What not to wear

أنا مو مره مع الأبوات ... أحسها قطع حساسه، يعني مو بسهولة تطلع حلوة ... بس بريتني سةت كارثة مو بس ما خلتها مو حلوة ... يعني فيه أحد يلبس أبوات sheepskin مع فستان أبيض صيفي؟!!!

يعني هذا إيش يسمى تطبيع بين الصيف و الشتاء؟!! أو إنها تتعامل مع نفسها كأنها الأرض شمال صيف و جنوب شتاء؟!! من الأساس ما احب هذي الأبوات ... بس تلبسها مع فستان صاير كأنه شلحة مصيبة (ترا أنا أحب الفساتين البيضاء للصيف) بس لما تكون خفيفة لدرجة نشوف الأندير وير من تحتها يعني شوي هذي إسمها قل دبره خصوصا لما يكون حجم الأنديروير مو مضبوط زي حجم الفستان ...

الفستان طايحة سيوره من البهذلة و الكلوت (اسفة نزلنا لهذا المستوى بس هي الي نزلتني) واضح أنه طايح ... ؟!!!!

Hatoyama's Shirt

من أول ما بديت الكتابة هنا، و أنا قايلة إني راح اتكلم بكلن، المهم تقريبا الله لا يضرني بكل مجال بالحياة اتلقف فيه، سياسة، رياضة، فن ... كل شي ...

كتبت أكثر من مرة عن لوك سبورت و أخرها الي قبل هذا البوست، و قد كتبت عن لبس The Obamas أول ما فاز أوباما بالإنتخابات ... المره هذي اعترف إني ما كنت أعرف من هو رئيس وزراء اليابان الجديد بعد كيوزومي و أبي، المهم لما نزل مستوى وسامة رؤوساء الوزراء اليابانيين بطلت أعرفهم ... بس من إسبوع كل العالم تتكلم عن كارثة رئيس الوزراء بالشيرت الي لبسه لحفلة باربكيو ... و الي طالع فوق، لما شفت كل العالم قايمة عليه، كسر خاطري و قلت أنه العالم مالهم شغل فيه، حتى لو كان الشيرت ب 500 دولار ... دخلت الموقع الي يبيعه Shirts My Way المصيبة طلع أنه الشيرت كستم ميد، يعني رئيس الوزراء لقى وقت يصمم شيرت له .... و مخيلته كانت خصبه لدرجة ما فيه لون ما حطه ...

لما سويت بحث أكثر اكتشفت أنه الرجل موهوب و مو هذي أول خبطه له بالفاشن، اقترح عليه بعد ما يترك المنصب و يتلحوس و يصير داعية سلام زي كل الرؤوساء يصير رئيس تحرير vogue nippon .

هنا موقع للتصويت على أحسن لبس ليوكيو هوتوياما

أختي حبت القلوب، أنا حبيت الغابة ... أنتم وش تحبون؟؟؟

The old passion

It's World Cup again by alorwa featuring Abercrombie & Fitch shorts

Items in this set:
Cropped Tee By Unique, $50
abercrombie shorts ♥
Dieppa Restrepo Dina Patent Classics, $220
Women's bags - fabric bags - Angela Adams® for J.Crew pocket sail bag..., $200
Soccer Ball baby bank, $95

من زمان كنت مجنونة كورة ... و لما أقول مجنونة، معناه أنه تجيني نوبات غضب لو ما قدرت اشوف مباراة و خصوصا مباراة من كأس العالم ... لسا استمتع بالمباريات الحلوه بس ما يهمني فوت مبارة أو لا ... يعني لو يعزمني أحد (طبعا أحد أحبه) و فيه مبارة بروح له و اترك المبارة.

المهم جا كأس العالم، و أظن أني ما راح أشوف جزء كبير منهو بس ولو له هيبة ...

أخترت هذا اللبس من دون ما أشرح كثير يمشي مع الجو ... كروبيد توب من توب شوبو شورت سبور و تحته لونق شورت مخرم ... مع هذي الجزم الي ما عجبت أختي ... و أهم شي الشنطة دورت على شي فيه أصفر حسيته بيطلع حلو ...

*الكلام الي فوق (الي مكتوب بالسيت) قايله أليكس فيرقسون مدرب مانشتر يونايتيد

I'm trying hard to make it looks good

أمس البريمير حق SATC أنا ما حبيت الفيلم كثير، بس لما شفت المسلسل (بعد ما شفت الفيلم) حبيت المسلسل مره، و قللت كره للفيلم، لما شفت الترايلير وشفت العمامه على ساره مت قهر، من زمان أبغى عمامه، ليه هي تلبسها قبلي؟!!! بس أهم شي إني أنتظر ينزل دي في دي لأني ما أبغى أشوفه سينما ...

المهم عن البريمير ... ساراه و باقي الشلة كلهم لبسهم مو حلو أبدا لبريمير نيويورك، ساره
كانت لابسه أصفر من فالنتينو و زي ما تشوفون بالصوره شكل ساره كانت عارفه أن الفستان ما طلع حلو، فتعبت و هي تحاول تتميلح (على قولة أختي) ...

بس بالحفلة الي بعد البريمير ... لبست فستان دانتيل من إيلي صعب، حلو مره، و لأنه حلو ما احتاجت تسوي كل هذي الحركات (بالمناسبة أحب الفيزبيل برا) بغض النظر أنت ممكن تلبسينها أو لا ...

حتي الجزمة عجبتني قوه (شكل الفيرزوي مع الأسود بيكثر) ...

I wanna be famous

أقل من شهر بعرض شانيل كروز كوليكشين طلعت آبي لي بهذا الفستان، بالنسبة لي كان أحلى شي بالمجموعة كلها ... لونه، قماشه، قصته كله كله حلو ...

أمس ما أسرع، صح إني أحب كريستين بس على طول تلبسه ليه؟؟!! بكان بتوزيع الجوائز جت بنفس الفستان ... ما أعرف لسا شعوري تجاهه عليها، بس اللون طالع حلو عليها مره.

أعتقد الفستان ما رجع لباريس أصلا العرض كان بسان تروبي، و كريستين ما كلفت كارل قيمة البنزين عشان يرجع للدار على طول وصلوه لها في كان.

أنتم وش رايكم بالفستان، و على مين أحلي؟

On who the turquoise Chanel dress look better?
	Abbey Lee Kershaw
	Kristen Dunst
pollcode.com free polls

Briefly: Cannes Edition

Jumpsuit Goes High

ما أقولكم إن الجمب سوت طايحة من عيني، لكن يعني خف هبالي فيها، أظن أنه الحين كل العالم تلبسها، و لا صار فيها أي شي مختلف عن باقي قطع اللبس الي تعودنا عليها، بس ماغيون كوتياغد بحفلة شوبار بكان لبست وحده من لوفغان فيغنيه، غير أنه شكلها حلو (قصدي الجمب سوت) المايك آب و لاشعر كانوا حلوات مره، و حتى الإكسسوار . أهم شي إنه ما لبست ديور.

Another Stolen Dream

تتذكرون فستان لانفان الي قلت لكم عليه إني جربته بس عشان أحس بلانفان علي؟

هذا هو الفستان بالضبط، و أظن حتى نفس المقاس الي جربته .... لبسته جوديت بينوش لفيلمها بكان ... الفستان مره حوس عليها بس أهم شي إن أخلاني تنسرق قدام عيني واحد ورا الثاني.

Cute Girl in Cute skirt

ما أعرف مين أحلى كريستين دونست و إلا التنورة الميو ميو الي لابستها ... كل شي فيها كيوت البلوز و التنورة، الشنطة الشانيل النظارات ... شعرها كل شي واااو بس.

هذا الشكل الي ودي أ؛يد إني أطلع فيه

Two Beautiful Things

ديان كروغر و الممثلة الفرنسية لودفاين سقينا ... ما أعرف وش يسوون بكان بهذي الصورة، بس الأكيد إن أشكالهم حلوه مره كل الثنيتني ... شعر ديان كروغر بهذي التسريحة يحيرني ... كيف يطلع كذا حلو؟؟

What is boho and what is fake boho

أحب اللوك البوهو مره، و معنى إني أحبه خصوصا كاجوال إني أقدر الي يلبسه صح و ينرفزني الي يحاول زي تايلور سويفت ... لما شفت الصوره هذي استفزتني بجد ... يعني الهيبي هيدباند الي فيها كرستالات من كبرها كأنها صخر، و الي ما أفهم إيش معناه لما تكون سويت بيرم لشعرك يقاللك هيبي ؟!!! البوهو مو شغل تقعد عليه ساعات البوهو عفوي ... ما أعرف وش أقول الحزام بايخ التنوره سقيمة ... ما عجبتني أبدا ...

بالمقابل عندك كايت هادسون، كايت تعلمك كيف تسوي لوك بوهو من لافستان الماكسي المشجر للشنطة، عجبني إنها مدخله شي جديد على لوك الستينات وهو الجاكيت وتحته البلوفر البوت حكايه ثانيه ...

الي يبغى يصير بوهو يكون عفوي بس

Kate & Kate

لما شفت هذي الصوره لكايت هاديسون و هي تصور فيلمها الجديد Something Borrowed مع هذا الشورت الكروشيه (عجبني بقوه، لو لقيت زيه تنوره أو شورت أكيد راح أشتريه، الكروشيه فكره حلوه مره للبس البحر بس شرط ما يكون هو نفسه لبسه البحر يعني باكيني أو المايوه) ذكرتني بهذي الصوره لكايت موس من أعتقد من 96 صورها يورقان تيلر.

فيه زشياء كثيره متشابهه غير الإسم ... لون الشعر الكروشيه الأبيض و الشاطي ... عشان هذي الصوره تحمست أشوف الفيلم خصوصا فيه ملابس ثانيه حلوه بالفيلم.

Sheer, Sheer and Sheer

من دخل مايو و أنا منشغله أدور فساتين ، و شروطي مالها نهاية أبغى فستان طويل، ما أبغاه أسود كامل، أبغى فيه برينت، لا أبغاه سباركلينق لأني ناويه أخلي شعري و وجهي سيمبل، أبغى ألبس معاه مجوهرات ثقيله، لا ما أبغى ألبس معاه شي هو يكفي بحاله ... المهم ما فيه موقع ما دورت فيه لما صار بخاطري إني ألبس طويل طلعت كل الملابس القصيره حلوه، لقيت أكثر من واحد بس لسا مو مستعجله ... أمس أختي ورتني فستان شير من حسين شاليان حلو مره (طبعا ما راح أحطه هنا عشان ما تآخذونه قبلي p:) على أنه الفستان مو أسود بس خلاني أوسع خياراتي و ابطل عن العناد أنه ما يكون أسود، يعني لو لقيت فستان شير أو الأصح هاف شير و أسود و حلو زي الي بصوره ما راح أعيي.

من فتره عاجبتني الفساتين الشير و تكلمت عن فستان ميشيل وليمز قبل الي جت فيه لبرمير فيلمها Shutter Island ببرلين ... الفستان من شانيل مجموعة ربيع و صيف 2010 ... عجبني مرررره مع أنه كثار ما عجبهم.

فستان آشلي أولسين ما أعرف من وين، بس هذا فستان أكيد لو شفته راح ألبسه، عجبني إنها اختارت معاه شنطه بيضاء كاسر اللون الأسود الي بكل مكان، و تغيير عن الذهبي و الفضي الي أكثر الناس يختارونه.

عاد القراند فينالي مع كريستين دونست من شانيل كوتو خريف 2009 الفستان حكايه ... أكمامه، صدره و إلا عاد الشيفون الي تحت آه، أكثر شي عجبني على اللوك إنها حاطه ماناكير أدرق فيروز بدل ما تشيل شنطة، الفكرة هذي تصلح لي لأني ما أحب أشيل شنط معاي أبدا (شكلي بسوي زي كذا).

Things I wouldn't do

الريد كاربيت لكان و الأوسكار تقريبا زي زواجاتنا ... لأنه الزواجات قربت باتكلم لكم عن لوك ميشيل وليمز بكان بالليل (الصباح أعجبني و يمكن أحط عنه بإن بريف عن كان) ...

المهم مشيل لابسه من شانيل أوت كتو للربيع للسنة هذي ... شخصيا مو الفستان المفضل لي بالمجموعة ... أما ليه ما أعجبني علي مشيل أولا الفستان مخلي نشيل قصيره مره ... و هي مو ذاك القصر زي ما تشوفون طولها ...

الشي الي ما عجبني بموضوع الأكتاف ... لو كانت أكتافي زي مشيل مو مستقيمة (منحنية قوة) ما راح ألبس أبدا فستان بسيور مو عاد سيور طايحة كأن كتوفي عجزت تشيله ... لمشيل أختار لها يا بف سليفز ... يا سيور عريضة أو كت أو ستاربليس لكن سيور نحيفة طايحة؟!!! no way.

نجي للوجه ... الفستان أساسا وردي فاتح مرررره و هي بيضا يعيني فكرة إنها تطلع بناتشرال مايك آب آبدا مو موفقه طالع الفستان كأنه قميص نوم ...

أما الشعر ... مع إني ما أحب كثير الشعر القصير لأني أحس أنه ممل لكن لو شعري قصير مستحيل أطلع لريد كاربيت أو زواج علي مقياسنا بالشكل هذا ... إذا ميشيل ما تبغي تسوي ريترو زي كيري موليقان فيها حلول ثانيه ... تشده كله على ورا ... تشد الغره على جنب ببنس أو توكه وحده كريستال بس تخليه كذا أبدا مو موفق ما عجبني اللوك أبدا

أقلها كان لبست مجوهرات كبيرة ... (شوبار يلبس الزوار مجانا)

أحبطتني :(

Cannes Diaries: Cate Blanchett

أستورالية و بعد شقراء جديدة أخترتها ليوميات كان ... كايت بلانشيت بفيلمها الجديد روبين هود، كايت للأناقة النظيفة الكلاسيكية للنساء الي يحبون يصيرون كلاسيكيات بس مو قديمات يشوفون كيف كايت تلبس ... الصباح كايت طلعت بسوت من أرماني برافي لونها وردي فاتح كل شي كان متكتك ... المايك أب الشعر المجوهرات و أهم شي الكعب الي ما أعرف من وين بس يجنن ... نظاراتها حكاية ثانية ...

بالليل لبست كايت فستان من ماكوين الشي الحلو بكايت إنها كثير مرات تلبس ملابس شوي غريبة (زي الطبعات الي علي فستان ماكوين هذا) و تخليها شي عادي، كأنها ما طلعت بشي غريب الفستان حلو .. المايك آب حلو و الشعر حلو بعد.

W Magazine reads this blog :P

كايت بلانشيت على غلاف مجلة W الغلاف حلو بس الصور الي جوا ما عجبتني مره، يعني شي عادي دايم ينشاف .... الشي الي بسطني هو أنه كايت مصوره بهذا الفستان جوا العدد ...

تتذكرونه؟ الفستان هذا من إترو ... كتبت عنه لما كانت الفاشين ويكز مدهره و قلت أنه يصلح لكايت بلانشيت أو آن هاثوي ... ما تتخيلون شلون مبسوطة خلاص أحس نفسي فاشن إيديتور ... الله يوسع صدر W مثل ما وسعوا صدري :) يالله إن شاء الله الجايات أكثر و عقبال ما أصير بالفرونت رو مع أنا ونتور P;

Cannes Diaries: Naomi Watts

شكرا لكان شكله حفزني إني أكتب من جديد ... :) الحلو بكان أنك تشوف لبس للصباح و لبس للمساء ثاني وحده لهذا اليوم هي نايموي واتس الي جايه بفيلم لوودي الآن ... المهم أنع نايموي الصباح طلعت بفستان مطبع صيفي خفيف من ديان فون فورستنبيرق ... مع كعبات صفراء ما أعرف من وين بس حلوه مرررره ...

بالليل لبست فستان من قوتشي بريمير (هذا خط غوتشي الجديد للأوت كتور) و بالمناسبه شكلهم موزعين سبيل هناك كل العالم لابسته (سلمى حايك، كاميلا بيل، كايت باكنسيل و إيفا لنقوريا) كل الفساتين ما أعجبتني كأنها مصمم لبناني بس هذا غير هذا أحلاهم ... يمكن نايومي حلته بالمايك آب حقها ما أعرف بس الماركه ما عجبتني.

Cannes Diaries: Carey Mulligan

كيري موليقان ذووووق ... قلت لكم من زمان إني أحس إنها بتصير شي، جت لكان عشان فيلمها الجديد Wall Street 2، المهم كيري من وصلت لكان و هي لابسه فستان من بارادا عليه صور شاطيء و أكيد أنه ذوق لأن كيري لابسته، و لأنه من برادا (فستان صيف ما فيه كلام) و لابسة نظارات من ديور ... بعدين لبست من غولاند موغيه فستان كلاسيكي من موغيه بسفطاه و قصاته ... حلو خصوصا مع الكعب .

الشي الي قتلني فستانها من أتزارو .... وااااااو كذا الوحد يمشي على الريد كاربيت حق كان ما أعرف كيف آصفه، لا اللون، لا الياقه الي كلها مجوهرات، و لا حتى طوله ... إما التسريحة و المايك توجع ... بجد تخلني أغار منها.

Natasha

Tiger by alorwa featuring Alberta Ferretti dresses

Items in this set:
Discount Alberta Ferretti Draped silk gown | theOutnet.com, 890 GBP
Stuart Weitzman Women's Avignon Peep Toe Platform Pump - Free...
La Regale Rhinestone Clutch with Clasp: Clothing, $530
metal cut out script cuff, 360 GBP
Natasha Poly Pictures - "American Woman: Fashioning A National...

أدري قديمة بس وش أسوي زحمة، راسي مشغوووول ... مالي خلق شي و أحس أني بايخه و أنا اتكلم عن قالا الي صار له أظن أكثر من إسبوعين ... ما يهم سويت هذا السيت لأن الصيف جاي و جايب معاه الزواجات ... و أعرف أنه كثير مشغولين يدورون لهم لبس ... بالقالا ما فيه أحد لبس لبس خلاني أقول واااااو لكن ناتاشا بولي أعجبت كثير ... و أنا منهم بس مو لدرجة الوااااو خصوصا المايك آب (حلو مره للزواجات و للصيف بالذات) و شعرها حلو بعد....

و أنا أدور لي فستان للزواجات الي جاية شفت هذا الفستان من ألبرتا و حسبته نفسه بس صار من ألبيرتا فيراتي و هو أساسا من مايكل كورز .... الي حبيت أقوله أن الفستان مو غالي و موقع the Out net من أحسن المواقع الي تعاملت معاها لما شريت ... عندهم ماركات بأسعار مرره حلوه.

ليه ما شريت الفستان لأنه مو التايب حقي ذكرني بكيري براد شو لما طلعت أول ديت، الفستان الي قالوا عنه صديقاتها كأنك ما لبست شي، مو لأنها ما لبست صدق بس لون الفستان و نوعية قماشه يعني من الآخر أنا مو حقة you look sexy، الحين راحت كل المقاسات و ما بقي إلى أكبر مقاس الي هو لارج يكون 14 بالمقاييس الإنجليزية يعني مقاييس الملابس الي تاصلنا (شيكوا وشوفوا) و ترا بعض المرات يرجعون أشياء.

أخترت له كعب أسود عادي .... مع كلتش بسلسلة أعتقد أنه الكلتش تكون علي الكتف بتطلع أحلي بكثير .... الي فكرت فيه أنه تلبس معاها سواره الي على العضد، و الي يسمونها معضد أعتقد بتطلع شي ...