الخميس، 19 مارس 2009

(fe) .. male




أن شكلك يكون حلو، ما يعني أنه لازم يخلص حد الفيزا حقتك، أنا أحترم الشخص الي يلبس لبس أنيق، بسعر رخيص، يعني وين الذكاء لما أشتري قطعة من شانيل، و أظن إني أعرف أختار؟ بالأوت كتو 40% ذوق و الباقي خليه على شغل المصمم، لكن بملابس الهاي ستريت، أو حتى الأسواق الشعبية و الرخيصة، هينا يطلع ذكاء الناس الي ممكن تخلي الملابس كأنها مارك جايكوب أو ماثيو ويليمسون ..

كمان تقدرين تلبسين لبس رجالي، و لا تصيرين رجل، تسريحة شعرك، روج .. و حلق، تكفي تخليك بنت، أنا صراحة أرحم البنات الي يحسبون أنهم لما يلبسون قميص رجالي، أو تقص شعرها قصة رجالية، أو تمشي كأنها ولد .. خلاص بتصير ولد.. يا شيخة قدر الله و ما شاء فعل، يعني خلاص ما تقدرين تغيرين المكتوب .. لكن تقدرين تخلين الملابس الرجالية ملابس تخليك أكثر أنوثة، التضاد هذا يخلي شكل الوحده جذاب ..

درو باريمور بلوك رجالي، من فوق لتحت .. أحب الملابس الي تستفزني، و تخليني أنتبه لها وسط زحمة الناس .. لبس الملابس الرجلية بذوق زي ما قلت يبرز أنوثتك .. و بالعادة تكون ملابس الرجال أرخص يعني 2 في 1.. لوك زي كذا ببساطة تسوينه، بلوز من next ما تتعدى 200 و بالتخفيضات بعد تاصل 45، بنطلون من GAP رجالي، أبوات من CAT.. و تصيرين أحلى وحده بالمكان بأقل من 600 ريال.

مواضيع ذات صلة:

In Men Pants ..



ليست هناك تعليقات:

إرسال تعليق