Black "or" White

من موسمين (صيف 2013 و بعدها خريف 2013) كثير من الملابس لونها أسود و أبيض. صح بملابس الصيف أغلبها كان الأسود و الأبيض كلهم موجودين بنفس القطعة، لكن بمجموعات الشتاء (كل واحد راح بطريق لحاله :)). المهم كالعادة (عندي) أحب أسوي سباق ريد كاربيت مين اللي يفوز، لأني أعتقد إن اختيارات السلبرتي للريد كاربيت كثير تحدد أي موضة بتنتشر أكثر. 

أظن اللونين هذي من أسهل الألوان لبس (صح سهلة) بس ممكن تكون نقمة و تخرب كل اللبس لأنه بسهولة تتحول لقطع مملة. علشان كذا أعتقد أنه حتى مع سهولته، تحتاج "ذكاء" بالاختيار علشان ما تتحول كأي فستان أسود أو أبيض. 

نرجع مرة ثانية للريد كاربيت. شخصيا أعتقد أنه بيفوز الأسود على الريد كاربيت، علشان نكون صريحين مو كل السلبرتي يعرفون يلبسون، فبينبسطون إن قدامهم كل هذي الخيارات من الفساتين السوداء علشان ما يتعقدون بالإختيار. أنا شخصيا أتمنى أشوف فساتين بيضاء أكثر لأن أعتقد أنه أصعب باللبس، تحتاج الإكسسوار المناسب و إلا بتطلع بايخة، مو زي الأسود يقدر يتحمل قدر كبير من الأخطاء، يعني ممكن تختارين معاه أكسسوارت خطأ، بس إذا هو أنيق، يقدر يغطي على خطأ الأختيار (له حضور). 

أعرف إني قاعدة أخربط كلام ماله داعي، لكن خلاصة الأمر، وش تعتقدون بينلبس أكثر، وش تحبون تشوفون أكثر على الريدكاربيت، الأبيض أو الأسود؟

And long shirt underneath

أحس من زمان ما كتبت عن دايان كروقر، يمكن لأن عندي قناعة إن دايان لو قامت من النوم يوم و لا لقت ملابس حلوة، بتنتحر. قلت لكم أكثر من مرة، صح إني أكتب عن الموضة، بس مو هذا أهم شيء بالحياة :) المهم دايان كانت أمس موجودة بمهرجان برلين السينمائي "برليناليه"، أعتقد علشان فيلمها الجديد اللي تمثل فيه دور ماري إنتطوانيت. للبريمير دايان لبست من عرض جامباتيستا فالي كتو ربيع 2012، لكن مو هذا هو اللوك اللي أعجبني مرة. قبل البريمير للفوتو كول دايان جت و هي لابسة من 10 كروسبي ديريك لام.

اللبس كان بالعرض كذا، لكن ما أعرف هو أساسا شيرت دريس و ديريك حط معاها التنورة، أو أنه كله مخيط على بعضة، و الفستان قطعة وحدة، بكل الأحوال أنا حابة مرة فكرة الطرف اللي طالع من تحت التنورة، ما أعرف أحس إني شفتها بمكان ثاني (عروض ثانية)، بس عجزة أدور :) ....
بالنسبة لي هذا الشيء اللي كنت أنتظر إني أشوفه على الريد كاربيت (مو أنه فستان طالع من تحت التنورة) بس لوك كذا يخليني ودي الحين ألبس بنفس طريقتها ... أعجبني كل شيء باللبس من ألوانه، الطبعات، و التنورة المقلمة، بعد أعجبني شعر و مايك اب دايان، و أهم شيء تمنيت لو إني غنية علشان أشتري زي صنادل جوزبي زانوتي الماسترد هذي اللي لابسته (شكله بيكون هذا هدفي لعام 2012 :) (هنا صورة مقربة للجزم).

شرايكم بدايان؟ و وشرايكم بفكرة فستان طالع من تحت التنورة؟

The Great Kirsten Dunst

تعرفون إني أحب كيرستين دونست، و أحب ستايلها. السنة هذي كيرستين كان عندها أكثر من فيلم، فكانت موجودة بمناسبات كثيرة، و لأني أعرف إني ما أكتب بس لنفسي، رحمتكم، و لا كتبت عن كل لوك طلعت فيه، لكن ما أظن أقدر أتحمل تخلص السنة، و أنا ما تكلمت عن كثير من ملابسها اللي أعجبتني. 

المجموعة الأولى من الملابس هي لكيرستين بالشارع، أحب عندها اختيار الألوان (دائما محايدة و قليلة، و بسيطة)، و نفس الكلام ينطبق على القطع اللي تلبسها. 

من اليسار كيرستين لابسة شورت وردي من إيزابيل مارون و سويتر رمادي (قلت لكم أكثر من مرة إني خاطري بسويتر رمادي)، باللوك اللي على اليمين عاجبني أنه ألوان الأشياء تقريبا كلها بتصير بيضاء، تنورة جينز فاتح، قميص وردي فاتح و شنطة نود. الفستان الثاني اللي من اليمين أعجبني نقشاته (كبروا الصورة علشان تشوفون أوضح)، أعجبتني الجزم الكلوي اللي لابستها. 

زي ما قلت لكم كيرستين على الريد كاربيت و بالشارع كانت حلوة مره. و لما قلت لكم عن "الثانية"، اللي كانت لابسة من دولتشي آن قابانا مجموعة ربيع 2012، اللي عليها خضار لما تتكلمت عن فليستي جونز هي كيرستين دونست. فستان الطماط هذا سرق لي قلبي :). اللبس اللي بعده التنورة من شانيل، و التوب من برادا كلهم ريزورت 2012، صحيح الشكل مره كلاسيكي لكن مع المايك آب حقها طالع حلو. آخر فستان من ديريك ليم، غير إني أحب الفساتين البسيطة، عجبني كيف أضافت كيريستين لها هذي الشنطة اللي عليها مجوهرات ثقيلة.