الخميس، 21 مارس 2013

Funny Men

أعرف قليل أتكلم عن الملابس الرجالية هنا، مع إني أحبها. السبب اللي يخليني ما أتكلم هو لأنها مو لبسي (ممكن ألبس قطع رجالية) لكن ما راح أكتب عن شيء ما أسويه أو ما جربته (على الأقل مو طول الوقت). المهم اليوم هو من المرات "القليلة" اللي باتكلم فيها عن اللبس الرجالي، أو بالأصح عن رجال مو عن لبسهم (علشان نكون دقيقين).



مجلة جي كيو (للي ما يعرفها هي مجلة رجالية) المهم بعددها الأخير لشهر أبريل، مسوية غلافين الأول لجيمي فالون (للي ما يعرفه هو مقدم برامج و كوميدي أمريكي)، و الغلاف الثاني لجايسون بيمان (بعد للي ما يعرفه ممثل "كوميدي" أمريكي). 
آعرف أن اثنينهم متزوجين (الله يوفقهم P:) لكن إذا فيه نوعية من الرجال أفضلها، فهم الناس اللي زيهم، ظريفين، و لا يمنع أنهم "good looking". 
جيمي طالع بمقال عنه، بالضبط عن مسيرته المهنية، جايسون فيه مقابلة معاه عن أشياء كثيرة منها فيلمه الأخير Identity Theif (بالمناسبة الفيلم ظريف لو تبغون تشوفونه).
كل الإثنين لهم إيدتوريال بالمجلة، تقدرون تشيكون عليها هنا و هنا مع المقال و المقابلة. أقدر أقول (مع أنه الاثنين مو مرة عجبوني) لكن الملابس بإيدتوريال جايسون بيمان أحلى (دايم أميل للسمارت كاجوال لما يجي الموضوع لملابس الرجال). 

* ملاحظة جانبية بايخة: مو كأن رجلين جايسون مرة كبيرة؟