وصلنا لنهاية شهر يناير، و أول تصويت لأحسن لبس لهذي السنة، صراحة أنا انبسطت بالموضوع السنة اللي فاتت، ما أعرف عنكم أنتم، صحيح التصويت كان فيه مشاكل، بس لقيت موقع جديد، إن شاء الله يكون أحسن. المهم، خلونا نتكلم بالملابس خصوصا أنه شهر كان مليان بالحفلات و الجوائز.
أعتقد أنه هذا الشهر على أنه شهر حفلات و جوائز، بس فيه خيارات مختلفة للبس من ناحية الذوق (أظن). تعرفون أني أحب ليا سيدو، لكن صدوقني مو بس لأني أحبها اخترتها، من زمان ما شفت لبس بهذا الذوق، و عندي استعداد انسخه كامل من دون ما أغير فيه شيء، من فترة و أنا أفكر ببالطو وردي أعتقد إنها لبسته بذوق مرة، و خلتني أتحمس للفكرة (يمكن الشتاء الجاي P:). أعجبني مرة شكل آنا فاريس بهذي الجمب سويت من نعيم خان، من زمان ما حسيت إنه فيه جمب سويت طلعت حلوة على الريدكاربيت، بس اختيارها مع لون شعرها و مكياجها عجبني مرة. قلت رأيي لأوليفيا وايلد و لوبيتا بلبسهم بالقولدين قلوب، بس إيديل ما شفت صورها إلا بعد يوم أو كذا، عجبني مرة، خصوصا شكله من فوق (جهة الصدر) و عجبني ظهره (أعرف مو واضح بالصورة)، و بعد عجبني شكل الفستان من تحت. باختصار عجبني كله.
أدريانا ليما بهذا الفستان الأسود، صح الفترة الأخيرة عجبتني فتحات الصدر العميقة، بس مو هذا الشيء اللي عجبني بشكلها، العقد اللي لابسته أكثر شيء عجبني (شفت شيء يشبه له على كيم كارداشيان) المهم أعتقد أنه هوسي الجديد. آخر شيء أليزابيث بهذي البدلة من آخر مجموعة لأرماني برافي (اللي قبل أسبوع بس) شكلها كله أنيق، بس أكثر شيء عجبني اختيار الجزم، شيء ما أدري زي الشباشب أو ما أعرف وش هو، بس أعجبني.
من أحسن لبس لشهر يناير 2014؟
ليست هناك تعليقات:
إرسال تعليق