أعتقد هذا ثاني أو ثالث موسم أنتبه فيه لستيلا جين، ما أعرف إذا تكلمت عنها قبل هذا الموضوع (هنا) عن أحسن الملابس من ميلانو، بس أكيد إن ستيلا بتكون أكثر أهمية، مو بس لأن تصاميمها تطلع أكثر تميز، لكن لو كنتوا متابعين ريانا لبست منها السنة اللي فاتت (لا مو اللي حطيته مع أحسن الملابس) (تلقون صورة لها هنا).
ستيلا هايتيية إيطالية، تصاميمها اللي فاتت إذا كنتوا متابعين فيها تأثير هاييتي أفريقي، بس هذي المرة مالبسها شوي هندية شوي بريطانية. إذا تتذكرون الموسم اللي فاتت بوربري كانوا مسوين بالطوات مرسوم عليها، أعجبتني لكن أعجبني هذا أكثر، أعجبني لونه، و طوله و تصميمه، و أهم شيء الرسومات اللي عليه. بعد مرة حبيت التنورتين الأولى عجبتني المجوهرات اللي تحت محطوطة على التنورة بس أكثر منها عجبتني التنورة اللي بعدها عجبني إن لفتها لفة ساري، بس قماشها كاروهات بعدين مطبوع عليها رسمات هندية. بشكل عام عجبني الدمج بين الأقمشة الغربية، و النقشات الشرقية.
أنتم وش رأيكم؟
ليست هناك تعليقات:
إرسال تعليق