الأحد، 18 مايو، 2014

Is John Galliano Raf Simons's Secret Admirer?

أعرف إن كل العالم (مو كل العالم، أقصد اللي مهتمة بالملابس أو بالسينما) عيونهم على مهرجان كان. و صراحة المهرجان فيه ملابس حلوة كثيرة، أنتظر يكون عندي فكرة أكبر عن وش أكتب علشان أكتب لكم. لكن الحين باكتب عن مجموعة أوسكار دي لا رينتا ريزورت 2015. 
أولا إذا كنتوا ما تعرفون إلى الآن جون جوليانو، مصمم ديور السابق من تقريبا موسمين جا يشتغل مع أوسكار دي لا رينتا (عندي شعور إن أوسكار جالس يجهزه يكون بداله، لو قررت يتقاعد). المهم و أكيد تعرفون أنه راف سيمونز صار مكانه بديور. 
أعرف ناس مو عاجبهم شغل راف بديور، أنا شخصيا أعتقد أن الملابس اللي يصممها راف صعب لبسها، مو كلها حلوة، بس أظن أن شغله مميز. 
المهم، أحس المجموعة هذي الأوسكار سوا جزء كبير منها جون، و أحس إن جون أخذ أفكار من تصاميم راف لديور (يمكنه معجب سري للمصمم اللي أخذ مكانه، قد قريت كلام مو متأكدة منه، إن راف مرة علق بشكل سلبي على تصاميم جون لديور) شوفوا أنتم الصور، و احكموا، يمكن كله من خيالي. 

كتور خريف 2012

ربيع 2013
بري فول 2013 

كتور ربيع 2013


خريف 2013

خريف 2014

أعرف إني متحمسة، بس أنتم وش رأيكم مو الملابس تتشابه؟ حطوا ببالكم إننا نتكلم عن جون جوليانو، مو مصمم مبتدئ، يعني ما راح ينسخ التصميم بالكامل، بيحاول يحط فيها لمساته. طبعا ما أعرف ليه حطيتها براس جون مو أوسكار، يمكن لأني أتابع أوسكار أو المصممين بشكل عام من سنوات، و أقدر أقول تقريبا أعرف خطوط كثير من المصممين، و لا أظن أنه هذي التصاميم تشبه تصاميم أوسكار. (أكثر شيء أوسكار بالقطع اللي حطيتها، الفستان اللي عليه نقشات ورورد).