الجمعة، 16 مايو 2014

The Amazing Emma (Again)

قلت لكم إني راح أحاول أكتب عن إيما ستون بالجولة الترويجية لفيلم The Amazing Spiderman 2. صراحة ما أعرف الجولة خلصت أو لا، بس أعتقد إنها خلصت، لأنه آخر طلعه شفتها إيما كانت بالميت قالا، و طبعا الميت قالا مالها علاقة بالترويج للفيلم، حاولت أدور بالنت إذا لسا باقي شيء بالجولة، بس ما حصلت شيء، علشان كذا بأقرر أنه الجولة انتهت P:. 

إذا تتذكرون تكلمت عن إيما بجولتها للجزء الأول من The Amazing Spiderman، و بعد حطيت لبسها اللي لبسته لبريمير الفيلم الثاني بلندن لأحسن لبس لشهر أبريل (هنا الموضوع، لو ما كنتوا صوتوا إلى الآن). صراحة مستوى إيما ما كان أقل من الجولة اللي فاتت، يمكن الشيء الوحيد اللي تغير (أكيد غير الملابس) هو لون شعرها، من أشقر لأحمر. بالمناسبة وش تفضلون؟ إيما بالأحمر أو بالأشقر؟ للي ما يعرف إيما أساسا شقراء مو جينجير/ صهباء. بالنسبة لي مرات أحس إني أحبها أكثر أحمر، و مرات أحس الأشقر ما ينمل منه، بس الأحمر يمل. ما علينا خلونا نتكلم عن الملابس.
أولا خلونا نتكلم عن الأحمر، مو قلت لكم بموضوع الفساتين الحمراء هنا، أنه فيه موضوع ثاني بيكون فيه أحمر، هذا هو الموضوع. لما شفت إيما بهذا الفستان الڤالنتينو احترت أختاره هو أو الأصفر الاتلييه ڤيرساتشي لأحسن لبس لشهر أبريل، لكن أخيرا قررت إني أختار الأتلييه، لأني أعتقد أنه مو كثير نشوف لبس بهذي الفخامة. بس من جد هذا اللبس من أحسن الفساتين الحمراء اللي شفتها مؤخرا. 
لوك ثاني عجبني بعد، الفستان الأسود من چوتشي عند جيمي فالون، أعجبني مرة إن الفستان من قدام شكله عادي، بس من جمب يطلع مختلف مع الفتحة (الجزء الأسود جزء من الفستان مو برا)، على الأقل كذا كان بالرانواي. (لاحظتوا إني أحب إيما بالقصير أكثر؟) ما أعرف أحسها تكون مرتاحة أكثر. باقي الملابس من فوق يمين (ڤالنتينو (غير الأحمر)، إيرديم، ڤالنتينو (ثاني)). تحت من اليمين بعد چوتشي: (برادا، شانيل). 

أنتم وش رأيكم بشكل إيما بجولتها لفيلمها الأخير؟ أنا شخصيا دايم أنبسط على حضورها، أحسه حلو من دون تكلف.