Lets Do Some Exercises

من زمان و احنا نعرف إن الجسم السليم بالعقل السليم، بعدين صرنا نعرف أنه "الشكل" السليم بالجسم السليم :) مثل ما أحب الملابس الحلوة، أحب الملابس السبور الحلوة، و أتذكر كيف انجنيت على كليكشين أديداس الي صممته ستيلا مكارتني قبل مدري كم سنة، و ما صدقت لما شفت بسيريلانكا بدلة من نايكي تي شيرت فسفوري أصفر (بالصيف الي آخره طلعت قمصان برشلونة فسفوري بعد) بس و الله شاريته قبل صح خربته، لأن عندي عادة غريبة تضميم الأغراض دايم ضامة دفاتري، كتبي .. و من القراده ضمت شنطتي الجلد، و مع الجو الحلو طبع عليها الجلد ..
ما علينا .. ما دام الجو كله "سبوري" بعد برشلونه بالشامبيونز و الحين فيه غولان قاغوس بباريس .. (و أنا أحب ملابس التنس فيها تفنن) بس للأسف المقاريد (النساء) عليهم ملابس زي وجيههم.

من وين أجيبها .. شارابوفا الي صدقت نفسها إنها كيوت بهذي الشيفونات الي تقل فستان مشري من شاينا تاون، أو سرينا مع هالبلوز الي نسيت تلبس معاه شورت (تسمع بشيرت دريس) أما التحفة بجد إلينا يانكوفيتش خصوصا أطراف الفستان هذي الملوية و لمزيد من الإثارة تابعوا البطولة و شوفوا الجاكيت حقها (تحفه .. تحفه)، فينوس سامعة بالعودة للأصول و مختارة هذا القماش الأفريقي P:.

يا حبيلهم الرجال فير أنهم وسيمين P: و لعبهم أحلى شوف الآناقة .. كذا تصير ملابس التينيس نادال بألوان جنان بجد أصفر، فوشيا، تركواز .. فدرير بألوان كلااااس مع شي أحمر على الياقة كأنه ملاعب غولان قاغوس، ديل بوترو بقميص ضيق من دون أكمام عشان تعرف معنى الأجسام المحترمة D:

What i missed ..?!!!

الأسبوع الي فات كان زحمة برزنتيشينز، و تكميل كتب و ملفات، كويزز .. و ما فضيت للمدونة ..


طبعا كان خلص، الشي الي بعد لاحظته كايتي هولمز ذوقها زي الحرباء، تلبس على حسب المدينة الي هي فيها، يعني لما كانت بألمانيا، كان اللوك برليني، كلاس مع ألوان هادية، لما صارت بنيويورك صار اللوك نيويوكر ذوق مستعجل مع لمسة رجالية، لما صارت بإل آي كل لبسها جينز و قمصان خفيفة و بعض المرات سكارفات أو بلوفرات ما عجبني..
الأسبوع الي فات كانت بدي سي وصار لبسها مرة رسمي بس حلو، و الله المرة غريبة ... ؟!!!!!

من الأشياء الي صارت بعد ثتنين غيروا اللوك تبعهم و هو شي غريب عليهم ما يغيرون كثير، الثنتين الأولى كايت هاديسون الي ما قد شفتها قبل بشعر غامق خلته بني .. و صراحة عالاخر يخ ... أما الثانية هي كيدمان .. كيدمان رجعت على شعرها الأصلي الأحمر .. حبيته بجد.

الشي الي ضيق صدري خبر عن كغيستيان لاكو .. الشركة مو قادرة تسدد دينها، و ما أعرف إذا ممكن توقف بس بجد المصمم هذا عبقري و مو بس يصمم ملابس و مجوهرات يصمم حافظات لقوارير الشمباين و يصمم قوارير موية (إيه فيه موية إيفيان مصمم قارورتها لاكوا)، يصمم داخلي لفنادق، و حتى مقصورات قطارات. حرام ما أشوفه بس الي يكسف بجد ملابسه الحين نااااااار لو صارت تحف وش يتصير؟!!!!!

Losing Weight

من ولدت هالي بيري بنتها نوها، و هي كل شوي مشمرة شعرها .. :) و تخفف. كنت حابة شعرها وهو طويل، الثنتين الي بالوسط أبدا ما عجبتني .. و الحين رجعت لوك الأوسكار (تتذكرون الأوسكار الي فازت فيه سنة لما كانت أول سليبرتي يلبس لإيلي صعب)، بس عجبني خصوصا أنه شعرها بعد أسود ..
زي ما قلت لكم اللوك الي بالوسط ما عجبني حسيته مدرسة رجعت من و الولادة أهم شي شعرها مقصوص و مصبوغ.

قائمة الشرف

اليوم الموضوع ماله دخل بالموضة، الكلام كله عن المدونة نفسها. طبعا أعرف كم واحد دخل للمدونة و من وين و كم قعد ، هذي الأشياء الي يعرفها كل الي عندهم مواقع .. الصورة الي قوف توضح النتيجة رقم كم تطلع المدونة .. الكلام الي مشخط كلام وسخ .. يوضح عقل بعض الناس الفاسد، طبعا ممكن تشوفون الناس الي تدور علي مشاهبر sex و محامية sex بس الغريب حوامل sex الله يقرفكم ... الي ضخكني أكثر شي الي موجود بالوردي .. معقولة ناس تسوي سيرش بهذا العنوان، طبعا ماراح أعطي دروس بكيف الواحد يسوي سيرش يعني مو يكتب رواية، بس معقولة ما عندك ثقة لدرجة تسألين وشي الموضة؟!!! لا وين بالجامعة مو بحفلة مو بزواج .. بجامعة !!!!! الشي الثاني يعني ليه لازم الناس تنسخ بعضها، أنا الي أشوفه يلبس زي الثانين أعتبره بجد ما يعرف يلبس .. و يقلد .. لو سمحتي لك ستايلك، لك ذوقك، لك الأشياء الي أثرت فيك غير الثانين .. ما يصلح تكونين كأنك باربي بدولاب بنت نفس الشكل نفس الستايل بس الملابس غير.

I wanna this .. 3

لا عاد مسخوها بكان .. يعني معقولة ناس تلبس نفس الفستان بنفس المكان، و لا أقول يوم واحد يعني ما دروا .. أول يوم بكان لبست ملكة جمال فرنسا سندي فابغي 2005 الفستان، بعدين أمس تلبس فيبي برايس نفس الفستان بس مع قبعة تحفة طبعا هي من بدا المهرجان و هي تتحفنا بالقبعات.

تعرفون و شو أحسن شي .. شكلها سرقت منها الشنطة بعد D:

I wanna this .. 2

الحلقة الثانية من أبغى هذا .. طبعا شكله من كثر الناس الي تجي كان، ما يصير فيه فساتين جديدة، الفستان هذا من ماركيزا، لبسته مايلي بama's award ما أدري من كم، طبعا مايلي قاصته عشان تطلع "لحمه" زي ما تقول أمي، أمس البريطانية جورجينا شامبمان بكان.

I wanna this .. 1

في ممثلات "صغيرات" يحسبون أنهم لما يقلدون ممثلات "كبيرات" الناس بتناظرهم، يمكن تناظرهم بس ترا على طول ينسون ..
اللبس من لانفين لبسته درو باريمور ببريمير فيلم He's Just Not That Into You بفبراير هالسنة ...

أمس الممثلة الفرنسية ليلى بختي لابسة اللبس نفسه، و أنتم شوفوا الفرق.

Can I borrow this ..

قبل يومين طلعت لايتن بهذا عالبحر و كنت مختارتها Look Of The Day .. من بعدها بيومين طلعت دور باريمو بنفس القبعة، شكلها استعارتها منها .. بس يمكن ناسية أنه في شي أسمه بابراتزي و أنهم راح يصورونها P:

My Gift For You ..

صديقتي بتتزوج، و لما قلت لها وش تبغى هدية عطتني قائمة بالأشياء الي ممكن أجيبها لها هدية، جزم كرستيان لوبتين p: شنطة من أي ليبل، نظارات شمسية، مجوهرات، و بالطو تلبسه لما تسافر ..

طبعا جلست أدور بكل الأشياء الي قالت لي عنها، حتى لو ماكنت أقدر أجيبها D: .. وكن أفكر بين ستايلين يلبقون عليها:

الأول كلاس مرة، و أعرف أنها تحب الكلاس تحب تكون كأنها غرايس كللي أو بنتها كارولين دو مناكو ..

النظارات : بلانسياقا
الجزم: غوتشي
الشنطة: إيرمس (فينتاج)
البالطو: 3.1 Phillip Lim
الحلق: فينتاج

الثاني شوي كونتيمبروري ، و نفس الشي تحب هذا الشكل بعد..

الشنطة: مارك جايكوب
السوارة: فينتاج
البالطو:Ports 1961 Long
الجزمة:

ترا و الله ما يغلن كل الثنتين (لو عندي فلوس) p:

I've Loved You So Long

نتالي بورتمان يمكن قبل سنتين طلعت على أغلاف مجلة بازار بهذا اللبس الي من جيفنشي، و لبسته أودري هابيرون بـ Breakfast at Tiffany's و شكلها طاحت بحب الفستان بس هالمرة لبسته بالقلب.

الفستان حلو بس التسريحة شينه، أصلا أحس إنها شاينة و طالع أي شي عليها بايخ.

مواضيع ذات صلة:

The Icon: Audrey Hepburn ..

Rihanna Rock 'n Roll Style

ريانا صاير لبسها حلو .. لما أقول حلو ترا مو يعني أني ممكن ألبس زيها، بس أنا ما أحب الناس تنسخ بعضها، يعني كل واحد يلبس زي ما يحس أنه لابق عليه .. ريانا ألوانها فاقعة، أقمشتها تلمع، و تلبس إكسسوارات كثيرة، أكثر شي أكرهه فيها شعرها .. ما أحبه أبدا .. شييييين

عجبني الجاكيت الأصفر، أكره البنطلون المقطع ما أعرف ليه بس الأشياء الي مقطعة ما أحبها كيلون مقطع، شيرت مقطع و كل شي مقطع، ما أحبه.

أحب البناطيل الهاي ويست و كلاسيكية عجبني اللوك كامل طبعا شعرها خارج الحسبة .. الكعب الذهبي مع السلاسل يذكرك إنها ريانا.

عجبني البنطلون الثالث قوووووة لونه حلو، ما أحب التوبز الجلد، ما أحب تكثير الجلد .. بس بشكل عام اللوك حليو.

هذا الشكل تحس أنه ريانا القماش المتيل .. مع الفوشيا و الجزم الجلد، مع الإكسسوار الكبير.

مواضيع ذات صلة:

ريانا بمونيك لولير فاصل إعلاني ..

MET Costume Institute Gala 2009

بالغالا أمس لبسهم بين عادي، و شييين لكن ثلاثة كانوا غير

أول وحده عجبتني و يمكن أول مرة تعجبني بعد ما تخلصت من شكل المتشردة بعد ما زينت شعرها و بطلت اللبس المشرشح آشلي أولسن .. اللبس عجبني مررررة كل اللوك ذوق المايك أب و الشعر، اللبس حلو و المجوهرات بعد.

الثانية كايت بورسموث لبسها مو غريب بس الشكل كله حلو مع الشعر، و المايك أب، الدانتيل عاطي شكل غير.

الثالثة هي كايت موس .. لبسها لحاله حلو .. العمامة عاجبتني (أحب العمايم)، الجزم حلوة، و المايك آب، أكثر شي قهرني إنها ما لبست إلا لون واحد.

ريانا لابسه لبس غريييييب هنا شوفوه

If I were ..

أكثر شي يمكن كنا نقوله، و بعض الناس إلى الآن ما يبطلون هالعادة البايخة، قولة "لو كنت مكانك" .. اليوم الحلقة إسمها لو كنت مكانك، مكان أي وحده من هذولي .. كلهم أعجبتني ملابسهم بس حسيت لو لبسوها بالشكل هذا كان أحلى ..

ميشا بارتون لبسها هذا عجبني مرة، بس حسيت إن البنطلون حلو لدرجة أنه يستاهل توب أبيض عادي، عشان يطلع شكل البنطلون و الحزام لوي فيتون ..

أودرينا بريج بجمب سوت .. اللبس نظيف بس حسيت لو إنها لابسه حزام كان أحلى .. و مع حزام تركواز عاطي اللبس شكل غير ..

بيكي نيوتن حسيت إن الأسود (قصدي الجاكيت مع التوب) غطى على الشورت الدولتشي آن قابانا (أموت على الشورتات) .. و اخترت له بلوز أبيض زي الي قلت لكم بالموضوع الي قبل (انزل حبه و أقروا) :).

In Dolce & Gabbana’s Silk Pajamas

العرض الي فات حق دولتشي آن قابانا كان جنان .. هو مو سيء .. بس طلع بالعرض بيجامات، و لا تحسبون أنه للملابس الداخلية .. لا أوت كتو أو ألترا مودا زي ما يقولن الطليان .. المهم بداية السنة لبست جاسيكا ألبا بيجاما .. مشكلتها إنها حلوة عشان كذا ما أقدر أقول عن اللبس الي تلبسه "شين" :) .. أمس بيكي نيوتن لبست شورت من العرض و صراحة خلته حلو و لبست معاه جاكيت توكسيدو قد لبسته قبل (تراني أحب الي يعيد لبس القطع مع قطع ثانية) و عجبتني بعد الطريقة الي عاقدة فيها الحزام.. مع إني لو أنا لبسته كان مع قميص أبيض ما أعرف وش أسمها بس الي يصير فيها خرابيط عند الياقة .. الي يعرف إسمها يعلمني :) ..