الجمعة، 21 مايو، 2010

Sheer, Sheer and Sheer


من دخل مايو و أنا منشغله أدور فساتين ، و شروطي مالها نهاية أبغى فستان طويل، ما أبغاه أسود كامل، أبغى فيه برينت، لا أبغاه سباركلينق لأني ناويه أخلي شعري و وجهي سيمبل، أبغى ألبس معاه مجوهرات ثقيله، لا ما أبغى ألبس معاه شي هو يكفي بحاله ... المهم ما فيه موقع ما دورت فيه لما صار بخاطري إني ألبس طويل طلعت كل الملابس القصيره حلوه، لقيت أكثر من واحد بس لسا مو مستعجله ... أمس أختي ورتني فستان شير من حسين شاليان حلو مره (طبعا ما راح أحطه هنا عشان ما تآخذونه قبلي p:) على أنه الفستان مو أسود بس خلاني أوسع خياراتي و ابطل عن العناد أنه ما يكون أسود، يعني لو لقيت فستان شير أو الأصح هاف شير و أسود و حلو زي الي بصوره ما راح أعيي.

من فتره عاجبتني الفساتين الشير و تكلمت عن فستان ميشيل وليمز قبل الي جت فيه لبرمير فيلمها Shutter Island ببرلين ... الفستان من شانيل مجموعة ربيع و صيف 2010 ... عجبني مرررره مع أنه كثار ما عجبهم.

فستان آشلي أولسين ما أعرف من وين، بس هذا فستان أكيد لو شفته راح ألبسه، عجبني إنها اختارت معاه شنطه بيضاء كاسر اللون الأسود الي بكل مكان، و تغيير عن الذهبي و الفضي الي أكثر الناس يختارونه.

عاد القراند فينالي مع كريستين دونست من شانيل كوتو خريف 2009 الفستان حكايه ... أكمامه، صدره و إلا عاد الشيفون الي تحت آه، أكثر شي عجبني على اللوك إنها حاطه ماناكير أدرق فيروز بدل ما تشيل شنطة، الفكرة هذي تصلح لي لأني ما أحب أشيل شنط معاي أبدا (شكلي بسوي زي كذا).