من يتخيل أنه فيه شيء من كيم كرداشيان ممكن يعجبني!! الشيء اللي باتكلم عنه ماله شغل بحملها (علشان أريحكم من البداية). بالمناسبة ستايل حملها كل مرة أشوفها بلبس يستفزني إني أكتب عنه، لكن أتراجع باللحظة الأخيرة، و أقول "بالطقاق".
كيم للمرة الثانية تعرض مجموعة من أغراضها للبيع على إي باي، و صراحة اللقافة وحدها هي اللي خلتني أفتش بالأشياء اللي عارضتها، و الشيء المثير (على الأقل بالنسبة لي) لقيت أشياء حلوة، و ممكن الواحد يفكر يشتريها.
بالبداية، علشان أكون صادقة معاكم مو بس هذي الأشياء اللي تستحق أنه أحد يفكر يشتريها من عندها، لكم هذي أكثر شيء آثارني. بالمقابل في أشياء بايخة مرة.
أول شيء أعجبني هي هذي الجزمة المخمل من دولتشي آن قابانا. حاولت أقاوم أعجابي علشانها بس من كيم، لكن ما قدرت، لكن كويس لميزانيتي إنها مو بمقاس رجلي. الكعب محطوط للمزايدة ب .99 بينس لكن أظن لوقت ما كتبت هذا الكلام وصلت 15 دولار و باقي تقريبا 8 أيام.
الشيء الثاني اللي عجبني هو فستان أليكساندير ماكوين، الفستان كأني أتذكر إني شفته عليها (مو متأكدة)، لكنه فستان مرة حلو، و لا هو فستان موضة و ينتهي (أسود و ذهبي) يعني متى صاروا موضة قديمة.
آخر شيء هو هذا الجاكيت البايكر الأخضر من ريك أوينز تعرفون إني أحب البايكر، و بشكل عام أعتقد إن جاكيت جلد المفروض أنه يكون قطعة أساسية بدولاب أي أحد، علشان كذا أعتقد أنه الجاكيت هذا بيكون "صيد" حلو لو أحد قدر يحصل عليه (صح سعره من الآن مو رخيص بدأ بنفس السعر .99 بينس و الحين 255 دولار، لكنه أكيد أرخص من جاكيت بايكر جديد لريك أوينز.
هنا تلقون باقي الأشياء (فيه ساعات "كارتيه" و شنط "شانيل")، لو مهتمين و أعتقد كلها بتخلص بعد تقريبا 8 أيام.
طيب الجزمة مقاسي مين يجيبه لي :(؟
ردحذف