"I'm Obsessed"

أعترف إن عندي مشكلة تجاه إن عرض لدريس فان نوتين من دون ما أتكلم عنه. أمس كان العرض و الكعادة يقدر دريس يخليني أتمنى لو أعيش ببوتيك له، و ألبس من لبسه و خلاص هذي هي حياتي. خطتي الجاية لازم ألبس هذا اللبس لمناسبة (هذا اقتراح ثاني غير تنورة ديور). 

لما شفت البمبر هذا على طول طحت بحبه (ما يحتاج أصلا أنا من قبل ما أفتح عرض لدريس أجهز نفسي إني أحبه). قد تكلمت عن البمبر كلبس سهرة من عرض بوتشي لصيف 2013 لكن لو كنت بالبس واحد منهم، أبغى يعطوني حق دريس، ما أعرف هو مطرز أو مشكوك (مع أنه الأغلب أنه مطرز لأن كل العرض فيه تطريز حتى الكعب) بهذي الخيوط الفضية، و قماشة شكله مرة حلو. الشيء اللي خلاني لازم أتكلم عن هذا العرض، هو هذا الفستان، مو بالضبط الفستان، الشيء اللي تحت الفستان، أولا أعترف إني أحب كل شيء مرسوم على الجلد (أحب نقش الحنا الحلو)، فشيء زي كذا بيكون أحسن قطعة بدولابي بلا منازع، أحس إنه ممكن تحول أكثر قطعة من دون شكل، لقطعة كلها حياة (شوفي كيف سوت بهذا الفستان الأسود). آخر شيء لما فتحت العرض من جديد علشان "أراجعه" شفت هذا الحلق اللي على العارضة أعرف أنه شرح ما يشجع بس مع هذا الحلق اللي على كل الأذن أحس من الفخامة كأنها كانت تسبح بمجوهرات. باختصار هذي الثلاثة أشياء، هي الأشياء اللي أبغى ألبسها لو عزمت لأقرب زواج.