قبل فترة مو قصيرة تكلمت لكم عن إيما واتسون، و إنه لبسها طالع حلو مرة، و قليل مرات بالنسبة لي ما يعجبني لبسها فيه. اليوم راح اتكلم عن وحدة ثانية، بعد هذي السنة كان لبسها فيه مره حلو، و تستاهل أنه أحد يتابع ستايلها، أكيد لو استمرت بهذا الشكل.
للحق أنا ما أعرف فليستي جونز ليه هذي السنة متواجدة بكثرة، أعرف إنها ممثلة بريطانية، شفت لها فيلم، كان دورها مو كبير فيه، بس وش جالسة تسوي الحين على المستوى المهني، ما أعرف :) كل اللي أعرفه إنها جالسة تلبس لبس حلو :).
من بداية السنة يمكن بفبراير طلعت فاليستي بهذا الفستان المخمل الكحلي (أكيد على اليسار)، أعجبني كيف مسوية شعرها، و أعجبتني الشنطة اللي شايلتها معاها، أعطت شكل مختلف للفستان اللي بسيط جدا. اللبس اللي بالوسط هو فستان من بروينزا سكولير مجموعة صيف 2012، فليستي مو أول وحده تلبس من المجموعة اللي ما نزلت للأسواق إلى الآن، لكن أعجبني أختيار اللون، الصندل حلو، و أكثر شيء عجبني بطانة الفستان المنقشة (بعد لبست لوك ثاني من المجموعة). آخر شيء على اليمين، فستان أزرق من كالفن كلاين ... يعجبني فيها كيف تلبس فساتين لون واحد، مع أقل التفاصيل، و تطلع حلوه مره فيه.
المجموعة الثانية التفاصيل بالفساتين أكثر شوي (من اليسار) من الفساتين القليلة اللي لبستها فليستي و عليها طبعات أكثر من لون، إن كنتوا منتبهين هو واحد من مجموعة الخضار اللي صمموها دولتشي آن قابانا بعد لصيف 2012، عجبني مره فستان الباذنجان عليها، و بعد مو هي الوحيدة اللي لبست من هذي المجموعة قبل لا تنزل (لو حصل لي راح أكتب عن "الوحده الثانية" :). الفستان الذهبي اللي بالوسط من كلوي، عاجبني لونه، و أكثر شيء عاجبني اختيار الجزم معاه، لونها مره حلو ... آخر فستان من بوربري، الفستان مو هو الوحيد الأسود اللي لبسته فليستي، يمكن لبست 3 غيره هذي السنة، لكن حبيت فيه زي كل اختيارات فليستي بساطة الشكل، و كيف إنها بمايك آب بسيط و تسريحة بعد بسيطة تطلع حلوه.
أظن لو أنت بنت، و ما تعرفين كيف بالضبط تختارين ستايل، أعتقد إن ستايل فليستي، يناسب كل بنت، و لا هو صعب، و فيه كثير من أشكال الملابس اللي تلبسه، موجود بمحلات الهاي ستريت، يعني حتى مو مكلف :)
ليست هناك تعليقات:
إرسال تعليق