اليوم كان فيه عرض قوتشي الأول بعد ما تركتهم فريدا جنيني. ما أعرف شعوري تجاه المجموعة، أشوفها أنيقة، بنفس الوقت، ما أحس فيها شيء يشبه قوتشي مع فريدا جنيني. ما أعرف ليه حسيت إني أشوف تصاميم هايدي سليمان لسانت لوران، بس بلمسة أكثر رومانسية.
أ كثر فستان أعجبني هو الأسود، أعجبني الطير (أظن أنه طنان) المشكوك على اللبس، أعرف إن فتحته كبيرة، ودي أشوف كيف ممكن يلبس من دون ما يصير شكله بايخ. اللبس الأحمر أحس يصلح مرة لماقي قولينهال، اللبس الأخير (من اليسار)، مع إني ما أتذكر أليكسا شونق بقوتشي، لكن أحس إنه بيكون مرة حلو عليها. اللبس اللي بالوسط أحس بيكون حلو على أيمي آدمز أو لوبيتا، مع إني أحس شارلوت كاسيراقي راح تلبسه قبلهم.
وش رأيكم بقوتشي مع مصممه الجديد؟ (هذي ثاني ماركة كبيرة بعد أوسكار دي لارينتا يتغير مصممها، بهذا الموسم).
ليست هناك تعليقات:
إرسال تعليق