السبت، 29 مايو 2010

Hatoyama's Shirt


من أول ما بديت الكتابة هنا، و أنا قايلة إني راح اتكلم بكلن، المهم تقريبا الله لا يضرني بكل مجال بالحياة اتلقف فيه، سياسة، رياضة، فن ... كل شي ...

كتبت أكثر من مرة عن لوك سبورت و أخرها الي قبل هذا البوست، و قد كتبت عن لبس The Obamas أول ما فاز أوباما بالإنتخابات ... المره هذي اعترف إني ما كنت أعرف من هو رئيس وزراء اليابان الجديد بعد كيوزومي و أبي، المهم لما نزل مستوى وسامة رؤوساء الوزراء اليابانيين بطلت أعرفهم ... بس من إسبوع كل العالم تتكلم عن كارثة رئيس الوزراء بالشيرت الي لبسه لحفلة باربكيو ... و الي طالع فوق، لما شفت كل العالم قايمة عليه، كسر خاطري و قلت أنه العالم مالهم شغل فيه، حتى لو كان الشيرت ب 500 دولار ... دخلت الموقع الي يبيعه Shirts My Way المصيبة طلع أنه الشيرت كستم ميد، يعني رئيس الوزراء لقى وقت يصمم شيرت له .... و مخيلته كانت خصبه لدرجة ما فيه لون ما حطه ...

لما سويت بحث أكثر اكتشفت أنه الرجل موهوب و مو هذي أول خبطه له بالفاشن، اقترح عليه بعد ما يترك المنصب و يتلحوس و يصير داعية سلام زي كل الرؤوساء يصير رئيس تحرير vogue nippon .


هنا موقع للتصويت على أحسن لبس ليوكيو هوتوياما

أختي حبت القلوب، أنا حبيت الغابة ... أنتم وش تحبون؟؟؟