الخميس، 24 مارس، 2011

Fruity or Floral

هذا الموضوع كاتبته تحت ضغط طفش رهيب، من الصبح و أنا أدور شيء أسويه أو أكتب عنه، و أخيرا قبل ما أروح أنام طلعت معاي هذي الفكرة، إني أكتب عن موضة الصيف، خصوصا الأسبوع اللي فات احترقنا بالرياض، و للتذكير توه ما جا الصيف الصدقي بعد.


الصورة اللي فوق هي من عرضين لمجموعات الربيع 2010 و علشان ما تخبطون، إيه الموضوع قديم جايبة لكم صور من عروض الربيع اللي كانت بسبتمبر اللي فات. أهم شيء العروض كانت مليانة طبعات، يعني بيكون عندنا صيف بملابس فيها طبعات أشكال و ألوان. طبعا زي تقريبا كل مجموعة ربيع نلقى فيه طبعات ورود كثيرة، بس هذي المرة ستيلا طلعت بمجموعة عليها حمضيات، أعترف إني أول ما شفتها حسيتها شوي كأنها شيرت من هاواي، بس مع الوقت جالسة أحبها، الصورة اللي على اليسار هي من عرض دي آن جي ببنطلون و توب كلهم ورود.
بعيد عن الموضوع كان فيه غير دي آن جي عندهم ملابس بطبعات ورود بس اشتهيت أحط صورة لدي آن جي مو بس لأنه اللوك عجبني بس لأنه قبل فترة طويلة شوي بتويتر قابانا كان يتكلم مع صديقه و قاله صديقه أنه يحب ستيلا رد قابانا مين ستيلا. أنا شرهت شوي، فجيت الحين على بالي إني أقهر قابانا و أحطه جمب ستيلا.

نرجع للموضوع: وش تحبون تلبسون للصيف، ملابس بطبعات ورود أو فواكه؟

Fruit or Flower?
Fruit
Flower



  
pollcode.com free polls