على عكس شهر أغسطس، حسيت شهر سبتمبر كأنه كان يزحف من البطء، ما أعرف ليه؟ يمكن لأنه كان فيه ملابس كثيرة حلوة بشهر سبتمبر و كنت متحمسة تجي نهاية الشهر علشان أحطها لكم.
أعرف إنكم صوتوا لكيري و كارا بالتساوي، لكن من أول ما بديت أحسن لبس للشهر، و أنا ببالي لبس واحد شهريا علشان يسهل التصويت لأحسن لبس للسنة. صراحة كنت حايرة من أختار، خصوصا أني قد اخترت كيري قبل (أحسن لبس لشهر يناير). آخر شيء قررت أختار كيري على كارا مع أني مرة حابة مكياج كارا، أولا لأني أعتقد أن جزم كارا ما كانت مرة حلوة (الحزام اللي فوق الكوع) هو حلو بشكل عام، لكن ما أعجبني إن البنطلون مغطيه. الشيء الثاني، أعتقد ملابس زي كذا (فستان كيري) قليل تلقى شيء بشفايف و قلوب مثلا، يطلع حلو مو رخيص.
الشيء الأخير اللي خلاني أختار كيري على كارا، إن لبس كارا (من وجهة نظري) كارا هي اللي أعطته شكل، يمكن لو كان على أحد ثاني ما كان طلع حلو كذا.
ليست هناك تعليقات:
إرسال تعليق