الأحد، 12 يناير، 2014

New Year's Resolution: Wear pink denim like Diane

*توضيح: ترا العنوان "مزحة" لأن موضوع قرارات للسنة الجديدة ما أفهمة، لأن اللي ناوي على شيء ليه ما يسويه على طول، ليه ينتظر سنة جديدة. 
لكن هذي خطتي للفترة الجاية إني ألبس بنطلون جينز لونه وردي، بالشكل اللي تلبسه دايان كروقر. القرار هذا قررته بعد ما شفت صورته الأخيرة (الأولى من اليسار). 


صراحة بعد دراسة تحليلة للصور الثلاثة، اكتشفت أنه ما فيه سر تقريبا، و أنه إذا فيه سر فهو هي. لكن اسمحوا لي أتفلسف. أول شيء أظن أنه لازم يلبس مع ألوان محايدة "رمادي، أسود، أبيض". الشيء الثاني أعتقد أنه الأفضل أنه يكون "سكيني"، و يكون فوق الكوع (بالمناسبة هذا حلم عندي إني ألقى بنطلون يصلح لي فوق الكوع، بس طولي فارع P:). الشيء الأخير أظن الشنطة لازم تكون بعد بلون محايد و مو مثيرة، و المجوهرات تكون بسيطة مو كثيرة. و إذا كان عندكم كاش زايد أبدا ما يمنع إنك تلبس معاه فلات فالنتينو ستودز P:، لا بس صدق، شخصيا لو قررت أجربه بأحاول مع فلات و فلات ما يكون غامق "نود، رمادي، روز قولد". 

آنتم وش رأيكم بالجينز الوردي؟ ممكن تلبسونه أو قد لبستوه قبل؟