان سهرات زي (أنروكسيا) كايت بوسوورث بحفل فانتي فير بعد الأوسكار مع إكسسوارات واااو (الشنطة الصندوق و الصندل) الذهبيات.

elegant era ..

من زمان ما اتكلمنا عن الموضة بالأفلام .. و مع موضة الفينتج أحس حتى الأفلام الي أحداثها قديمة صارت الأزياء فيها توجع ..

أحب ملابس فترة من عشرينيات لخمسينيات القرن الي فات أحس فيها ذوووق مو طبيعي، اتكلمنا قبل عن فيلم بهذاك الوقت و كان لبسه مرة إنجليزي الي هو Atonement و ركزت أكثر شي على كايرا و أختها، في فيلم ببريطانيا بعد، و نفس الفترة و اللبس حلو خصوصا إكسسوارات الشعر تمثله إيمي آدمز الي بعد اتكلمنا عن الملابس بفيلمها Enchanted يوم شفتها بالفيلم هذا و أسمه Miss Pettigrew Lives for a Day و الي يبي التورينت حقه هذا هو اللبس حلو و الفيلم بعد ما عليه ..

ما راح أتكلم اليوم عن لبس النساء، زي دايم .. و باعطي فرصة للرجال الي مالهم نصيب كبير من كلامي .. فيلم اليوم هو إنجليزي بعد أسمه Bridshead Revisited الفيلم زي ما قلت لكم بنفس الفترة الي بين الحربين العالمية، لبس النساء مو شين بس مو زي لبس الرجال ..


الألوان زي دايم فاتحة و هادية، سماوي مع بيج يعطي الواحد نظافة و يفتحه ..


بدل بيضا مع قبعات قش صيفية .. لفانيس أكثر شي عجبني هو الكرافات كل الثنتين خصوصا الطريقة الي يعقد فيها سباستيان كرافاته (يسار)


الصورة هنا كأنها مأخوذة لـ Vogue بجد أشكالهم ذوووق، الكنزة مع الكرافا العنابية و البنطلون البيج، و الثاني بلوفر كروشيه غرزات واسعة جزم عاجية، و سكارف مقلم تقليمات خفيفة ..


تشارلز نفس البدلة البيضا، سباستيان جاكيت كتان ملون مع جاليه أسود بذهبي، هذا الجاكيت ممكن يكون بعرض جون غوليانو أو غوتييه أو سميث أو حتى إيترو ..


اللبس هذا أكثر شي عجبني حسيته رالف لورين ويمبلدون بس أزرق، و أنا جيبوا لي أي شي أسمه رالف لورين خلاص ما أتحمله .. شوف الحواف البيضا، و البطانه مع البنطلون و الكرافا الي ما زعرف كيف معقوده ..

Fashionable Funeral

اليوم الموضوع ماله شغل قوه بالموضة بس أول ما سمعت عن ناتشا ريتشاردسون ضاق صدري مو علشانها ما عندي مشاكل معها، و لا أحبها .. بس تعجبني أمها و زوجها .. و عرفت إن لها أولاد مو صغار و تنكدت زيادة .. بس طمنوني صورتهم بقداسها واضخ أن الأخت جولي مجهزة لبس للعزاء، كانت تتوقع أمها تموت، و بنتها على سنقة عشرة زي ما يقولن هي و الشعر الكيرولي أما العيال فشوي لايقولون شيييز للكاميرا، حتى الأبو ما قصر متأنق آخذ حساب للباباراتزي

"أما اليتيم فلا تقهر"

من جد كل ما شفت هالبنية نكدت علي، و خلتني أدعي على أمها، و أنا ما أبغى بعد يصير مالها أم و لا أبو .. بس وش أسوي هي الي تجبرني، يعني ما تخاف ربها بلبس بنتها، غير أنها هي عندها فلوس عمانها الله يجزاهم خير كتبوا كل الورث بإسمها و طبعا اسم أبوها إلى الآن يدخل فلوس مو قبل شهرين فاز بأوسكار وهو ميت؟!!!

ما ودي أظلم الأم و أقول دايم لبس بنتها مشرشح زي الي بالصورة (واحد مقطوع إزاره و مسكر البلوفر غلط، و الثاني من قسم الملابس التنكرية بـ Toys 're Us يعني بالكثير سعره 30 دولار هذا غير أنه حرام عليها تخلي البنت تطلع فيه، بس ما قدت شفت عليها شي يفتح العين. و كل مرة أشوف جزمها و شراباتها تخليني ودي أتبناها .. أنا ما أقول خلوا بناتكم Gossip Girl زي ما يسوون الناس هنا لأنه حلات لبس الأطفال بعفويته، لكن هذي مشكلتها أن اللبس الي يلبس ما يواجه، و لا أقول البنت كبيرة و بتعاند زي أيريس لاو أو لورديس بنت مادونا يعني هم الي يختارون ملابسهم ..

fellow me

كايتي مو أول من لبس جاكيت توكسيدو .. لبسه قبلها كثير .. بدلة كاملة، مع فستان مع جينز.. و أول من لبس المرة بدلة توكسيدو هو إيف سان لوغان .. مو هذي حكايتنا يمكن يوم نكتب عن التوكسيدو ..

الي اليوم هو هذا اللوك الي أعتقد إني أول مرة شفته على كايتي خريف السنة الي فاتت حتى تكلمت عنه قبل .. الشورت الأسود مع الكيلون، و الجاكيت التوكسيدو .. هذا اللوك تقريبا نفسه على سيينا ملير بلندن قبل يومين .. جاكيت توكسيدو و شورت أسود مع كيلون .. قميص عاجي كلاسيكي، و شنطة سودا بسلاسل ذهبية ..

ما راح أقول أنه مو حلو علي هذي و حلو على الثانية .. لأني من زمان تكلمت على شورت كايتي و هو عاجبني مرة .. الي عجبني عند سيينا إنها لابسه جاكيت على حد الشورت، البوت ما عجبني لأني مو big fan للأبوات أصلا بشكل عام ..

(fe) .. male

أن شكلك يكون حلو، ما يعني أنه لازم يخلص حد الفيزا حقتك، أنا أحترم الشخص الي يلبس لبس أنيق، بسعر رخيص، يعني وين الذكاء لما أشتري قطعة من شانيل، و أظن إني أعرف أختار؟ بالأوت كتو 40% ذوق و الباقي خليه على شغل المصمم، لكن بملابس الهاي ستريت، أو حتى الأسواق الشعبية و الرخيصة، هينا يطلع ذكاء الناس الي ممكن تخلي الملابس كأنها مارك جايكوب أو ماثيو ويليمسون ..

كمان تقدرين تلبسين لبس رجالي، و لا تصيرين رجل، تسريحة شعرك، روج .. و حلق، تكفي تخليك بنت، أنا صراحة أرحم البنات الي يحسبون أنهم لما يلبسون قميص رجالي، أو تقص شعرها قصة رجالية، أو تمشي كأنها ولد .. خلاص بتصير ولد.. يا شيخة قدر الله و ما شاء فعل، يعني خلاص ما تقدرين تغيرين المكتوب .. لكن تقدرين تخلين الملابس الرجالية ملابس تخليك أكثر أنوثة، التضاد هذا يخلي شكل الوحده جذاب ..

درو باريمور بلوك رجالي، من فوق لتحت .. أحب الملابس الي تستفزني، و تخليني أنتبه لها وسط زحمة الناس .. لبس الملابس الرجلية بذوق زي ما قلت يبرز أنوثتك .. و بالعادة تكون ملابس الرجال أرخص يعني 2 في 1.. لوك زي كذا ببساطة تسوينه، بلوز من next ما تتعدى 200 و بالتخفيضات بعد تاصل 45، بنطلون من GAP رجالي، أبوات من CAT.. و تصيرين أحلى وحده بالمكان بأقل من 600 ريال.

مواضيع ذات صلة:

In Men Pants ..

شجرة، نملة

مدري عنكم .. بس يوم كنا صغار كنا نلعب هذي اللعبة، يقول واحد شجرة و نوقف و الي ما يوقف يطلع برا .. و لما يقول نملة نجلس .. بعض السيلبرتيز كذا يسوون بشعورهميلعبون بها شجرة، نملة .. تخش المزاج لما يكون الشعر شجرة .. بعدين يصير نملة .. بس نملة بعدين شجرة الفكرة بايخة ..

إيفا لنقوريا .. فرحت لما رجعت شعرها طويل لإن البوب ما ناسب لها و خلاها عجوز

ريزي وذيرسبون .. بعد سوت خير يوم رجعت الشعر الطويل، شكلها بالبوب أقرب للمهرج، أو وحده من هذولي الي يطلعون بالبرامج الأمريكية و تصير تسريحاتهم و لبسهم واحد


باريس الدلوعة، يوم تطلع بشعر طويل و يوم بقصير، تحسب إنها لعبة، عاد أصلا هي كلها لعبة، ما تعجبني بالشعر الطويل لأنها تتحول باربي .. و بعدين إيش حكاية ربطة الهيبي هذي الي أزعجتنا فيها هي و الثانية نيكول ريتشي ..


هذي الي بجد نكدت على قهرتني إنها طولت شعرها .. كان عاجبني القصير، الطويل ما يطلع عظام وجهها صح.

Bang - Bang

الغرة كلن يحب الغرة، بس مو كلن تضبط عليه، و لا كل من سواها سواها صح. صديقتي كانت تحب الخصل تطيح على الوجهها، و كثير بنات تزيت شعورهم من كثر ما يجرجرون الخصل .. الرجال حتى يحبون البنت و خصل من شعرها علي وجهها .. بس زي ما قلت مو كل غرة حلوة .. جينيفر لوبيز قصت لها غرة زي أكثر السيلبرتيز .. حبيت الغرة كثير .. خلتها أنثى أكثر، و أحس شكلها الي كانوا يقولون عنه مغري راح، أنا صراحة ما أفهم إيش معنى sexy mom .. يعني مو المفروض إن الأم تكون حلوه و تبطل حركات المراهقين، يعني عيب بحق أولادها ..

Catch Me If You Can

فيكي لبسها دايم أوفر، هذا ما يعني أنه مو حلو، بس بعض المرات تتجاوز الحدود، و تلبس لبس مو معقول، أولا مين يمشي بالشارع بالشكل الي تطلع فيه، لبسها مو مريح .. أما الشكل الي طالعة فيه الأسبوع الي فات مو منطقي أبدا، يعني غير اللون الرمادي الكامل الي ما أحبه، مين يسافر بهذا اللبس و الله لو إنها تركب طيارة خاصة كان صار اللبس يضايق مو عاد طيران عام حتى لو فرست كلاس ..
أما القبعة حسستني إنها استعجلت الهالووين و كان ودها تتنكر بشكل ليو بفيلم Catch Me If You Can

GO DARKER .. OOOOOO

الصورة الكاملة لسكارليت بحفل بعد ما صارت وجه لخط دولتشي آن قابانا الجديد للمكياج .. لا تسألوني ليه مختارينها مع وجهها المتنفخ، بس لله في خلقه شؤون و أنا تأكدت أنه بهوليوود ما راح أحد يضيع أجل معقول إيفا منديز وجه لكالفين كلين ؟!!!!

المهم سكارليت رجلها حالف عليها من تزوجوا إنها ما تترك شعرها فاتح .. شكله خاف عليها من وودي الآن، و كل شهر و هي مغمقة شعرها درجة، المهم أنا أقترح عليها بعد كذا تسوي لوك دراكولا .. يناسب مره ..

فاصل إعلاني ..

دايان كروغر ممكن من أأنق الممثلات بهوليوود، بس لو تخلي عنها شوفة النفس يعني مو لازم أي لبس تغير فيه، يعني عندي نظرة .. اللبس الي عليها شكله حق سيري من الرانواي لأنه طويل عليها .. p: بس يعني هي مو قصيرة، و غير كذا بالعرض لابسه سيري فلات، و هي لابسه كعب ..

الفستان يمين على سيري توليرود من عرض الملابس الجاهزة لفالنتينو لربيع 2009 و على اليسار على ديان كروغر بحفل توزيع جوائز سيزار بباريس ..