زي ما قلت لكم قبل، ما أعرف ليه الملابس الحلوة كانت كثيرة هذا الشهر، لدرجة إني لما جيت أختار القائمة النهائية، كل شوي أحذف أحد و أدخل أحد، كله علشان آصل القائمة النهائية الأحسن. بصراحة ما أعرف أنا قدرت أختار الأحسن، أو فيه ناس طلعوا من القائمة و هم يستاهلون، بس خلونا نركز على الموجودين، و إن شاء الله يعجبونكم.
أقدر أقول إن الثيم حق هذا الشهر هو المنكروم (الأبيض و الأسود) ما عادا دايان كروقر بفالنتينو و آشلي ميداكوي بمونيك لوليه (بالمناسبة كل الثنتين كانوا قبل موجودات بأحسن لبس). أول وحدة عرفت إني راح أدخلها هي لوبيتا نيونقو (الصف الأول، أول وحدة من اليسار) بفستان برادا (أتمنى إني قلت اسمها صح)، بصراحة ما أعرف هو الفستان حلو، و إلا هي اللي محليته. بس بشكل عام أعتقد لو استمرت على الساحة قدامنا وحدة أعتقد إنها بتكون من الموجودات دايم على هذي المدونة. سيينا ميلر بعد من الأشخاص اللي أعتقد إني صايرة ما أقدر أقول لأي شيء تلبسه أنه مو حلو، ما أعرف بس من ولدت و هي صايرة حلوة بعيني، قولوا لي أنكم أنتم بعد تشوفونها حلوة، مو بس أنا أتوهم. إليزابيث موس (أول يمين) للي ما يعرف ماد مين مثلا أعجبني شكلها مرة بالإيمي، و إن خياراتها كلها كلاسيكية، من شكل الفستان، لألوانه للون الروج.
Create your free online surveys with SurveyMonkey , the world's leading questionnaire tool.
للأسف ماعجبتني اول وحده على اليسار، كنت بختار دايان بس اللون شوي عرقل الموضوع اقدر اقول الشهر هذا ماكان فيه شيء مره واو يلفت .. اخترت اشلي حلو الفستان، حلو اختياراتها
ردحذفاللي ماتوقعته يجي أليكسا شونق معليش فستانها فاشل ماحبيته
اشكرك ومتابعه دايما :)
توقعت لبس أليكسا ما يعجب كثير، اللي حببني فيه بساطته مع إنه جلد، و أعتقد من وجهة نظري إنها طالعة فيه "مثيرة" يمكن الصورة ما خدمت، بس للأسف ما لقيت صور كثير (أنا شفته فيديو).
حذف