الأربعاء، 9 مايو 2012

MET Gala 2012: Best Dressed

و أخيرا بعد يوم و زيادة قدرت أقرر أحسن ملابس لميت قالا أمس أو قبل أمس. غير التريندز اللي قلت لكم عنها، كان فيه كثير فساتين ذهبية/ فضية لماعة. (كنت راح أتكلم عنها) لكن لما شفت كثير منهم أخترتهم لموضوع الروج الغامق و الشعر، و حتى أحسن لبس، ما بغيت أكرر نفس الصور من جديد، فقررت على طول أحط هنا أحسن الملابس. 


صراحة عجزت أختار من أحسن الأحسن، لكن أكيد ميت قالا هذا السنة كان فيه كثير أشياء حلوة (ما أتذكر عجبني شيء كثير السنة اللي فاتت). يمكن أسوء شيء بهذي السنة، إن آشلي أولسين ما جت، ما أعرف ليه بالذات بهذي المناسبة أحس لازم كل الثنتين لازم يجون. 
هنا بس حطيت صور مقربة للي عجبوني، لكن بتلقون بالألبوم صور للفساتين من قدام، و تحتها كل واحد من وين. تعليقات بسيطة راح أكتبها هنا على تقريبا كل وحدة. 


  • عجبني كثير شكل كيري موليقان، أصلا اشتقت لها من زمان ما طلعت، لكن أسوء شيء بالنسبة لي كان أختيارها للجزم، لكن ما يمنع إنه شكلها عجبني. 
  • عجبني شعر ماري كايت أولسين، أحب لما يكون فيه شعر طاير من التسريحات (أتذكر ديان كروقر كانت تسوي تسريحات تشبه هذي كثير)، اللي يخليني أحبها، أحس أنه فيه شغل دقيق و جامد كان عليها. بعد حبيت الشيء اللي شايلته ما أعرف هو شنطة أو علبة مكياج قديمة أو إيش؟!!
  • عجبني كثير القفاز اللي لابسته كارا دوليفان، أحس من دون القفاز كان الفستان بقى حلو لكن ما فيه طعم ميت قالا. 
  • أعجبني الشعر الأسود مع هذا الفستان على جيسيكا ستام، جلست أتحيلها و هي لابسته بشعرها الأشقر، عجزت أتخيل أنه بيطلع بهذا الشكل. 
  • عجبني لون شعر لانا مع مكياجها، ما حبيت إنها صبغته غامق، لكن أكيد المكياج هذا خلاني أول مره أحس إن لانا ممكن تطلع حلوة :). 


لو كنتوا تابعتوا فساتين ميت قالا من عجبكم أكثر؟