السبت، 13 أبريل 2013

Trustworthy

قبل فترة تكلمت لكم عن تمبلر اللي سويته علشان أحط فيه الأشياء اللي أتمناها. بعدها لقيت هذا الموقع أسمه Wantworthy فكرة الموقع أنك تجمعين فيه الويش ليست للأشياء اللي تبغينها، و لأن شكلة مرتب قررت أستخدمه لكن مو للأشياء اللي أبغاها، لكن للأشياء اللي جربتها، و حبيتها، و مستعدة أشتريها مرة ثانية، لو خلصت أو ضاعت أو خربت (لا قدر الله). 



أعرف إن القائمة مرة صغيرة، أولا لأني ما أعتقد راح أحط فيها ملابس أو أي شيء له علاقة بالفاشن (إكسسوار، جزم شنط) لسببن أولا لأن الموضة تتغير، ثانيا الأشياء هذي هي ذوقي الخاص، يعني ما يفيد أحد أنها عندي أو لا، و لأني أعتقد نسخ أذواق الناس شيء مو صحي أبدا (ممكن أحط فيها أشياء أساسية زي بناطيل جينز مثلا أو تي شيرتات. 
زي ما قلت لكم هذي الأشياء اللي عجبتني لدرجة إني راح أشتريها مرة ثانية و طبعا ما راح أحط شيء هنا، إلا إذا كنت جربته أكثر من مرة و اقتنعت فيه بقوة، علشان كذا ممكن أشياء تكلمت عنها في المدونة عجبتني ما حطيتها، لأن عندي قناعة إني راح ألقى شيء أحسن منها، أو إني ما جربتها وقت كافي لدرجة أقدر أقول إني ما راح أستغني عنها. 

هنا بتلقون رابط للقائمة، القائمة ممكن تزيد، ممكن تنقص (زي كل شيء)، لأني دايم أدور على أشياء أحسن و أرخص (مين ما يدور على أرخص و هذا الشيء معناه أنه يقدر يشتري أشياء أكثر). للمنتجات اللي فيها درجات، و الرابط ما يوصل على طول للدرجة اللي استخدمها، كتبت فوق الأشياء وش الدرجة اللي استخدمها. 
لو سويتوا قائمة مشابهة للأشياء اللي ما تقدرون تستغنون عنها، و مستعدين تشترونها لو ما كانت عندكم، لا تنسون تحطون الرابط بالتعليق، لأني أحب أعرف وش عجبكم، وأجرب أشياء جديدة. 

آخر شيء راح أحط رابط ثابت للقائمة على اليمين، و لو حبيتوا أتكلم عن أي شيء بهذي القائمة و أنا ما قد تكلمت عنه بعد علموني بالتعليقات.

بالمناسبة كسرت فرشة التقشير من سيفورا آحتاج آشتريها من جديد.