الخميس، 31 يناير، 2013

Best Dressed: January 2013

وصلنا لنهاية أول شهر من 2013 أعرف إني السنة اللي فاتت ما وصلت معاكم للنهاية، بس إن شاء الله هذي السنة بانزل لكل الشهور، و باسوي الشيء اللي كنت ناوية أسويه السنة اللي فاتت، و هو إني أحط كل الإثناعشر الفايزين بأحسن لبس للشهر، لوحدة كبيرة لأحسن لبس للسنة. 
الشيء الثاني بأحاول مو بس أتكلم عن الإختيارات، ودي أسوي تقرير بسيط عن أهم الموضات للشهر اللي أخترت منه هذي الملابس. 


زي دايم كبروا الصورة علشان تشوفون الأشياء أوضح

أقدر أختصر الموسم هذا ربيع/صيف 2013 أنه بيكون مربعات لوي فيتون. أعتقد إننا بس خلصنا الشهر الأول و أظن كل لوك من المجموعة لبسوه السلبرتيز ... أول من لبسه كريستين ستيوارت آخر السنة اللي فاتت. حبيت شكلها فيه مره (لكن هذا مو هدفنا)  من مجموعة السلبرتي اللي لبسوا من المجموعة هذا الشهر (أقدر أقول أنهم أكثر من عشرة من دون ما أعد) أعجبني شكل كيرستين دونست (ما يعني أنه الباقين ما كانت أشكالهم حلوه). لكن تعرفون مكانة كريستين بقلبي (أعتقد إننا بنشوف نسخ كثيرة من هذي المجموعة عند ماركات الهاي ستريت (زارا و إتش آن إم). 
الشهر اللي فات أقدر أقول أنه شهر كيري واشنطن، كيري كانت تروج لفيلم جينقو آنشيند و أعتقد إنها كانت موفقة بكل لوك تقريبا (بعد لبست من لوي فيتون، بس ما عجبتني الربطة اللي على راسها حسيتها شوي طفولية) أخترت هذا الفستان من جيلز اللي عليه طبعة حصان لأني أعتقد أنه خيار جريء (صراحة كل اختياراتها كانت مميزة). 
من الاختيارات الجريئة (برأيي) اختيار أيمي بولير إنها تلبس بدلة لريدكاربيت حفل زي قولدين قلوب، حبيت خيارها، و حبيت إنها ما خلت اللوك رجالي مرة، لما لبست هذا العقد الألماس.
اللوك اللي كان لازم يدخل بالنسبة لي هو لبس ساره جيسيكا باركر بفستان من ماري كاترنتزو و بالطو من جامباتيستا فالي كتور. حبيت شكلها مرة، ذكرني بلبس لها ب SATC الفيلم الأول بس أحس هذا نسخة مطورة و محسنة منه. 
كايت مارا بديور أصفر و بيكسي جيلدوف بهيوقو بوس وردي، كلهم طالعات بلوك مره نظيف (أحس أنه النوعية هذي من الملابس بتكثر مع راف سيمنز كمصمم لديور) الشيء اللي حبيته بلوك بيكسي غير أنه مره نظيف، أختيارها للجزمة. الجزمة هولوقرام (الشيء اللي يلمع) فيه عند ستيلا iconتشبه لها، بس هي لابسة وحدة من هيوقو بوس بعد (بالمناسبة الخامة هذا كان بأكثر من عرض، علشان كذا أعتقد بنشوف نسخ بالهاي ستريت (إتش آند إم، توب شوب) .



من أحسن لبس لشهر يناير 2013؟