الاثنين، 12 ديسمبر، 2011

The Great Kirsten Dunst

تعرفون إني أحب كيرستين دونست، و أحب ستايلها. السنة هذي كيرستين كان عندها أكثر من فيلم، فكانت موجودة بمناسبات كثيرة، و لأني أعرف إني ما أكتب بس لنفسي، رحمتكم، و لا كتبت عن كل لوك طلعت فيه، لكن ما أظن أقدر أتحمل تخلص السنة، و أنا ما تكلمت عن كثير من ملابسها اللي أعجبتني. 


المجموعة الأولى من الملابس هي لكيرستين بالشارع، أحب عندها اختيار الألوان (دائما محايدة و قليلة، و بسيطة)، و نفس الكلام ينطبق على القطع اللي تلبسها. 
من اليسار كيرستين لابسة شورت وردي من إيزابيل مارون و سويتر رمادي (قلت لكم أكثر من مرة إني خاطري بسويتر رمادي)، باللوك اللي على اليمين عاجبني أنه ألوان الأشياء تقريبا كلها بتصير بيضاء، تنورة جينز فاتح، قميص وردي فاتح و شنطة نود. الفستان الثاني اللي من اليمين أعجبني نقشاته (كبروا الصورة علشان تشوفون أوضح)، أعجبتني الجزم الكلوي اللي لابستها. 


زي ما قلت لكم كيرستين على الريد كاربيت و بالشارع كانت حلوة مره. و لما قلت لكم عن "الثانية"، اللي كانت لابسة من دولتشي آن قابانا مجموعة ربيع 2012، اللي عليها خضار لما تتكلمت عن فليستي جونز هي كيرستين دونست. فستان الطماط هذا سرق لي قلبي :). اللبس اللي بعده التنورة من شانيل، و التوب من برادا كلهم ريزورت 2012، صحيح الشكل مره كلاسيكي لكن مع المايك آب حقها طالع حلو. آخر فستان من ديريك ليم، غير إني أحب الفساتين البسيطة، عجبني كيف أضافت كيريستين لها هذي الشنطة اللي عليها مجوهرات ثقيلة.