الجمعة، 1 مارس، 2013

Chunky/Rapper Necklace

أمس كان فيه عروض كثيرة مثيرة يعني على سبيل المثال عرض بلانسياقا بعد ما تركه نيكولا قاسكيه، و صار أليكساندير وانق هو مصمم الدار. العرض يستاهل أنك تتفرج عليه، خطوطه نظيفة و مرتبة، و فيه قطع مثيرة (بالذات بعض الفساتين السوداء). 
ما علينا، صحيح أمس كان مليان، و لا شيكت إلى الآن على كل شيء، لكن من أكثر الأشياء اللي أثارتني هي المجوهرات بعرض لانفين.  


الشيء اللي أول شيء لفتني أول ما شفت أول صورة من عرض لانفين هو هذا العقد اللي مكتوب عليه Cool، تذكرت العقود اللي يكتب عليها الاسم (كيري برادشو"ساراه جيسيكا باركر" كانت تلبس واحد) فكنت كل اللي أفكر فيه، ممكن أحد يلبس عقد عليه أسمه بهذا الحجم؟ لما رحت أشيك على المجموعة، شفت أنه ألبير إيلبز مسوي تقريبا كل العرض عقود و إكسسوار كبيرة مرة، لكن العقود هي أكثر شيء أثارني بالكلام "البايخ" اللي مكتوب عليها (كلها مكتوب عليها كلمات مثل Happy، Help، Cool، You على قلب و أشياء ذكرتني أشكالها بالعقود اللي يلبسها بعض مغنين الراب (أفتحوا MTV و بتعرفون وش أقصد). 
باختصار، أعتقد إننا بنشوف نسخ من هذي الموضة بالهاي ستريت من نيولوك و ريفير آيلاند مثلا، إيش رأيكم بالعقود الكبيرة هذي ممكن تلبسونها؟