من موسمين (صيف 2013 و بعدها خريف 2013) كثير من الملابس لونها أسود و أبيض. صح بملابس الصيف أغلبها كان الأسود و الأبيض كلهم موجودين بنفس القطعة، لكن بمجموعات الشتاء (كل واحد راح بطريق لحاله :)). المهم كالعادة (عندي) أحب أسوي سباق ريد كاربيت مين اللي يفوز، لأني أعتقد إن اختيارات السلبرتي للريد كاربيت كثير تحدد أي موضة بتنتشر أكثر.
أظن اللونين هذي من أسهل الألوان لبس (صح سهلة) بس ممكن تكون نقمة و تخرب كل اللبس لأنه بسهولة تتحول لقطع مملة. علشان كذا أعتقد أنه حتى مع سهولته، تحتاج "ذكاء" بالاختيار علشان ما تتحول كأي فستان أسود أو أبيض.
نرجع مرة ثانية للريد كاربيت. شخصيا أعتقد أنه بيفوز الأسود على الريد كاربيت، علشان نكون صريحين مو كل السلبرتي يعرفون يلبسون، فبينبسطون إن قدامهم كل هذي الخيارات من الفساتين السوداء علشان ما يتعقدون بالإختيار. أنا شخصيا أتمنى أشوف فساتين بيضاء أكثر لأن أعتقد أنه أصعب باللبس، تحتاج الإكسسوار المناسب و إلا بتطلع بايخة، مو زي الأسود يقدر يتحمل قدر كبير من الأخطاء، يعني ممكن تختارين معاه أكسسوارت خطأ، بس إذا هو أنيق، يقدر يغطي على خطأ الأختيار (له حضور).
أعرف إني قاعدة أخربط كلام ماله داعي، لكن خلاصة الأمر، وش تعتقدون بينلبس أكثر، وش تحبون تشوفون أكثر على الريدكاربيت، الأبيض أو الأسود؟
على الناس الفاشنبل احب الابيض لانهم يخلونه حلو وعلى الناس الثانين اعتقد انه احسن لو يلبسون اسود ماممكن تغلط معاه.. واعتقد اني بشكل عام افضل الابيض على السمر او السود او البيض اللي شعورهم حمر
ردحذفممكن البسهم مع بعض غير كذا انا قبل كنت اعشق الفساتين السوداء كلن صار يعلق علي فجاة جاني شيء صرت ما احبها لانها بجد ممله الا اذا كان التصميم مميز وغريب..
ردحذفواحب الابيض مع الذكاء بلبس لاني احسه احيانا يسمن ..
نسيت فقرة أنه يسمن، علشان كذا أظن أنه على عكس الأسود، موديله يفرق فيه بقوة.
حذف