حسانيكم في شعوركوم لو كنتم تعلمون ..

أعرف إني قديمة :) بس و الله لسا كمبيوتري خربان و أنتظر أحد يتنعم علي .. بس قررت أكتب و أتنازل عن الزكاريش الي كنت حاطتها، يعني صور قص لصق :)

نرجع للعنوان جدتي تقول "حسانيكم في دوركم لو كنتم تعلمون" .. و أظن أنها تحسب أنه قرآن أو حديث :) ما علينا أنا حرفت بحديث جدتي اللهم إنس أسألك السلامة و العافية .. بس و الله الوضع المزري الي تعاني منه شعور أكثر العالم يجيب لي الغمته .. ناس ناسية اسباحة، و ناس ما تخاف الله بشعرها ناسية المشط، و ناس كأن الشعر ما يحس لما تعامله كأنه بأبو غريب علشان تسوي أقبح حركه شفتها بالعالم أسمها "بف" ..

ما يحتاج أقول عن الصبغات القبيحة .. و القصات القديمة .. و القصات الي ما تناس الوجيه ..


* أول شي لو سمحتوا لا تقولون "شلال" "فراولة" "شايقي" بالمشاغل و إلا باقتل الي يقولها ..

* لو سمحتي لا تقصين زي ما قصت صديقتك .. لأن وجهك غير، نوعية شعرك غير .. و لون وجهك و شعرك غير .. يعني ناظري الي يناسب وجهك و شعرك وش الي يناسبة .. و إذا كنتي ما تقدرين تفكرين .. أختاري مشغل محترم تقدرين تقولين للكوفير فيه وش القصة الي تناسبني و لا ياخذ من شعرك خصل يقاله أنقص و تقص عليك ذيك القيمة و هي بشعتك ..

* حبيتي لا تفكرين بشعرك مستشور .. فكري فيه بأسوء حالته .. بأننا كثير نطلع حلوين من المشغل و بس نسبح نتورط بالشكل الجديد ..

* رجاء إذا كنتي تحبين الشعر الطويل ألتفتي له شوي و قصي أطرافه، و بعدين ما أفهم حكاية الشعر الي أطول من نص الظهر ؟! و بعدين أنت داخلة موسوعة قنس؟ لأطول شعر أطول من نص الظهر يقصر الوحده .. يوجع الفروة .. و يورطك عند التسريح و يحوم الكبد عند الفك .. هذا إذا هم يفكونه (تعرفون لا يجيها عين) يحسبون أني باعين شعر مقرف .. يعني بالنهاية ليه يطول؟



نجي الحين للأمثله بنبدأ بالمقرفين ..


لندسي لوهان .. و الله خاطري أكفر فيها كفر، إلا هذا شعر لون قرف .. طول يجيب المرض .. و لا يساعد على أي تسريحة.

أترك التعليق لكم كأنه بدت تقص شعرها، و صرخت أمها على الكوفيير وقالت و الله ما تقصرينه ..

هذي صدق الي تورطت بالقصة .. ريانا قصتها تجيب القرف .. و كأن ما في شي أسمه فرد، طيب يا عالم مو حرام عندك الوصل وصلي شعرك و لا تخلينه كذا نافش ..

هذي المخلوقة مثال علي كل شي غلط .. و الله لو تسوي شي صح .. عليها صار غلط ..يعني تدخلين ملايين مو قادرة تقصين أطراف شعرك عند كوافيير .. أو تروحين له إذا كان فيه إيفنت يعني ما يصلح تجففينه بالمجفف و تجين .. شوفوا المنابت و تعرفون إن المرة هذي صدق لاجئة

الحين نجي للقصات المحترمة .. بنبدأ بالأقصر ..

فيكتوريا يمكن بأحسن قصة شعر لها .. و أنا أقصد أنها مناسبة لها أحلى بكثير عليها من البوب مع إنها يمكن من أول الناس الي قص القصة .. طلعت عظام وجهها .. شعرها كان دايم لاصق .. القصة هذي ما صارت مشكلة نعومة شعرها الشديدة ..

كايتي .. أيوه كايتي .. مرة عاشرة قصة قصيرة تصلح للشعور الناعمة و خفيفة مع الوجيه المربعة .. أحسن شي بهذي القصة إنها ما تحتاج جهد أي شكل ياخذه الشعر تصير حلوه و ناعمة .. لأن الخصل مو متساوية


القصتين هذي ما تحتاج أي شروط بس واحد واثق من نفسه و يقدر يتعامل مع شعره ياحترام ما يعذبه ببف و خربيط .. ممكن تكون الغرة خيار صعب لبعض الناس .. يكون لهم خيار ثاني من دون غرة .. حلوه باستشوار و من دونه .. ما تورطك لما تبغين تسوين تسريحة .. يعني قصيها و بس .. :)



آخر تحذير هذه القصات جميعها لمن فوق ١٤ سنة .. يعني مو قصات أطفال ترا البوب و الشعر القصير مرة مو قصات أطفال يا ناس