من الأشياء اللي صايرة أحبها إني أجرب المكياج و العطورات بسيفورا، ثم أروح و أشتريها من الموقع (أعرف إن اللي يقرأ الكلام هذا ممكن يقول: من فين أذنك يا جحا). بس الشيء اللي يخليني أسوي كذا، هو لما أطلب من الموقع قبل لا خلاص أدفع، يخيرني إذا أبغى عينات (حد أقصى 3). شخصيا هذي هي هوايتي المفضلة، أهم شيء إنها تغنيني عن قولة: ما عندكم هدايا؟ اللي كنت أقولها كل ما شريت من محل مكياج و عطور.
السبب اللي يخليني أحب العينات، إني أولا أنا اعتبرها هدايا، فلازم أفرح بها :). الشيء الثاني العينات تخليني أجرب أشياء أغلب المرات ما أفكر أشتريها. إما لأنها غالية و لا أنا مستعدة أشتري شيء غالي علشان أجربه، أو إنها أشياء ما قد فكرت أشتريها لأني ما أستخدمها أصلا. فتكون العينة فرصة إني أتعرف على هذي الأشياء و أجربها قبل لا أفكر أشتريها.
الشيء اللي باقوله، إذا كنتوا مهتمين تعرفون رأيي بالعينات اللي تآصلني، لو مهتمين تعرفون رأيي فيها، بتكون الكتابة عنها كل فترة و فترة، يعني مو بشكل دوري، أولا لأني مو طول الوقت أشتري من سيفورا أو مكياج و عطورات، الشيء الثاني، لما تآصلني هذي الأشياء، الأغلب ما راح أجربها كلها مرة وحدة. زي ما قلت لكم لو مهتمين علموني، بأكون مبسوطة إني أشارككم التجارب هذي.
ليست هناك تعليقات:
إرسال تعليق