The Icon: Audrey Hepburn ..

آه يا أودري، من جد هذي المرة عذاااااااب، كل الدلع و الأناقة فيها أصلا تخلي كل شي لذيذ و يهبل .. تحسها جد بنت أوادم :)

ما يحتاج أعدد الموضات الي هي بدتها، بس للتذكير ...


الشعر القصير مرة (أودري هابيرون)

الغرة القصيرة و المتفرقة (أودري هابيرون)

الحواجب العريضة (أودري هابيرون)

الجزم الفلات (أودري هابيرون) ..

يعني كذا و إلا كذا .. هي سبب من أسباب حبي للموضة .. :)

راح أحاول أعرض هنا أحسن ملابسها بكل أفلامها (قلت أحاول) :) .. و ببدأ بالأقدم .. طبعا مو هو الأقدم قبله Roman Holiday، رغم أنه ملابسها حلوة، بس خلينا نقول أنها مو صرعة يكفي أنها أطلعت للعالم فيه بحواجبها العريضة، و شعرها و غرتها القصار..

Sabrina

بهذا الفيلم .. كل شي ظريف و حلو .. من بيت العايلة .. للحفلات الي يسوونها السوفلية و باريس و La Vin En Rose و الأحلى سبرينا (أودري) بعد ما رجعت من باريس .. هنا فستانين من الي لبستهم بالفيلم .. الأول:

هذا الفستان لبسته بالحفل الراقص الي تسويه العائلة كل سنة: الفستان أبيض شيفون و مطرز بالأسود مع بطانة بيضا، مبطنة بأسود !!! الفستان من تصميم جيفنتشي ..


هذا الفستان لونه عنابي شوف العقد الي فوق :) .. بس كله كوم و القبعة الغريبة هذي كوم ثاني .. شي ما ينوصف.


Funny Face



المشكلة أنه الأفلام قديمة، فتلقين صور صعبة، أحاول قد ما أقدر أحط كل الصور الي على بالي ..

طبعا الفيلم حكايته عن وحده تبغي تروح لباريس (أودري) عشان تقابل برفسور هناك، و عشان تقدر تروح تتحول لموديل :)



هذي مجموعة من الصور لها بس الصورتين الثنتين الي على اليمين آخر الصفحة من املابس الي لبستها، الجكيتات القصيرة، و البناطيل بخسر مرتفع كلها موضة راجعة بقوة ..

شوف القفازات الطويلة (ستان تركواز) مع فستان أبيض و أسود، لو أعرف من وين كل هـ الذوق؟!!

Breakfast at Tiffany's



هذا الفيلم لكل البنات الي يجبون الزينة و المجوهرات .. حتى لكل الرجال الي يحبون البنات ;)

هذا شكلها ب breakfast at tiffany's الشكل الي تعبوا الناس يقلدوناه، بس معليش يبطون .. حتى المايك آب الي حاطته، لسا الناس تسويه :) (للي يبغى يعرف كيف يسوي المايك آب حقها هنا)

هذا الفستان الأسود الأشهر ع الأطلاق فستان أسود جيفنتشي لبسته بالفيلم و أنباع ب 2006 بحوالي مليون دولار !!!

هذا سكتش للبس و تصور إيديث هيد (مصمة الأزياء بالفيلم) لأودري.

OMG!! هذا هو العقد الي لابسته مع الفستان .. و أعتقد أنه من تيفاني .. (تراني ما أرفض أحد يجيب لي زيه) :).

هذا الفستان على أنه حلو بالصورة، و الأعتقد في أحد ممكن يقول راحت موضته و لا أقدر ألبسه ،، بس تراه بالفيلم أحسن و شوفوا الترايلير. و أنا متأكده إنها ملهمة جون جوليانو بمجموعة ديور الأخيرة (لو قال لا يسمح لي كذاب) :) و شوفوا هذا الفستان الي حطيته بجنبه، و كل هذي الفساتين فيها لمسة من فستانها(١) (٢) (٣).


وااااو ع اللوك ..

Charade

هذا الفيلم كملت هي و كاري قرانت .. قولوا لي وش يخليني ما أشوفه :)




تعطي الدروس بكيف الواحد يطلع للناس ..

هذا جيفنتشي كمان لبسته بالفيلم (لو ما لجفنشي بالموضة إلا هالملابس يكفيهم)


يا ربي من وين كل هـ الأناقة ؟!!!


يا ناس ع القبعات .. .

My Fair Lady

هذا آخر فيلم راح أحطه هنا

هذا الفيلم تراه خفيف و فيه أغاني حلوه






هذا الفستان زي ماهو واضح بالسكتش هذا أنه وردي ومن شيفون ..


هذا الفستان الأخير الي لبسته بالحفلة الراقصة بسفارة ترانسلفينا .. و كانت لابسه فوقه معطف مخمل عنابي طالع واااااااااو ..



للتنويه كل الفستاين أحلى بالطبيعة، و لا عندي إمكانية أحط كل الفساتين و الملابس و المجوهرات و النظارات و القبعات .. و كل شي كل شي .. الي ما يهمه كل هذا لا تفوته طلت أودري لأنها تكفي ..