الأربعاء، 21 مايو، 2014

Mélanie Laurent (Braid Lookbook)

إلى الآن مهرجان كان موجود (زي ما أنتم عارفين) نفس موضوع المجوهرات، ما راح يكون عن المهرجان، بس في صورة وحدة من المهرجان، و بعدين نفس موضوع المجوهرات الصورة الأخيرة هي اللي خلتني أكتب عن الموضوع. (إذا ما قلت لكم بذاك الموضوع، صورة كايت بلانشيت كانت من فعالية بمهرجان كان). 
المهم هذي المرة الموضوع عن ميلاني لوران (ممثلة و مخرجة فرنسية) لو كنتوا ما تعرفونها مع إنها قد شاركت بأفلام أمريكية. 


أول مرة عرفت فيها ميلاني كانت بعد من مهرجان كان ب 2009 (أظن). كانت وقتها مع كونتين تارنتينو لفيلم إنچلوريس باستاردز. ما يحتاج أقول إني حبيته، أولا لأنه حلوة (أعرف سبب مقنع P:)، و ثانيا لأن دورها بالفيلم كان مرة حلو. المهم من ذيك المرة و أنا ملاحظة إنه شعرها دايم تسريحاتها ظريفة، يمكن ما تطبق كثير، لكن لاحظت إنها تحب الجدايل. فللي حاب يسوي تسريحة بجدايل أقترح عليه يدور على صور ميلاني. 
أنا مو مرة مع تسريحات الجدايل، خصوصا لما كل الريدكاربيت صار يسويها بعد عروض ڤالنتينو اللي كانت كلها جدايل (دوتش برايد). 
ما أعرف وش علاقة ميلاني بالجدايل، لكن يعجبني بجدايلها إنها مو مرتبة، و أهم شيء بالنسبة أبدا شكلها مو مكرر. 

أنتم وش رأيكم بتسريحات ميلاني؟ أو بالجدايل بالتسريح بشكل عام؟