من عروض اليوم كان عرض لواحد من المصممين اللي أحبهم، مع إنه قليل ما تكون ملابسه على الريدكاربيت، ما علينا، أهم شيء إني أنا أنبسط فيها (طبعا عن بعد). دريس فان نوتين عرض اليوم بباريس (مو أول عرض بباريس) بس أول عرض أكتب عنه من آخر أسبوع موضة مشهور.
أكثر شيء حبيته بالعرض، أنه صيفي، بنفس الوقت شتوي، يعني خامة الملابس و بعض المرات ألوانها شتوية، بس النقشات و درجة اللون صيفية. قبل لا أتكلم عن الملابس، صح إني أحب دريس، بس ما أعرف ليه حسيت أني قد شفت قطع تشبه قطعه بهذي المجموعة عند مصمم ثاني قبل، يمكن مارك جايكوبز، صراحة مو متذكرة، لو أحد شاف شيء يشبه لعرضه يقول لي. بغض النظر عن الديجا فو اللي أحسها، خلونا نتكلم عن الملابس، حبيت مرة اللبس الثاني من اليسار، أقدر أشوف نتالي جوس (محررة) لابسته من بكرا. نفس الشيء حبيت الفستان الأسود على اليمين، و عجبني الوردي الثلاثي الأبعاد (ما أعرف هذا بروش أو إيش، بس كان على أكثر من لبس)، اللبس الأخير (يسار) من جد أتمنى أشوفه ريد كاربيت، ما أعرف على مين، بس أهم شيء أحد يلبسه.
عندكم استعداد تلبسون شيء كأنه صيفي للشتاء، أو تحبون كل فصل له لونه؟
ليست هناك تعليقات:
إرسال تعليق