الصيف اللي فات طلع عرض ميو ميو اللي كله عصافير و بسس، الشيء اللي ميز ذاك العرض هو القبات. طبعا الشيء الأميز بالقبات إنها كانت منفصلة عن الملابس، يعني تشترى لحالها، نفس الشيء بالعرض اللي بعده عرض الخريف 2010 كانت القبات منفصلة.
اليوم شفت إيديتوريال من مجلة i-D (تعجبني مرة المجلة هذي) و تحمست أكتب عن القبة.
لو شفتوا باقي الإيدتوريال (هنا)، بتشوفون أنه كل القطع و اللي أساسا مالها قبة حطوا لها هذي القبة الدانتيل. ما أعرف من وين هذي القبة بس عجبتني، و عجبني إنها تمشي على أشياء كثيرة و تخليها كيوت و بناتيه قوة، من أكثر الأشياء اللي أعجبتني عليها هو الشيرت دريس الجينز اللي من ستيلا مجوعة ربيع 2010، ما كان عاجبني قوة لحالة بس مع القبة حبيته.
زي العادة رحت أدور على مواقع تبيع قبات، و زي كالعادة طلع لي أسوس المنقذ يبيعون قبة كروشية مرة حلوة و ناعمة بتقريبا 60 ريال. أعجبتني سعرها معقول، و تصلح مع أشياء كثيرة و أهم شيء تشبه الإيديتوريال.
أما إذا ميزانيتكم مفتوحة ففيه هذي القبة من فيونيه تنباع منفصلة، زي اللي كانت بالإيديتوريال حق الألوان الطبيعية. عند ماتشز بـ 1100 ريال.
تحلّي اللبس و تعطيه جو شكل ثاني, حلوة بس أحسها للعروض و ماأتخيّل ألبسها أبدا, يمكن عشان مرتبطه عندي بالابتدائي!
ردحذفممكن الأولى إيه تذكر بالمدرسة، و خصوصا وحده زيي متعقده منها لأنها الوحيدة اللي كانت بالمدرسة أمها تلبسها بالغصب لاقبة من السبت للإربعاء مو بس السبت :)
ردحذفبس الثانية صح غالية بس يعني كفكرة أحسها ما تجيب معها أي عقد طفولة :)