OSCAR '9 .. Welcome back "Black & White" to Holywood

أنا صراحة مو متصالحة مع الفساتيين القاون البيضا، أحس إنه وش ما سويت فيها ما يبين .. بس بصراحة هم الي لبسوا أبيض كانوا أحسن من لبس .. زي ما قلت لكم ما في أحد لابس صح صح .. بس هم الأحسن ..




سارا جيسيكا باركر بديور .. عجبني مرة .. و عجبتني تعديلاتها عليه .. مع أنه في ناس يشوفون أنه ما ناقصه إلا الشرعة ، يصير فستان عروس .. :) مو بطالة الفكرة ترا ..


نيكول كيدمان بإيف سان لوغان الشغل على القماش مرة حلو حتى لو كان الموديل عادي .. و هذي ثاني طلة لنيكول بفستان أبيض بالإوسكار (قبل سنتين ببلانسياقا)..



ريتشيل وود التوب عجبني مرة مرة مرة .. الشنطة يخ و لا احترمت الفستان .. الفستان إيلي صعب


تارجي هينسون بفستان قوان عادي و نظيف بس المجوهرات مطلعته بشكل حلو .. و الشنطة كمان ..

نجي الآن للأسود.. هذا اللون أحترمه، و أقدره بشكل مشكلة أنه كثير عندنا ما يعترفون فيه، يعني ما في وحده تفكر تلبس سواريه أسود بس .. لازم نشوه الفستان بكل الألوان و إلا ما صار فستان سهرة ..

أنجلينا جولي .. بفستان جدا تقليدي من إيلي صعب، الحلو فيه غير أنه أسود هو الشيفون الي على الفتحة عاطيه شكل وااااو .. بس كالعادة أنجلينا مو دها تزين شعرها زي الأوادم .. لازم تشوه الأشياء (إيلي صعب صراحة هو اللبناني الوحيد الي اشتغل كويس، جورج شقرا، زهير مراد يخ)


بوش فيكي بفستان من تصميمها يكفيه أنه أسود .. من دون تعب كثير ..

































روبين رايت بين .. زوجة شون بين بلبس أسود ذووووووق من مونيك لولير، ممكن عادي من قدام رغم أنه ما يشترط جسم معين زي الي لابسته فيكتوريا، هذي ميزة الأسود تنحفك .. تفخمك .. و تعطي فرصة للمجوهرات و التسريحة إنها تطلع .. لكن من ورا حلو .. حلو .. حلو خصوصا مع الشريطة الساتان المعقودة ..

.

OSCAR '09 .. الستر زين :)

الهندية فريدا بينتو حقت Slumdog Millionaire شايفة نفسها، هي نعومة و ذوقها حلو .. بس لو أعرف كيف تجيب ملابسها .. يعني معقولة أول مرة تطلع للناس بالقولدين لابسه لاكوا؟!!

اليوم للأوسكار لابسه لبس حلو من جون جوليانو .. بس هو حلو أكثر يوم كان على الكاتووك .. لأن فكرته بقماشه الرهيف مرة .. و النقشات .. طبعا فريدا ما تقدر تطلع بالأصلي و إلا كان اندفنت بالهند .. و هو صراحة ما ينطلع فيه .. بس لو إنها ما بطنته بنفس اللون كان خلته مثلا لحمي بيطلع أحلى بكثيييير

الفستان بعروض جون جوليانو لربيع 2009


و هنا بالأوسكار على فريدا بعد ما مر على الرقيب P:

OSCAR '9 .. Jenny Déjà Vu

ما أدري إذا هذا ديجا فو .. و إلا جينيفير أنستون عارفه إن براد بيجي مع العجوز "أنجلينا" هي أصغر من أنستون بس شكلها عجوز .. و تبغى تقهره و تذكره بآخر لوك طلعت معه فيه .. و أنها لسا شابة ..

على اليمين جنيفر بمهرجان كان 2004 مع براد ببريمير فيلم تروي .. و على اليسار جنيفر بأوسكار 2009

OSCAR '9 .. The End of Fashion

يبدو أنه بنظر زهير مراد إن فستان ماغيون كوتيارد السنة الي فاتت في الأوسكار .. كان هو الشكل النهائي للموضة .. فقرر أنه يعني نقدر نقول يقلده شوي مع "لمسات شرقية" تعرفون دايم يقولون "الزوء الشرئي" و كأننا عميان نحتاج الأشياء تكبر .. و تجلف ..

2008

2009 برؤية زهير مراد .. حراشف أكبر .. بعدين وش الفكرة التقليدية أنه حورية البحر اللبس ماسك عليها .. طب بالألفية الجديدة ما نفكر نخلي حورية البحر تلبس كلوش؟!!! و مو حورية البحر طالعة من البحر .. يعني لازم يكون متعلق فيها أصداف (شوفوا الحزام).

* تحديث: هذا موقع يطلع إن زهير مراد ناسخ الموديل من فستان لديور 1949 (أشنع)

OSCAR '9 .. Furniture Muses

أنا أسمع الي مهتمين بالموضة يقولون أنه الريدكاربيت يحدد الموضة .. أعتقد أنه في ممثلات مو بس بيحددون موضة الملابس .. لكن تأثيرهم بيوصل للأثاث بعد ..

بيونسيه صح أنت حلوه .. و حلوه مرة .. بس الي عليك تراه قماش كنبات .. و قصته كأنه ستارة ..

اللبنانيين صدقوا أنفسهم حبتين صح الناس صارت تلبس لكم .. بس عاد مو تنهبلون .. مايلي بفستان لزهير مراد يصلح بعد ناموسية لسرير عرايس ..

أشك إن إمي آدمز سارقة ستارة الصالة حقتنا .. خصوصا إننا مسافرين اليومين الفاتوا ..

OSCAR '9 .. Anne Hathway Loves People mag

شكل آن هاثوي تحب مجلة بيوبل .. أو إنها نست تشتري فستان .. و قلبت المواقع و ناظرت أختيار بيوبل للبس الي بتلبسه بالأوسكار.. أو آخر خيار إنها تشجع الدموقراطية، لدرجة تخلي الناس يصوتون على وش المفروض تلبس .. لأنها لبست الي فاز بالتصويت .. :)

هنا صورة للتصويت الي كان قبل أسبوع و كان الخيار بين ماركيزا بالعاجي و الأسود .. أو أرماني بريفي بالفضي .. أنا حقيقة حسيت أنه حق ماركيزا أنسب لها خصوصا أنه الفساتين الي كلها نفس الضيق ما تطلعها حلوة، يعني لو كانت لابسه فستان من فوق ضيق و من تحت واسع كان أعطاها خصر .. لكن بالنهاية اختارت الي صوتوا عليها ناس أكثرp:



الفستان مو شين .. بس مو ذاك الزود و لا يصلح علي قصيرات .. و بصراحة شكله من ورا أحلى بكثير من قدام .. :) خصوصا مع الحجر الأسود هذا ..

OSCAR '09 Dior scandal

ما أعرف كيف أبدأ صراحة .. لكن راح أنزل أكثر من تغطية .. الفساتيين ما تفتح النفس و ياشين الي يأمل أن الموضة صارت حلوة لدرجة الي ما يعرف يلبس بيلبس .. يمكن أكثر شي إثارة لحد الآن هو أنه سارا جاسيكا باركر الي مهتمة بالموضة .. و ماغيون كوتبارد الي فازت بالأوسكار الي فات .. و صديقة ديور لابست نفس اللبس بس الألوان مختلفة .. أتوقع أول مرة تصير .. "أشوا إني ما رحت السسنة هذي لا يطلع أخد زيي" :)

الي على اليمين المفروض أنه لبس ماغيون .. "رانواي" و الي على اليسار ماغيون بالأوسكار و بعد التعديلات ..

هنا الي على اليمين العارضة كمان من مجموعة ديور خريف 2009 و على اليسار سارا بالأوسكار و الفستان بعد التعديلات ..

بالنهاية
صار عندنا فستان واحد و لونين مختلفات .. قولولي أنتم وش تشوفون أحسن

spirt awards '09

هذا اليسمونه المقبلات أو يمكن صباحية الأوسكار، الناس تلبس فيه ملابس خفيفة و بسيطة قبل الغزان فينالي .. الي راح يكون اليوم بتوقيت الساحل الغربي بأمريكا .. و بكرا بتوقيت مكه .. طبعا هو بيكون التسخين حقي قبل ما أنزل شرشحة بالأوسكار ..

آن هاثوي ما أدري وش تبغى بهذا اللبس صراحة كأنه مريلة مطبخ، الي يخفف التهزيء أنه لبسها مو دايم شين .. شكلها مغبية شي للأوسكار، يعني لو ما لبست زين صدق بسفل فيها .. الشي الثاني لله شعرها دايم نظيف. بس ما أدري من الي عنده استعداد يغزي أمريكا عشان يعلمهم شي أيمه حلاوه .. رجولها دايم وسخه.

كلير دانيس بلبس و لوك بشكل عام حلو مرة .. ما أعرف الشي الي على رقبتها تابع للفستان و إلا هي الاختارته .. هذا اللبس يمكن من أحسن اللبس الي شفته على كلير من سنة لسببين أنه عصلا بزيادة .. و الشي الثاني أصلا الملابس مو حلوة ..

صرااااااااحة ..... يع :) وشو هذا بعدين "بني على بني" الفستان من فوق تقل تي شيرت سبور .. البلوفر قرف سوت خير إنها فاسخته .. مع ذلك كان أستر لها يعني صراحة أعضادها ما تفشل .. قود لك برثلونا على اللبس .. ممكن بكرا تفوزين بالأوسكار بس لا تنسين تلبسين لبس حلو تراك بتطلعين قدام العالم .. و بعدين وش صار عالغرة الي بالبافتا؟ لا تقولين إنجليزي وقح تطنز فيك .. p:

يا ناس على الي كل ما كبروا صغروا .. جاسيكا ألبا طالعة من شهرين كأنها عروسة .. و أحلى من بنتها حتى .. شعرها نظيف و مرتاح ..المكياج نظيف و اللبس نظيف ..

أحسن شي هذي و أختها يوفرون علي الواحد شرح أشكالهم .. من دون ما تشوفهم .. حزر شعور مشرشحة يعني أحلم تشوفهم بشانون ملموم .. كل الإكسسوارات الي بالبيت على يدينهم .. بس الي محيريني يعني ما شا الله أصلا أكتافهن كأنها لوح ليه تلبسين كتافات .. يعني أنت ما تعرفين إن الرقبة نعمة؟!!!


وااااااااااو .. هذي الي يقولون عنها تطيح الطير من السما .. من الصرع :) وشو هذا؟ ترانا مو ببيجاما بارتي ؟!!!


تحيا الحرية .. كاميرون دياز بلبس سجون .. خصوصا أنه كثير من السيلبرتي صاروا يروحون للسجن .. عشان كذا طلعنا لهم لبس يصيرون فيه "ستايلش" :)

* بنجيب التحديثات بعدين .. يعني مراكات الفساتين و ما إلى ذلك ..

Jewelry .. Jewelry .. I love jewelry

بتتلاعب بأعصابي دخلني تيفاني أو اسبري .. و أنهار خصوصا عند المجوهرات التقليدية، يعني ممكن أتنازل عن كل مبادئ بس جيب لي سوارة آرت ديكو .. :) أو عقد فيكتوري ..

تكلمت كثير عن ديتا فون تيس و ذوقها الكلاس .. قدام مجوهراتها أكره ملابسها و أحس إنها رخيصة :) .. أتمنى لو إنها جدتي عشان أرثها، و تتأكد إني باكون أحسن حفيدة لها .. :) ما راح أطول عليكم و باعرض الصور لكم عشان أحرقكم زي ما أنا أحترق p: ..

ما تحترمون الزمرد؟ .. أنا أحترمه أحس أنه ما يعجّز أبد و يقولك أنت "غني"

عاد بذمتكم مو هذا طالع من التاريخ .. شوفوا شلون لون الذهب .. هذا لو كان عندي ما لبست معه شي من قد ماهو يخوف p:

أعتقد هذا العقد ممكن يخلي إليزبيث تتخلى عن كل مجوهرات التاج البريطاني مقابله :)


ما أعرف وش قصتها مع العقود هذي الي تخلي الواحد يحس أنه إلا الآن ما عنده مجوهرات صدقية .. مع الأوركيدات الي طالعة من العقدة أعتقد أنه كارتيه ..

ٌإلى الآن هذا أرخص شي .. بس ممكن أتقاتل مع وحده علشانه، هذا الحلق إلبسه مع أي شي و يخليك حلوه .. و صدقيني ما راح أحد يعرف وش الي مخليك حلوه .. بس شكلك بيتغير ..

can i say woooow هذا الي أقول عنه سوارة آرت ديكو حقيقية .. يعني الي عنده شي مثلثات و مربعات حتى لو كان كله ألماس و يظن أنه آرت ديكو .. بيحقر نقسه عند هذي ..

أتمادت صح؟!!! يعني علشانا ما نقدر عليه تلبسه قدامنا .. متدري أنه بعيوننا P:

دايم كنت أقول مين الي جا ببال أنه يعلق شي بالشحمة الي طالعة من أذاننا .. الحين ودي أبوس راسه أنه خلى ناس عبقرية تحط حيلها بهذا المكان الصغير عشان نعرف قد إيش المجوهرات نعمة :)

هذي الصورة حطيتها علشان الله يخليكم لو شفتوها مرة ثانية وقفوها تراها سارقة بروشي .. :)

مواضيع ذات صلة:

Jewelry .. Jewelry .. I love jewelry

حسانيكم في شعوركوم لو كنتم تعلمون ..

أعرف إني قديمة :) بس و الله لسا كمبيوتري خربان و أنتظر أحد يتنعم علي .. بس قررت أكتب و أتنازل عن الزكاريش الي كنت حاطتها، يعني صور قص لصق :)

نرجع للعنوان جدتي تقول "حسانيكم في دوركم لو كنتم تعلمون" .. و أظن أنها تحسب أنه قرآن أو حديث :) ما علينا أنا حرفت بحديث جدتي اللهم إنس أسألك السلامة و العافية .. بس و الله الوضع المزري الي تعاني منه شعور أكثر العالم يجيب لي الغمته .. ناس ناسية اسباحة، و ناس ما تخاف الله بشعرها ناسية المشط، و ناس كأن الشعر ما يحس لما تعامله كأنه بأبو غريب علشان تسوي أقبح حركه شفتها بالعالم أسمها "بف" ..

ما يحتاج أقول عن الصبغات القبيحة .. و القصات القديمة .. و القصات الي ما تناس الوجيه ..


* أول شي لو سمحتوا لا تقولون "شلال" "فراولة" "شايقي" بالمشاغل و إلا باقتل الي يقولها ..

* لو سمحتي لا تقصين زي ما قصت صديقتك .. لأن وجهك غير، نوعية شعرك غير .. و لون وجهك و شعرك غير .. يعني ناظري الي يناسب وجهك و شعرك وش الي يناسبة .. و إذا كنتي ما تقدرين تفكرين .. أختاري مشغل محترم تقدرين تقولين للكوفير فيه وش القصة الي تناسبني و لا ياخذ من شعرك خصل يقاله أنقص و تقص عليك ذيك القيمة و هي بشعتك ..

* حبيتي لا تفكرين بشعرك مستشور .. فكري فيه بأسوء حالته .. بأننا كثير نطلع حلوين من المشغل و بس نسبح نتورط بالشكل الجديد ..

* رجاء إذا كنتي تحبين الشعر الطويل ألتفتي له شوي و قصي أطرافه، و بعدين ما أفهم حكاية الشعر الي أطول من نص الظهر ؟! و بعدين أنت داخلة موسوعة قنس؟ لأطول شعر أطول من نص الظهر يقصر الوحده .. يوجع الفروة .. و يورطك عند التسريح و يحوم الكبد عند الفك .. هذا إذا هم يفكونه (تعرفون لا يجيها عين) يحسبون أني باعين شعر مقرف .. يعني بالنهاية ليه يطول؟



نجي الحين للأمثله بنبدأ بالمقرفين ..


لندسي لوهان .. و الله خاطري أكفر فيها كفر، إلا هذا شعر لون قرف .. طول يجيب المرض .. و لا يساعد على أي تسريحة.

أترك التعليق لكم كأنه بدت تقص شعرها، و صرخت أمها على الكوفيير وقالت و الله ما تقصرينه ..

هذي صدق الي تورطت بالقصة .. ريانا قصتها تجيب القرف .. و كأن ما في شي أسمه فرد، طيب يا عالم مو حرام عندك الوصل وصلي شعرك و لا تخلينه كذا نافش ..

هذي المخلوقة مثال علي كل شي غلط .. و الله لو تسوي شي صح .. عليها صار غلط ..يعني تدخلين ملايين مو قادرة تقصين أطراف شعرك عند كوافيير .. أو تروحين له إذا كان فيه إيفنت يعني ما يصلح تجففينه بالمجفف و تجين .. شوفوا المنابت و تعرفون إن المرة هذي صدق لاجئة

الحين نجي للقصات المحترمة .. بنبدأ بالأقصر ..

فيكتوريا يمكن بأحسن قصة شعر لها .. و أنا أقصد أنها مناسبة لها أحلى بكثير عليها من البوب مع إنها يمكن من أول الناس الي قص القصة .. طلعت عظام وجهها .. شعرها كان دايم لاصق .. القصة هذي ما صارت مشكلة نعومة شعرها الشديدة ..

كايتي .. أيوه كايتي .. مرة عاشرة قصة قصيرة تصلح للشعور الناعمة و خفيفة مع الوجيه المربعة .. أحسن شي بهذي القصة إنها ما تحتاج جهد أي شكل ياخذه الشعر تصير حلوه و ناعمة .. لأن الخصل مو متساوية


القصتين هذي ما تحتاج أي شروط بس واحد واثق من نفسه و يقدر يتعامل مع شعره ياحترام ما يعذبه ببف و خربيط .. ممكن تكون الغرة خيار صعب لبعض الناس .. يكون لهم خيار ثاني من دون غرة .. حلوه باستشوار و من دونه .. ما تورطك لما تبغين تسوين تسريحة .. يعني قصيها و بس .. :)



آخر تحذير هذه القصات جميعها لمن فوق ١٤ سنة .. يعني مو قصات أطفال ترا البوب و الشعر القصير مرة مو قصات أطفال يا ناس