الثلاثاء، 22 يوليو، 2008

ENGLISH CLASS

أدري أنكم فقدتوني :) .. بس هذي الرضاوه ..




فيلم حلو حلو حلو .. الي يبي يشوفه (ينصح باستخدامه) D: و ترى الي مخرجه، هو مخرج فيلم Pride & Prejudice ، و تقريبا الستاف كامل ما عاد جاين :) ..

الفيلم أزياءه حلوه مرة، إنجليزية مرة .. فيها هدوء و أناقة الملابس الإنجليزية .. الوقت هو الثلاثينيات الميلادية، يعني على بداية الحرب العالمية و كان صيف، يعني تقريبا كل الملابس الي راح أعرضها صيفية، لأنه بعد كذا بدت الحرب و صاروا مشرشحين :) ..



هذي سيسيليا (كايرا نايتلي) لبس إنجليزي .. ألوان هادية، و نقشات قليلة، شيفون مشجر مع تنورة مربعات بيج و رمادي .. لابسته مع القبعة صيفية من قش، عاطي جو كلاس.


هذا الشي الي تحت القطعة الشيفون العلوية، طبعا هي شلحة تقريبا، بس الستان لونه رايق، و شغل الكروشيه متعووووب عليه.


هذي بنت خالتها أظن أسمها (بيتي) ببنطلون ورد، و قميص بأكمام قصيرة وردة، زي ما قلت لكم الذوق الإنجليزي بهذا الفيلم أوضح ما يكون ألوان متقاربة، نقشات خفيفة، و خطوط بسيطة ..

هذي الأخت الصغيرة لسيسيليا (بيروني) بفستان أبيض وسيع، و جزم باليه بيضاء ..




هذي بيروني بفستان ثاني، أبيض كمان و شيفون بياقة إنجليزية دائرية تقليدية، مع عقد حجر أبيض مصقول، و من ورا أزارير لولو.

(للي عجبه شكل اللبس هذا يعني كل الي فوق، لورا أشلي هو أكثر المحلات الي تبيع الملابس بذوق إنجليزي تقليدي)


إذا مو هو أجل مين؟ ..

الفستان هذا فرنسي أكثر منه أنجليزي، القصات .. العقد . .الفتحات كلها فرنسية .. اترشح الفيلم لأوسكار أفضل الأزياء ، و خسر، لو ما كان هذا الفستان كافي للمسؤولين عن الجائزة إنه يفوز فيها، أجل مين الي يستاهل ؟؟!! (الي فاز فيلم Elizabeth: The Golden Age).

بالمناسبة كايرا نايتلي قالت أنه أجمل فستان لبسته، بهذي صادقه، بالمناسبة هي كثير تصدق، و منها أنها تشوف نفسها شينة D:.


هذي الممثلة لو نرسل صورها لأثيوبيا، كان سوينا خير، لا يحسبون المجاعة عندهم لحالهم، يعني في أوربيين يعيشون مجاعة .. مالكم شغل بالجسم الي يفشل، غير اللون الأخضر للفستان شوف التنقيط الي فيه .. مشغول صح.

شوف العقدة الي قدام .. هذا الي أقول عنه كل تفاصيله حلوه ..

شوف الفستان من تحت، يمكن خلصوا طاقة كاملة عليه، بس يستاهل مخلي للفستان سحر خاص (تراه عاجبني يعني لو أتغزل فيه إلى بكرا ما مليت) D:.



هنا الفستان من ورا من وين أبدأ؟ من فتحة الظهر المربعة .. أو الخصر كيف مجموع في القماش .. أو حتى الذيل .. و نسيت السيور الناعمة مرة .. (تراني ما حطيت الصورة من الذل، حذفوها يقولون لازم أحط رابط) ..

(الي بخاطره الفستان .. تراه مو موجود عند أي إستديو لأنهم عرضوه للمزاد العلني، يعني روح دور ع الي شراه :) ) ..