ما أعرف أنا توي أنتبه و إلا الأفلام الأمريكية طافة بالموضة و كل شي يدور حوليها ؟!! D:.
الفيلم هذا ما عجبني، و كان أقل من التوقعات، ما راح أتكلم عن اللبس فيه، صحيح أنه أنيق، بس ما يستاهل أنه ينكتب عنه ..
هولي (هيلاري سوانك) تلقى نفسها بشغل تحبه مرة، وهو تصميم الأحذية .. طبعا هي جد مو تصميمها بس يعني، المهم الأحذية الي تصممها، ذوق، و very unique ..
الشغل واااااااو متعوب عليه، و هذا الي أحبه، كل واحد ممكن يفتح محل (و ينجح) يبيع أفكاره الخاصة، و أشياء متميزة، مو تلقى كل شي متشابه زي الي يصير هنا، لا الناس، و لا الأفكار، كل واحد ينسخ الثاني ..
طبعا اسم الله ع قلبا .. بس أخذت دورة و أطلعت بالنتايج هذي :) ..
هذي واجة المحل .. ودي أصدق:)
جزم أسود و أصفر (جلد ثعبان)
الجزمه الحمرا هذي ب 325 دولار تقريبا 1218.75 ريال.
هذي لو لابستها كيم كاترال بزواج سارا جيسيكا باركر ب SATC كان أحسن :)
ياحلو الأشياء الي تحس ما في زيها :) ..
جزم ذهبية سكتش، و ع العرض .. هذي الجزم لحالها تحفة ما تحتاج إلا فستان أسود سواريه .. هذي كمان ب 325 دولار .. يعني نفس قيمة الحمرا بالريال.
هذي جزمة جلد ثعبان كمان أسود، زي مهو موجود ع السكتش .. فخامة تناسب ماري إنطوانيت ..
لأني أحب فساتين الزواج .. و أتبع نفس طريقة المصممين لأنهم يعرضون فستان العروس بالأخير .. فأنا أعرض جزم العروس بالأخير :)
جزم ناعمة .. تناسب كثير مع فستان قصير بخصر نازل و نافش ..
هذي الجزمة صممتها لزواج صديقتها دينيس (ليزا كودرو) شي يقاله رضاوة :) (يا زين الرضاوات الي كذا) D: .. شوف الذووووق و الشغل الي ع السكتش ناس محترفة بجد ..الجزم هذي من تصميم Llorraine Neithardt.. هذا موقعها، و الأشياء المعروضة عليه قليلة مرة، حاطة كونتاكت .. بس ما عندي فكرة إذا هي تعمل طلبيات أو ممكن توصل لبرى أمريكا ؟؟
ليست هناك تعليقات:
إرسال تعليق