إذا كان فيه خيار بين الأناقة و الموضة، أكيد أفضل أفضل الأناقة. ما يعني إنه أي شيء على الموضة ما أحبه، بس أغلب الوقت أحب الأشياء اللي أعرف إني ممكن ألبسها بعد خمسة سنين مثلا ما تطلع بايخة. المهم بعد هذي المقدمة اللي شوي طويلة، بالأسبوعين الأخيرات كأني انتبهت (لموضة) على الريد كاربيت، ما أعرف بتستمر أو لا، بس حبيت أشوف رأيكم فيها.
مع إني مو دايم تعجبني فتحات الصدر العميقة، إلا إني من فترة (أظن بعد ما شفت أمريكان هاسيل) و أنا عاجبتني الفساتين بالفتحات العميقة، و كنت الفترة اللي فاتت جالسة أحاول أسوي سيت لملابس زي ملابس أيمي آدمز بأمريكان هاسيل، أو مشيل فيفير بسكار فايس.
المهم ما علينا خلونا نتكلم عن الصور اللي قدمنا. الشيء اللي لاحظته هذا الشق، أو الفتحة المايلة، علشان أكون واضح و ما يحتاج ألف و أدور على الموضوع: ما أعجبتني أبدا، أظن الفتحات العميقة يحتاج لها فن، يمكنها كانت فكرة زينة على الرانواي، لأنه أكثر العارضات فلات، بس أحس مع كورفز شوي تصير بايخة، ما أعرف عنكم أنتم، وش رأيكم؟ و ممكن تلبسونها أو تحسونها بس للريدكاربيت؟
ليست هناك تعليقات:
إرسال تعليق