Delivered to Your Doorstep

توم فورد بعد ما كان يعرض بلندن المواسم اللي فاتت، نقل عرضه هذا الموسم للوس أنجليس، أعرف إن لوس أنجليس عندها أسبوع موضة، صح مو مهم زي نيويورك، بس ما أتذكر إنه فيه مصممين مهمين قد عرضوا بلوس أنجليس، حتى رودارتي اللي أصلا هم من كاليفورنيا. لكن أعتقد توم فورد كان يبغى يستغل إن هذا الويكيند فيه أوسكار، و كل العالم رايحة للوس أنجليس، فبغى يخلي عرضه ثاني شيء مهم بعد الأوسكار بهذا الويكيند. 

صراحة المجموعة حسيتها مرة قديمة، مو بشكل سلبي، حسيتها كأنه محل فينتاج. الملابس عندي شعور إني لو دورت بألقى فيه أشياء تشبه لها من المجموعات صممها توم فورد لقوتشي و إيف سان لوران لما كان مصمم لهم. أعرف إنه ما راح يعجب الكل، بس مرة عجبني اللوك اللي توب جينز و تنورة ملونة، أعرف مو سهل ينلبس، و لبس زي كذا (مو فستان) قليل يطلع على الريدكاربيت،  بس ممكن يحصل فرصة بمكان زي مهرجان سندانس. أعجبني بعد الجاكيت الجينز، أعتقد بنشوفه على بيونسيه أو ريانا. 

الفستان الوردي الأول من اليمين أحس ممكن نشوفه على جوليان مور، أما الأخير أحسه بيكون حلو مرة على ناومي كامبل. 

وش رأيكم بالعرض لو كنتوا شفتوه؟ تتوقعون أحد يوم الأحد راح يلبس من هذي المجموعة للأوسكار؟ 

Best of LFWSS15

صراحة عكس السنوات اللي فاتت هذي المرة لندن على الأقل من وجهة نظري، ما كان فيه عروض مميزة، لكن أعتقد كان فيه فساتين مرة حلوة، و أتمنى أشوفها على الريدكاربيت الفترة الجاية، لأني أحس إنها تستاهل أحد يعطيها وجه و حياة. ما علينا من الكلام الفاضي، هذي هي أحسن الملابس/ اللي ودي أو أحس إني أشوفها على الريدكاربيت. 

من أول الفساتين اللي أعجبتني من لندن، هو الفستان الأول (فوق يمين) من ماك كيو، عجبني أنه كأنه تغليفة هدايا قديمة، لونه عجبني، و عجبتني القطعة السوداء اللي على جمب، ما أعرف وش هي بالضبط، بس أحسها أعطت الفستان شكل، مع إني ما أتوقعها تلبسه، بس أتمنى أشوفه على نيكي ميناج. الفستان اللي بعده من إيميليا ويكستيد، ما أعرف ليه أحس بوبي دوليفان راح تلبسه. 

أعرف ثلاثة فساتين أوف شولدير!! الأوف شولدير مو جديد على الموضة، بس واضح أنه الحين مزاجي مرة. الفستان الثاني من اليمين تحت، من هولي فولتن عاجبني مرة، ودي أشوفه على لوبيتا، أحسه بيكون حلو مرة عليها. أما الفستان الأخير،  تحت، الأسود و الفضي من توب شوب يونيك، أحسه بيكون حلو على إيما واتسون أو كلوي مورتيز أو كايت مارا. الفستان الأبيض اللي فوق (أوف شولدير) من أوسمان، ودي أشوفه على أليكسا شونق، أما اللي تحته اللي من بيتير بلوتو (عاجبتني ألوانه مرة) ودي أشوفه على تيلير شلينق (من أورانج إز ذا نيو بلاك). 

أنتم وش رأيكم؟ 

Red Carpet Worthy: London Edition| F.W 2014

بصراحة باستثناء ماري كاترونتزو (تكلمت عنها تحت) ما فيه أحد بأسبوع لندن أثارني، ما أعرف ليه كنت أنتظر شيء مختلف، اللي شفته كأنها مجموعات، تكملة لمجموعات قديمة، مو شينة، بس ما فيه جديد. من دون ما أطول بالكلام، هنا أحسن الملابس بالنسبة لي من أسبوع لندن، و بعض الأشياء اللي شفتها فيه. 

• على عكس مصممين نيويورك اللي تقريبا كلهم تجاهلوا الطبعات، أكثر مصممين لندن، إلى الآن ملابسهم كلها طبعات ما عادا مصمم أو اثنين (منهم ماري اللي كانت هي ملكة الطبعات). 
• كان فيه أسود كثير، و أحمر و درجاته، الرمادي و الرصاصي كان موجود بس مو بكثرة عروض نيويورك

أول شيء أعرف إن اللبس الأول اللي على اليمين من هاوس أوف هولاند ما راح أحد يلبسه، لكن حبيته، و بغيت أحطه. من المجموعات اللي أعتقد إنها كانت مختلفة مجموعة ماثيو ويليمسون، خصوصا الجزء الأخير منها، حسيت كأنها فيقاس، أعجبني لبسين جمب سوت لبستها اليوم إيلي قولدنق و لا عجبتني عليها، لكن الثاني الفستان الأسود القصير، كتف واحد و فرو أحمر و أزرق، أحسه بيكون حلو على سيينا ميلر. فستان بيتر بلوتو (فوق الثاني من اليسار) أتمنى أشوفه على جينفير كونلي، مع أني عارفة إنها ما راح تلبسه. 

الفستان الباذنجاني اللي من أنتطونيو بيراردي، يمكنه أقل واحد مفضل عندي، لكن أعتقد إلى تسعين بالمية فيه أحد راح يلبسع للريدكاربيت، يمكن قوينث بالترو. 

اللبس اللي من كريستوفر كاين، ودي أشوفه على كايت بوسورث أو آن هاثواي، مع إني ما أعرف إذا هي ناوية تطلع بمناسبات أو لا. اللبس الأحمر من توم فورد أعرف أنه ما راح يعجب كثيرين، لكنه أعجبني كثير، ودي أشوفه على أحد عنده ستايل زي بوبي دوليفان أو وحدة مرة حلوة زي أجاك دينج. 

وش أعجبكم أنتم من عروض لندن، وش تنتظرون من ميلانو اليوم؟ 

New Classic

قبل فترة شفت فيلم بلو جازمين (معلومة جانبية: عجبني) المهم بعد ما شفته قررت إني أروح أشوف فيلم I Am Love، الفيلم للي ما يعرفه هو فيلم إيطالي لتيلدا سوينتين. الفيلم من زمان نازل (مو بلو جازمين)، و أتذكر إني لما شفت الستيل حقات الفيلم تحمست له (تحمست حتى للملابس)، المهم بعد فترة شفت التريلير و خف حماسي و بعدها كل مرة أأجل المشاهدة . ما أعرف ليه كان ببالي أنه الستايل تيلدا سونتين و كايت بلانشيت بالفيلم متشابهين. بس طلعوا ما يتشابهون. الشبه الوحيد كلهم ثريات. 

Chic by dejavuar featuring a print pencil skirt

Carven print pencil skirt / Semi Couture sweater / Burberry ankle strap heel sandals / Yves Saint Laurent shoulder bag, $1,700 / Tom Binns pearl chain necklace, $785 / Tom Ford fragrance

بس الفيلمين أعطوني فكرة هذا السيت و هو لبس "الكلاس" أولا لازم أحط توضيح أنه لبسي مستحيل يكون كذا (مو أسعاره) صحيح ما أقدر على الأسعار، لكن قصدي حتى الشكل. و لأني ما أقدر أسوي شيء "ممل" قررت أحافظ على الفكرة نفسه، يعني مثلا أحس عقد لولو و تنورة بنسيل و كنزة كشمير، شيء أساسي بهذا اللوك. أول شيء جا ببالي هذي التنورة من كارفين اللي على شكل جلد غزال، من زمان عاجبتني و لقيتها فرصة إني أحطها بهذا السيت. الشيء الثاني قررت أختار هذا العقد اللولو اللي محيوس، أحس تعطي لمسة غير على هذا اللوك اللي مرة سلييك. قررت إني أختار ألوان خريفية و كلاسيكية و أهم شيء لقيتها فرصة إني أختار هذا العطر من توم فورد اللي اسمه "جازمين مسك" (ترا ما قصدت إني أربطها ببلو جازمين :P) بس لو ما حصل لكم أي شيء من هذا السيت روحوا و شموا العطر هذا عند باريس قاليري ريحته مره حلوة و يصلح هدية. 

Who gave Annette a Tom Ford dress?!

ودي أرجع فيكم للقولدين قلوب من جديد، زي ما قلت لكم هذي السنة بالنسبة لي ناس كثير لبس لبس حلو، و لأنهم كانوا مر كثار، سويت تصفيات قاسية، علشان أطلع بشي عن الحفل ...
الشي الي حبيته بهذا الحفل، أنه كثار فوق الأربعين كانوا لابسن لبس حلو زي ما كتبت قبل تيلدا سونتين.

آنيت بينانق كانوا من المرشحات، و الي جايات للحفل، آنيت عمرها 52 بس كانت حلوة مرة بهذا الفستان الي من أول مجموعة للملابس النسائية لتوم فورد. من الكلام الي قريته عن من وين وصل هذا الفستان لآنيت، بعضهم حزر أنه جوليان مور و اللي كانت جاية و لابسة لبس بعد حلو و وفوشيا من لانفين (عجبني العقد) هي الي عطتها، خصوصا أنه علاقتها بتوم فورد زينة، لكن اليوم شفت هذا الإيديتوريال من مجلة W  و انتبهت أنه آنيت لابسه نفس الفستان، فتخميني أنه الفستان كان من المجلة.
هذا الشي يخليني أتمنى إني أكون معروفة، علشان غير أنهم يصوروني صور حلوة، لما أكون متورطة و أبغى فستان لمناسبة يسلفوني إياه :).

A Boy No More

لو كنت شفت هذا الفيلم سنة 2002 الشي الوحيد الي بتقوله عن الولد الي بصوره إنه يكسر الخاطر، و تقدرون تشوفونه بهذا المقطع، و ترا الفيلم حليو و يستاهل الشوفه ...

طبعا العيال كبريت و الولد المسكين الي ينضحك عليه طلع هذا ... تشوفونه بصورة مع توم فورد الي ما أعرف وش قصته هذا الرجل، يعني مو حرام واحد وسيم يصير قي؟!!! المهم نيكولاس هولت مثل بفيلم توم Single Man و صورا هذي الصورة لفوق ... الي صورهم تيري ريتشيردسون ... دايم صوره تعجبني هذا المصور ... و أكيد هذي عجبتني مادام فيها هالشكلين :)