السبت، 21 فبراير 2009

بتتلاعب بأعصابي دخلني تيفاني أو اسبري .. و أنهار خصوصا عند المجوهرات التقليدية، يعني ممكن أتنازل عن كل مبادئ بس جيب لي سوارة آرت ديكو .. :) أو عقد فيكتوري ..

تكلمت كثير عن ديتا فون تيس و ذوقها الكلاس .. قدام مجوهراتها أكره ملابسها و أحس إنها رخيصة :) .. أتمنى لو إنها جدتي عشان أرثها، و تتأكد إني باكون أحسن حفيدة لها .. :) ما راح أطول عليكم و باعرض الصور لكم عشان أحرقكم زي ما أنا أحترق p: ..


ما تحترمون الزمرد؟ .. أنا أحترمه أحس أنه ما يعجّز أبد و يقولك أنت "غني"

عاد بذمتكم مو هذا طالع من التاريخ .. شوفوا شلون لون الذهب .. هذا لو كان عندي ما لبست معه شي من قد ماهو يخوف p:

أعتقد هذا العقد ممكن يخلي إليزبيث تتخلى عن كل مجوهرات التاج البريطاني مقابله :)


ما أعرف وش قصتها مع العقود هذي الي تخلي الواحد يحس أنه إلا الآن ما عنده مجوهرات صدقية .. مع الأوركيدات الي طالعة من العقدة أعتقد أنه كارتيه ..

ٌإلى الآن هذا أرخص شي .. بس ممكن أتقاتل مع وحده علشانه، هذا الحلق إلبسه مع أي شي و يخليك حلوه .. و صدقيني ما راح أحد يعرف وش الي مخليك حلوه .. بس شكلك بيتغير ..

can i say woooow هذا الي أقول عنه سوارة آرت ديكو حقيقية .. يعني الي عنده شي مثلثات و مربعات حتى لو كان كله ألماس و يظن أنه آرت ديكو .. بيحقر نقسه عند هذي ..

أتمادت صح؟!!! يعني علشانا ما نقدر عليه تلبسه قدامنا .. متدري أنه بعيوننا P:

دايم كنت أقول مين الي جا ببال أنه يعلق شي بالشحمة الي طالعة من أذاننا .. الحين ودي أبوس راسه أنه خلى ناس عبقرية تحط حيلها بهذا المكان الصغير عشان نعرف قد إيش المجوهرات نعمة :)



هذي الصورة حطيتها علشان الله يخليكم لو شفتوها مرة ثانية وقفوها تراها سارقة بروشي .. :)

مواضيع ذات صلة:

Jewelry .. Jewelry .. I love jewelry



هناك تعليق واحد:

  1. ترا ما اقول لا اذا احد جاب لي هديه العقد الي بالصوره الثالثه..
    او الحلق الي بالصوره الخامسه او اي شي فيه لولو ما اشترط شي الا انه يكون فخم:>:>

    ردحذف