Audrey = Valentino

أحب أكتب عن وش الناس يدورون عنه أو يبغون ... علشان كذا، أحب أشوف كيف الناس وصلوا لمدونتي علشان ألقى وش الكلمات الي وصلوا فيها للمدونة ... من الأشياء الي حصلتها "فستان أودري هابيرون الوردي"، ما أعرف إلا مرتين أودري لبست وردي على الأقل بالأفلام ... الأول كان ب Breakfast at Tiffany's  و قد كتبت عنه من زمان ... و الثاني هو الي ب My fair Lady وهو هذا الي تحت.

للحق هذا الفستان ما قد حبيته، ما أحسه أحسن شي قد لبسته أودري بالأفلام ، يمكن لو ما فيه الهاي نيك كان بيكون أحلى، ما أعرف، بس الفستان دلوع، الشيفونات تحلي كل شي، و لما يكون شيفون وردي أكيد بيكون أدلع و مع رفلز و ورود.
لو كان فيه ري مايك للفيلم و الناس جداد فيه، أو إيديتوريال أحس ما فيه خيار أحسن من فالنتينو، خصوصا أنه فالنتينو كثير عنده رفلز، و شيفونات ... ما أعرف هو من زمان ما شفت وردي من فالنتينو، بس لما شفت البحث الي فيه أودري هابيرون و فستانها الوردي، تذكرت المجموعة الأخيرة من فالنتينو، و أنه كان فيها أكثر من فستان وردي، ففكرت بالخيارات الي ممكن تكون عصرية، و تشبه هذا الفستان.

مو بس هذولي الفستانين هما الوحيدات الورديات، فيه واحد ثالث بس ما أعجبني مره، و من بين الإثنين هذولي أنا حبيت أكثر الي على اليسار، بس أخترت اليمين بعد لأني حسيت أنه بعد يشبه الفستان أكثر، مع الشيفونات و الرفلز الي عند الياقة ... زي ما قلت قبل أكثر عجبني بالعرض هو الحزام النحيف مره، بس الفساتين كانت مره ناعمة، و دلوعة (فالنتينويه) مره ... و زي ماقلت لكم قبل يمكن هالفستانين هم أكثر فستانين يلبقون إنهم يكونون بالريميك أو بإيدتوريال عن My Fair Lady.