لما طلع اللوك بوك لديور، طبعا تفرجت عليه، و لو سألتوني الحين عن أي لوك باقولكم إني ما أتذكر منه إلا شيء واحد، هو اللوك الأخير، هو نفس اللوك اللي كلمت ريم عنه بالموضوع اللي فات اللي عن أحسن لبس لحفل توزيع جوائز ساق (هنا إقروا النقاش).
خذا هو اللوك اللي تكلمنا عنه، و اللي المفروض إن ماريون لابسه نسخة معدله منه لنفس الحفل. حاولت أحب لوك ماريون بس عجزت، لأني حابة اللوك اللي باللوك بوك لدرجة إني يوميا اتفرج الصورة و أفكر متى ألبس زيه.
بالعادة أنا مو ذوقي الشكل هذا من الفساتين/التنانير (الكبيرة النافشة). لكن أعتقد أنكم الحين تعرفون إني أحب خلط الأشياء مع بعض (ألوان، ستايل، شيء غالي مع شيء رخيص و أهم شيء شيء فخم و شيء كاجوال). أول ما شفته، الجزء اللي فوق شفت أنه تي شيرت (ما زلت مقتنعة أو مقنعة نفسي) لكن بكثير من مواقع الفاشن لما تكلموا عنه بعد ما لبست ماريون النسخة المعدلة وصفوه كأنه فستان كامل مو تنورة و تي شيرت. ما زلت أنا باتعامل معاه على أنه تنورة و تي شيرت :S.
لو كنتوا تتذكرون قبل سنتين تقريبا (الوقت يمر بسرعة أعرف أنه تعليق بايخ، بس لما رجعت أشيك على التدوينة صدمني التاريخ) المهم تكلمت عن القميص الأبيض مع تنورة فخمة و كنت متحمسة للبس ذاك بشكل (تصير دايم)، و الحمدلله ريحت نفسي و لبست لزواج بالطريقة هذي. أعتقد إن الدور الحين جا على التي شيرت مع تنورة فخمة بلون حلو زي هذا اللون. رحت أدور على تي شيرت بنفس طول الكم اللي بالصورة تقريبا (لأني أحس أنه لازم يكون كذا شكل التي شيرت و إلا ما راح تضبط الحركة). و لقيت أنسب اثنين الأول كريمي أو أوف وايت من أمريكان أبيرال تقريبا ب 82 ريال. و هذا اللي عليه فصوص من فورإيفير 21 ب 55 ريال تقريبا.
هل ممكن تلبسون لمناسبة كبيرة (زواج/ ملكة) تنورة مع تي شيرت على طريقة ديور؟
اللوك جميييل بشكل.. الألوان مع بعض وشكل التنورة, كملها شعر الموديل.
ردحذفبس ما أحس أقدر ألبس تنورة وتي شيرت لزواج, الملكة يمكن ليش لا أحس يطلع ناعم مرة.
تدرين أحس هذا اللوك أنتي مرة ;)
و الله مالي خلق أقابل أحد، بس أذا عندك لي زواج زين ما أعرفه عطيني بطاقة P:
حذفقبل فترة لما طاحوا الناس بالتنانير الشيفون والبلسيه الماكسي كانوا كثييير يلبسون معها تيشيرتس بيضاء نفس هالستايل..
ردحذفحلو بس احس ينفع لاعمار صغيرة طعشات وبدايات العشرين